ساياسي كەڭەس مەملەكەتتىك 14 - كەزەكتى كوميتەتىنىڭ 4 - ءماجىلىسى ءۇشىنشى جالپى جيىنىن وتكىزدى

شينحۋا اگەنتتىگى، 3 - ايدىڭ 8 - كۇنى، بەيجيڭ. ساياسي كەڭەس مەملەكەتتىك 14 - كەزەكتى كوميتەتىنىڭ 4 - ءماجىلىسى 3 - ايدىڭ 8 - كۇنى تۇستەن كەيىن حالىق سارايىندا ءۇشىنشى جالپى جيىنىن وتكىزدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ جيىنعا قاتىناستى. ساياسي كەڭەستىڭ 14 مۇشەسى جيىندا ءسوز سويلەدى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى لي شۋلەي، مەملەكەتتىك كەڭەستىڭ مۇشەسى چىن ي - چين، سونداي - اق جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار ۇسىنىس بويىنشا جيىنعا قاتىناسىپ، سوزدەردى تىڭدادى.

مۇشە ليان ي - مين مىنالاردى ۇسىنىس ەتتى: ”1000 قىستاقتا ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسى ارقىلى قالا - اۋىلدىڭ توعىسپالى دامۋىن جەتەكتەپ، اۋدان ورتالىعىن ماڭىزدى دانەكەر ەتكەن جاڭاشا قالا - قالاشىقتاندىرۋدى ىلگەرىلەتىپ، ”قىستاقتى گۇلدەندىرۋ“ ارقىلى ىشكى دامۋدىڭ قوزعاۋشى كۇشىن قاۋلاتىپ، ”توعىسۋ“ ارقىلى قالا مەن اۋىلدىڭ ءبىر تۇلعالى دامۋىن جەبەپ، ساتىلى ورنالاستىرىپ، دالمە - ءدال تياناقتاندىرىپ، جالپى حالىقتىڭ بىرگە بايۋعا نىق قادام تاستاۋىن ىلگەرىلەتسەك.

مۇشە چىن شيڭيىڭ جۇڭگو گومينداڭ توڭكەرىستىك كوميتەتى ورتالىق كوميتەتى اتىنان ءسوز سويلەپ بىلاي دەدى: ”تايۋان دەربەستىگى“ كۇشتەرى اينا قاتەسىز ”بەيبىتشىلىكتى بۇلدىرۋشىلەر“، ”داعدارىس تۋدىرۋشىلار“، ”سوعىسقا جەلىكتىرۋشىلەر“، بۇعان ەكى جاعالاۋداعى باۋىرلاستار، ءسوز جوق، وسكەلەڭ قىراعى بولۋى كەرەك. تايۋاننىڭ بولاشاعى مەملەكەتتىڭ بىرلىككە كەلۋىندە، تايۋاندىق باۋىرلاستاردىڭ باقىتى ۇلتتىڭ گۇلدەنۋىمەن بايلانىستى. ەكى جاعالاۋ قارىم - قاتىناسىنىڭ بەيبىت دامۋ جالپى جاعدايىن بىرگە قورعاپ، ەكى جاعالاۋدىڭ توعىسپالى دامۋىن ىلگەرىلەتىپ، ۇلتتىڭ گۇلدەنۋى سىندى ۇلى داڭققا بىرگە كەنەلۋ كەرەك.

مۇشە ياڭ ميڭجيە سوزىندە بىلاي دەدى: قانداي دۇنيە ءجۇزىن قۇرۋ، وسى دۇنيە ءجۇزىن قالاي قۇرۋ _ ادامزاتتىڭ بولاشاعى مەن تاعدىرىنا ساياتىن كەلەلى ماسەلە. ءتورت ءىرى دۇنيە جۇزىلىك باستامانى بەلسەنە تياناقتاندىرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، بىرلەسكەن مەملەكەتتەر ۇيىمىنىڭ ورنى مەن بەدەلىن باتىل قورعاپ، شەتەلگە ساياتىن زاڭمەن جونگە سالۋ قۇرىلىسىن بارىنشا كۇشەيتىپ، حالىقارالىق ءتارتىپتىڭ اناعۇرلىم ءادىل، ۇيلەسىمدى باعىتقا قاراي دامۋىن ىلگەرىلەتۋ كەرەك.

مۇشە جاڭ ىندي ادىلەت پارتياسى ورتالىق كوميتەتى اتىنان ءسوز سويلەپ، تۇزىمدىك ەسىك اشۋدى جەتەكشى ەتىپ، بازارلانعان، زاڭمەن جونگە سالىناتىن، حالىقارالانعان ماڭداي الى تيجارات - ساۋدا ورتاسىن قالىپتاستىرىپ، ءتۇرلى تيجارات تۇلعالارىنا اشىق، ورنىقتى، مەجەلەۋگە بولاتىن تۇزىمدىك ورتا ازىرلەپ، جوعارى ساپالى دامۋدىڭ جاڭا قوزعاۋشى قۋاتىن ونان ارى قاۋلاتىپ، ەسىك اشۋ ارقىلى رەفورمانى، دامۋدى جەبەۋدى ۇسىنىس ەتتى.

مۇشە شى رۇڭحۋاي سوزىندە بىلاي دەدى: ”15 - بەسجىلدىقتاعى“ ورايدى مىقتاپ يگەرىپ، مەملەكەتتىڭ دامۋ جالپى جاعدايىمەن ىشكەرىلەي توعىسىپ جانە وعان قىزمەت وتەپ، شياڭگاڭنىڭ مەملەكەتپەن بىرگە گۇلدەنۋىنىڭ ىرگە تاسىن بەكەمدەۋ − ”وتانشىلدار شياڭگاڭدى جونگە سالۋدى“ امالياتتا ايگىلەۋدىڭ قاجەتتى تالابى. مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاپ، بولشەكتەۋ ارەكەتىنە قارسى تۇرىپ، ”ءبىر ەل، ەكى ءتۇزىم“ نەگىزىن بەكەمدەپ، قوعامدىق جونگە سالۋدى كەمەلدەندىرىپ، حالىق تۇرمىسىنداعى كوڭىل ءبولىپ وتىرعان ماسەلەلەردى شەشىپ، دامۋدى بىرگە جەبەۋدىڭ قۋاتتى بىرىككەن كۇشىن ۇيىستىرۋ كەرەك.

مۇشە حى رۇنشىڭ سوزىندە بىلاي دەدى: اۋمىن وتانعا ارقا سۇيەۋ، دۇنيە ءجۇزىن تۇتاستىرۋ ابزالدىعىن ساۋلەلەندىرىپ، مەملەكەت ءۇشىن اقىل - پاراسات ەنگىزۋ، مەملەكەت ءۇشىن دارىندى دايىنداۋ جاقتارىندا بەلسەنە ىسكەرلىك كورسەتىپ، دارىندىلاردى دەربەس باۋلۋ ورەسىن جوعارىلاتىپ، دارىندىلاردى ەنگىزۋدىڭ، دارىندىلاردى شوعىرلاندىرۋدىڭ ەرەكشەلىككە يە تۇعىرىن قالىپتاستىرىپ، دارىندىلارعا قىزمەت وتەۋدى قامتاماسىز ەتۋ جۇيەسىن كەمەلدەندىرىپ، گۋاڭدۇڭ، شياڭگاڭ، اۋمىن دارىندىلارىنىڭ سايكەسە دامۋىن ىلگەرىلەتىپ، حالىقاراداعى جوعارى دەڭگەيلى دارىندىلاردى باۋراپ، مەملەكەتتىڭ دامۋ جالپى جاعدايىمەن اناعۇرلىم ويداعىداي توعىسىپ جانە وعان قىزمەت وتەپ، عىلىم - تەحنيكادا قۋاتتى ەل بولۋعا، دارىندىلارمەن قۋاتتى ەل قۇرۋعا اۋمىننىڭ كۇش - قۋاتىن ارناۋى كەرەك.

مۇشە بانچان ەردەني چۋەجيجەبۋ سوزىندە بىلاي دەدى: مەملەكەتتىڭ گۇلدەنۋى، ورنىقتىلىعى − دىنگە اقاۋسىز مۇراگەرلىك ەتۋدىڭ ءتۇبىرلى كەپىلى، جۇڭحۋا ۇلتىنىڭ ۇلى گۇلدەنۋى _ دىنگە سەنەتىن بارلىق بۇقارانىڭ جانە دىنگە سەنبەيتىن بۇقارانىڭ ورتاق باقىتى. زاڭزۋ بۇددا ءدىنى سالاسى مەملەكەتتىڭ دامۋ جالپى جاعدايىمەن اناعۇرلىم سانالى تۇردە توعىسىپ، ءدىننىڭ سوتسياليستىك قوعامعا سايكەسۋىن بەلسەنە ىلگەرىلەتىپ، وتانشىلدىقتىڭ باتىل امالياتتا ايگىلەۋشىسى، جۇڭحۋانىڭ تاڭداۋلى ءداستۇرلى مادەنيەتىنىڭ ادال مۇراگەرى جانە جۇڭگو ۇلگىسىندەگى وسىزامانداندىرۋدىڭ بەلسەندى قۇرۋشىسى بولۋعا قۇلشىنادى.

مۇشە ەلزات احمەتجان ءسوز سويلەپ، ءار ۇلتتىڭ كەڭ كولەمدە ارالاسۋىن، ىشتەسۋىن، توعىسۋىن اناعۇرلىم جەبەپ، ءتۇزىم مەحانيزمىن اقاۋسىزداندىرىپ، كەمەلدەندىرىپ، مادەنيەت، دەنە تاربيە قيمىلدارىنىڭ قوس باعىتتى اۋىس - كۇيىستى جەبەۋدەگى ءۇنسىز توعىستىرۋ رولىن اناعۇرلىم ويداعىداي ساۋلەلەندىرىپ، شينجياڭداعى ءار ۇلتتىڭ تامىرلاس بولۋىن، سەنىمى ۇقساس بولۋىن، مادەنيەتى توعىسۋىن، ەكونوميكا جاعىندا ارقا سۇيەۋىن، سۇيىسپەنشىلىگى جاقىن بولۋىن جەبەپ، جۇڭحۋا ۇلتى ورتاق تۇلعا تانىمىن اناعۇرلىم ويداعىداي بەكەمدەپ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى ۇسىنىس ەتتى.

مۇشە ۋ ۋەيشانءداۋىر تىنىسىن مىقتاپ ارقاۋ ەتىپ، جۇڭگو رۋحى مەن ءداۋىر ەستەتيكاسىن ايگىلەيتىن كوركەمونەر سارا تۋىندىلارىن جاراتىپ، وركەنيەت اۋىس - كۇيىسى مەن سۇيىسپەنشىلىك ۇشتاسقان ايقاسپالى كوپىردى قۇرىپ، كوپ جاق ات سالىساتىن جانە تەحنيكا قۋات بەرەتىن تاراتۋ جاعدايىن قالىپتاستىرىپ، كوركەمونەردىڭ وزگەشە كۇشىنەن پايدالانىپ دۇنيە جۇزىندەگى ءار ۇلت وركەنيەتىمەن شىنايى پىكىرلەسىپ، جۇڭحۋا وركەنيەتىنىڭ تاراتۋ قۋاتىن، ىقپال كۇشىن ۇزدىكسىز كۇشەيتۋدى ۇسىنىس ەتتى.

مۇشە پان جيانۋەي 3 - قىركۇيەك ءىلمي قوعامى ورتالىق كوميتەتى اتىنان ءسوز سويلەپ بىلاي دەدى: وقۋ - اعارتۋ ۇلگىسىندە ءبىلىم تاراتۋدان ساپا جەتىلدىرۋگە بۇرىلىس جاساۋدى ىلگەرىلەتىپ، وقۋشىلاردىڭ عىلمي ويلاۋ جانە ىزدەنىس جاساۋ قابىلەتىن جۇيەلى جەتىلدىرىپ، باعالاۋ رەفورماسى ارقىلى جاڭالىق اشۋ ومىرشەڭدىگىن قاۋلاتىپ، تۇزىمدىك جوبالاۋ ارقىلى ساتسىزدىككە كەڭشىلىكپەن قاراۋ جاعىندا ىزدەنىس جاساپ، مادەنيەتكە مۇراگەرلىك ەتۋ ارقىلى جاڭالىق اشۋ پاراساتىن قابىلداپ، وركەنيەتتەردىڭ ءوزارا ۇلگى الۋى ارقىلى جاڭاشىل مادەنيەتتى نارلەندىرىپ، عىلىمدى قاستەرلەۋدى، جاڭالىق اشۋعا تالپىنۋدى سالتقا اينالدىرۋ كەرەك.

مۇشە تيان چينشين سوزىندە بىلاي دەدى: جاڭا ءداۋىردىڭ جاڭا جورىعىندا سوتسياليستىك ادەبيەت - كوركەمونەردىڭ گۇلدەنۋىن، دامۋىن ىلگەرىلەتۋدە، ءسوز جوق، ادەبيەت - كوركەمونەردىڭ اۋەلگى ماقساتىنا مۇراگەرلىك ەتۋدى، حالىق تۇرعىسىندا بەرىك تۇرۋدى باستان - اياق ساباقتاستىرۋ كەرەك.

ماركسيزمدىك ادەبيەت - كوركەمونەر كوزقاراسىنىڭ نەگىزىن ۇزدىكسىز بەكەمدەپ، اۆتورلاردى نەگىزگى ساتىعا، ءبىرىنشى شەپكە ىشكەرىلەي ارالاسىپ، جۇڭگو حالقىنىڭ ۇلى امالياتىنان مول ءنار الىپ، يدەياسى تەرەڭ، كوركەمدىك جاعىنان تولىسقان، جاسالۋى تاماشا، جۇڭگو رۋحىن، ءداۋىر اعىمىن ايگىلەيتىن تىڭ تۋىندىلاردى جاراتۋعا شابىتتاندىرۋ كەرەك.

مۇشە شۇي شينرۇڭ ءسوز سويلەپ بىلاي دەدى: شي جينپيڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ جانە امالياتتا ايگىلەپ، ارتۋ تاسىلىنە جاڭالىق ەنگىزىپ، جونگە سالۋ جۇيەسىن كەمەلدەندىرىپ، حالىقتى بايىتۋدىڭ ەكولوگيالىق جولىن كەڭەيتىپ، جوعارى ساپالى ەكولوگيالىق ورتا ارقىلى جوعارى ساپالى دامۋعا تىرەك بولىپ، بۇقارانىڭ بايۋىن، ەكولوگيانىڭ كوركەم بولۋىن جۇزەگە اسىرۋ كەرەك.

مۇشە ۋاڭ جيننان جۇڭگو شارۋا - جۇمىسشى دەموكراتيالىق پارتياسى ورتالىق كوميتەتى اتىنان ءسوز سويلەپ، ”15 - بەسجىلدىق“ كەزىندە جۇيە كوزقاراسىنا تاباندى بولىپ، جالپى جاعدايدى كوزدەپ، ءتۇيىندى كورنەكتىلەندىرىپ، ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن جەدەلدەتىپ، لاستانۋدان ساقتانۋدان جانە ونى جونگە سالۋدان قامال الۋ مەن ەكولوگيالىق جۇيەنى ساپالىلاندىرۋدى سايكەستى ىلگەرىلەتىپ، جاسىل ءوندىرىس، تۇرمىس ءتاسىلىن دارىپتەۋگە شابىتتاندىرىپ، كورىكتى جۇڭگو قۇرۋدى ۇسىنىس ەتتى.

مۇشە ۋىن شيگاڭ سوزىندە بەيتۇنبا ەنەرگيامەن قامداۋ تۇلعاسى، قازبا ەنەرگيامەن ەڭ تومەنگى شەكتەن تۇسىرمەي قامتاماسىز ەتۋ، جاڭاشا ەلەكتر جۇيەسىن شەشۋشى تىرەك، جاسىل، زەردەلى، ۇنەمدى ەنەرگيا پايدالانۋدى باعدار ەتكەن جاڭاشا ەنەرگيا جۇيەسىن بىرتىندەپ ورناتىپ، جاڭا ەنەرگيا مەن ءداستۇرلى ەنەرگيانى سايكەستىرۋگە، تەحنيكادا جاڭالىق اشۋ مەن كاسىپ سالاسى دارەجەسىن جوعارىلاتۋدى سايكەستىرۋگە تاباندى بولىپ، ەنەرگيا بايلىعىنىڭ حاۋىپسىزدىگىن قامتاماسىز ەتۋ قابىلەتىن جوعارىلاتۋدى ۇسىنىس ەتتى.

جيىندى مەملەكەتتىك ساياسي كەڭەس ءتوراعاسىنىڭ ورىنباسارى شاۋ حۇڭ باسقاردى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى شى تايفىڭ، مەملەكەتتىك كەڭەس ءتوراعاسىنىڭ ورىنباسارلارى حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، حى حوۋحۋا، لياڭ جىنيىڭ، باتىر، سۋ حۇي، گاۋ يۇنلۇڭ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن جيىنعا قاتىناستى.