بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.03.09 16:38 كەلۋ قاينارى : حالىق تورابى
بيىلعى مەملەكەتتىك ەكى ماجىلىستە ساياسات ۇزدىكسىز دەم بەرىپ، ”’قارتتار مەن بالالارعا‘ قىزمەت وتەۋدى ساپالىلاندىرۋ“ ۇكىمەت قىزمەتىنەن بايانداماعا ەنگىزىلدى.
ءبىر رەتكى گرۋپپا تالقىسى ەندى عانا اياقتاعان سوڭ جۇڭگو دەموكراتيالىق وداعى فۋجيان ولكەلىك كوميتەتىنىڭ مەڭگەرۋشى مۇشەسى، مۇشە رۋان شى - ۋەي ۇيگە قايتىپ كەلىپ، تەكسەرۋ - زەرتتەۋدىڭ جاي - جاپسارىنا تولى ەستەلىك داپتەردى اشتى.
جايشىلىقتا رۋان شى - ۋەيگە نەگىزگى ساتىدان كەلەتىن اڭىستار وتە كوپ بولاتىن. بيىل ونىڭ نازارى ”قارتتار“ مەن ”بالالارعا“ شوعىرلاندى.
”قارتتاردى كۇتىمگە الۋ مەن اماناتتاپ تاربيەلەۋ ەجەلدەن وقشاۋ قالعان ءىس ەمەس ەدى“ دەدى رۋان شى - ۋەي.
وتكەن ءبىر جىلدا رۋان شى - ۋەي گاڭنۇڭ الەۋمەتتىك اۋماعىنا بارىپ تەكسەرۋ - زەرتتەۋ جۇرگىزىپ، بۇقارانىڭ شۇعىل، قيىن، ءزارۋ، ۋايىمداعان ماسەلەسىن شىنايى سەزىندى، سونداي - اق جەرگىلىكتى ورىننىڭ ىزدەنىس جاساۋىنىڭ جاندى ۇلگىسىن جينادى.
2025 - جىلى فۋجيان ولكەسى ”قارتتار مەن بالالاردىڭ“ قىزمەت وتەۋ ورەسىن ۇزدىكسىز جوعارىلاتىپ، 5 مىڭ قارتتاردى كۇتىمدەۋ توسەگىن تىڭنان كوبەيتىپ، 22 كىرىكپەلى زەينەتكەرلىككە قىزمەت وتەۋ قۇرىلىمىن جاڭادان قۇرىپ، 56 مىڭ جالپىعا ءتيىمدى اماناتتاۋ ورنىن تىڭنان كوبەيتىپ، 10 اۋداندا ”قارتتار مەن بالالارعا“ قاراتىلعان وتباسىلىق قىزمەت وتەۋدى تۇيىندە سىناق ەتۋدى ورىستەتتى.
چۋانجوۋ جينجياڭ قالاسىنداعى ءبىر قارتتاردى كۇتىمگە الۋ ورتالىعىندا رۋان شى - ۋەي ورتالىقتىڭ بالالار رايونىن اشقانىن، قارتتاردىڭ حاتكەرلىككە جاتتىعاتىنىن، بالالاردىڭ سۋرەت كىتاپتارىن وقىپ، اتا - بابالارىمەن بىرگە قولونەر بۇيىمدارىن جاساپ، بىرگە ءان ايتاتىنىن كوردى. كوپ جىل جالعىز تۇرعان ءبىر قارت وعان ءار كۇنى بالالاردىڭ كۇلكىسىن ەستىپ، كوڭىلى دە دۋمانعا بولەنەتىندىگىن ايتتى. بالالار دا ءۇنسىز تاربيە قابىلداپ، قارتتاردى قۇرمەتتەۋدى، قارتتاردى ايالاۋدى ۇيرەنىپ الدى.
”شارت - جاعدايى بار جەرلەردە قارتتاردى كۇتىمگە الۋ مەن بالالاردى كۇتىمگە الۋعا قىزمەت وتەۋدى بىرىكتىرۋگە بولا ما؟ قارتتار مەن بالالاردى بىرگە باققاندا ەكى جاقتىڭ قيىنشىلىعىن ءبىر ءادىس ارقىلى شەشۋگە بولادى“ . بۇل كورىنىستەر رۋان شى - ۋەيگە اسەر ەتىپ، وعان ۇرپاق ارالىق ىقپالداستىق قارتتارعا دا، بالالارعا دا ءتيىمدى بولاتىندىعىن ۇعىندىردى.
تەكسەرۋ - زەرتتەۋ تەرەڭدەگەن سايىن بوگەۋ ءتۇيىنى دە ايقىندالا ءتۇستى. رۋان شى - ۋەي ءبىر تۇتاس جوسپارلاۋ كەمشىل بولعاندىقتان، جەر - جەردىڭ ولشەمى بىركەلكى بولمايتىندىعىن؛ دارىندىلار جاعىندا قارتتاردى كۇتىمدەۋدى دە، بالالاردى تاربيەلەۋدى دە بىلەتىن دارىندىلار توتەنشە تاپشى ەكەنىن بايقادى.
كەزىندە كلينيكالىق ءبىرىنشى شەپتە قىزمەت ىستەگەن رۋان شى - ۋەي جۇيەلى جوبا ازىرلەدى. ونىڭ قاراۋىنشا، بۇل ماسەلەلەردى شەشۋ ءۇشىن، ءسوز جوق، جۇيەلى وڭاۋ كەرەك.
ول مىنانى ۇسىنىس ەتتى: مەملەكەت دەڭگەيىندەگى ارناۋلى ساياسات شىعارىپ، تاراۋ اتتاپ بىرلەسىپ قيمىلداۋ مەحانيزمىن ورناتىپ، ”ءبىر تەرەزەدە قابىلداۋ، بىرلەسىپ تەكسەرىپ بەكىتۋدى“ جولعا قويۋ؛ كاسىپتىك مەكتەپتەردە ”قارتتار مەن بالالاردى بىرگە باعۋ“ كاسىبىن اشىپ، باعىتتامالى تاربيەلەۋ جانە ەڭبەكاقىمەن شابىتتاندىرۋ ارقىلى اناعۇرلىم كوپ كاسىپتىك دارىندىلاردى جەتىلدىرۋ كەرەك.
”مىندەت اتقارۋدىڭ مەيىر - شۋاعى بۇقارانىڭ مۇڭ - مۇقتاجىن كوكەيىندە ساقتاپ، ناقتاپ تياناقتاندىرۋدان ايگىلەنەدى“. مۇنداي وي رۋان شى - ۋەيدىڭ كوپ جىلدىق مىندەت وتەۋ جولىمەن ساباقتاسقان.
” ’قارتتار مەن بالالاردى بىرگە باعىپ - قاعۋ‘ امالياتى بايلىقتى ورنالاستىرۋدى ساپالىلاندىرىپ قانا قويماي، ونان دا ماڭىزدىسى، مەيىر - شاپاعاتتى ۇرپاقتان - ۇرپاققا جەتكىزەدى“. رۋان شى - ۋەي بىلاي دەدى: ”بيىلعى مەملەكەتتىك ەكى ءماجىلىس جابىلعاننان كەيىن مەن ’ءقارتتار مەن بالالار‘ ماسەلەسىنە ۇزدىكسىز نازار اۋدارىپ، الەۋمەتتىك اۋماقتىڭ ءبىرىنشى شەبىنە ىشكەرىلەي بارىپ، بۇقارانىڭ شۇعىل، قيىن، ءزارۋ، ۋايىمداعان ماسەلەسىنە كوڭىل ءبولىپ، ىشكەرىلەي تەكسەرۋ - زەرتتەۋ جۇرگىزىپ، مىندەتتى بەلسەنە اتقارامىن“.
