وقۋ – اعارتۋ مينيسترلىگى: ”مەكتەپ تاماعى“، وقىتۋ قوسىمشا ماتەريالدارىنا زاكاز بەرۋ قاتارلى ىستەر ارناۋلى جونگە سالىنادى 

3 - ايدىڭ 7 – كۇنى، 14 – كەزەكتى مەملەكەتتىك حالىق قۇرىلتايى 4 – ءماجىلىسىنىڭ حالىق تۇرمىسى تاقىرىبىنداعى تىلشىلەردى قابىلداۋ ءماجىلىسى اشىلدى.

وقۋ – اعارتۋ مينيسترلىگىنىڭ مينيسترى حۋاي جينپىڭ ماجىلىستە مىنانى ءبىلدىردى: وقۋ – اعارتۋ مينيسترلىگى مەكتەپ اۋلاسىنداعى حاۋىپسىزدىك جونىندە ارناۋلى ارەكەت ورىستەتىپ، قوعام حاۋىپسىزدىگى تاراۋلارى، دەنساۋلىق ساقتاۋ – سالاماتتىق تاراۋلارى، بازاردى باقىلاۋ – باسقارۋ تاراۋلارى قاتارلى تاراۋلارمەن بىرگە، اناعۇرلىم قاتاڭ ءارى شىنايى شارالار ارقىلى مەكتەپ اۋلاسىنداعى حاۋىپسىزدىكتى قورعاۋ قورعانىس شەبىن بەكەمدەيدى.

مەكتەپ جۇمىسىن زاڭ – تۇزىمگە قايشى تۇردە ورىستەتۋ، ۇيرەنۋ ۋاقىتىن شەكتەن اسىرۋ، مەكتەپ اۋلاسىنداعى زورلىق – زومبىلىق قاتارلىلارعا قاتىستى اداقتاۋ – جونگە سالۋ قىزمەتىن ۇزدىكسىز ورىستەتىپ، ”مەكتەپ تاماعى“، وقىتۋ قوسىمشا ماتەريالدارىنا زاكاز بەرۋ قاتارلى ىستەردى ارناۋلى جونگە سالادى. بيىل نەگىزدىك وقۋ – اعارتۋدى جۇيەگە ءتۇسىرىپ باسقارۋ جىلى ارەكەتىن ۇزدىكسىز ورىستەتىپ، زاڭ – تۇزىمگە قايشى ارەكەتتەر كوزگە تۇسكەن ساتتە باتىل سوققى بەرىپ، ماسەلەنىڭ قايتا تۋىنداۋىنان بارىنشا ساقتانادى.

كەلۋ قاينارى: حالىق تورابى