قورشاعان ورتا، اۋا ساپاسىنىڭ مەملەكەتتىك جاڭا ولشەمى شىقتى! ”جاقسى اۋا رايىنىڭ“ ولشەمى ءتىپتى دە قاتاڭ بولدى

ءتىلشىنىڭ 2 – ايدىڭ 24 – كۇنى ەكولوگيالىق ورتا مينيسترلىگىنەن ۇعىسۋىنشا، ەكولوگيالىق ورتا مينيسترلىگى مەن مەملەكەتتىك بازاردى باقىلاۋ – باسقارۋ باس مەكەمەسى تاياۋدا «قورشاعان ورتا، اۋا ساپاسى ولشەمى» (GB 3095 - 2026) مەن ەكى ءتۇرلى سايكەستى تەحنيكالىق ولشەمدى بىرلەسىپ جاريالاعان. بۇل بۇدان بىلاي ”جاقسى اۋا رايىنىڭ“ ولشەمىنىڭ ءتىپتى دە قاتاڭ بولىپ، بۇقارانىڭ دەنساۋلىعىن ءتىپتى دە ويداعىداي قامتاماسىزداندىراتىندىعىنان دەرەك بەرەدى.

وسى رەتكى وزگەرىس ەنگىزۋدە توزاڭ زاتتار مەن ونىڭ نەگىزگى قاينارى بولعان زاتتاردىڭ قويۋلىق شەگى قاتاڭ تىزگىندەلىپ، PM 2.5 تىڭ جىلدىق ورتاشا قويۋلىق 1 - دارەجەلى شەكتى ءمانى 10 ميكروگرام / تەكشەمەتر، 2 - دارەجەلى شەكتى ءمانى 25 ميكروگرام / تەكشەمەتر بولدى؛ كۇندىك ورتاشا قويۋلىق 1 - دارەجەلى شەكتى قۇنى 25 ميكروگرام/ تەكشەمەتر، 2 - دارەجەلى شەكتى قۇنى 50 ميكروگرام/ تەكشەمەتر دەپ رەتتەلدى؛ PM 10، كۇكىرت قوس توتىعى ( SO2 ) جانە ازوت قوس توتىعى ( NO2 ) سىندى ءۇش ءتۇرلى لاس زاتتاردىڭ قويۋلىق شەگى قاتار قاتايتىلدى.

جاڭا ولشەم ساتىعا ءبولىپ اتقارۋ ءتاسىلىن قولدانادى. ءبىرىنشى ساتىدا 2026 – جىلى 3 – ايدىڭ 1 – كۇنىنەن 2030 – جىلى 12 – ايدىڭ 31 – كۇنىنە دەيىن وتپەلى كەزەڭدەگى قويۋلىق شەگى اتقارىلادى: P M 2.5 تىڭ جىلدىق ورتاشا قويۋلىعى مەن كۇندىك ورتاشا قويۋلىعىنىڭ 2 - دارەجەلى شەگى جەكە - جەكە 30 ميكروگرام / تەكشەمەتر جانە 60 ميكروگرام / تەكشەمەتر بولادى. ەكىنشى ساتىدا 2031 – جىلى 1 – ايدىڭ 1 – كۇنىنەن باستاپ بۇكىل ەل كولەمىندە وزگەرىس ەنگىزىلگەننەن كەيىنگى PM 2.5، PM 10، SO2 جانە NO2 قويۋلىق شەگى اتقارىلادى.

كەلۋ قاينارى: حالىق تورابى