نەگىزگى ساتىنى جونگە سالۋدى وسىزامانداندىرۋ سىندى نەگىزدىك قىزمەتتى، ءسوز جوق، ويداعىداي يگەرۋ كەرەك (باس شۋجيدىڭ حالىقشىلدىق سۇيىسپەنشىلىگى)

بيىل 3 - ايدا باس شۋجي شي جينپيڭ حىبەي شيۇڭ - ان جاڭا رايونىندا قىزمەت تەكسەرگەندە ءارى شيۇڭ - ان جاڭا رايونىنىڭ جوعارى ساپالى قۇرىلىسى مەن دامۋىن ىشكەرىلەي ىلگەرىلەتۋ اڭگىمە ءماجىلىسىن باسقارىپ اشقاندا بىلاي دەپ باسا دارىپتەدى: ”ءسوز جوق، جۇيەلى جوسپارلاپ، جوعارى ساپالى قۇرىلىس پەن جوعارى ءونىمدى جونگە سالۋدى ءبىر تۇتاس ويداعىداي يگەرۋ كەرەك“. بيىل 2 - ايدا باس شۋجي شي جينپيڭ بەيجيڭدە قىزمەت تەكسەرگەندە: ”پارتيا قۇرىلىسى ارقىلى جەتەكشىلىك ەتۋگە تاباندى بولىپ، عىلىم - تەحنيكا ارقىلى قۋات ۇستەۋدى كۇشەيتىپ، قالانى جونگە سالۋدىڭ اناعۇرلىم ءونىمدى، ەگجەي - تەگجەيلى بولۋىنا مۇمكىندىك جاساۋ كەرەك“ دەپ اتاپ كورسەتتى.

نەگىزگى ساتى − مەملەكەتتى جونگە سالۋدىڭ ”نەرۆ ۇشى“.

گۇيجوۋ ولكەسى گۇيياڭ قالاسى گۋانشان كولى رايونى جينياڭ ءمالى باسقارماسى جينيۋان الەۋمەتتىك اۋماعىنا بارعاندا كوپتەگەن جەرگە ەكىلىك جاپسىرىلعان. تۇرعىندار الەۋمەتتىك اۋماققا قانداي ۇسىنىس قويسا، ەكىلىكتى جايمالاۋ ارقىلى اڭىس ەتۋگە بولادى. كىشكەنەسى شاعىن اۋماقتىڭ قۇرىلعىلارىن جوندەۋگە دەيىن، ۇلكەنى قارتتار مەكتەبىن قۇرۋعا دەيىن، الەۋمەتتىك اۋماقتىڭ ىستەرىنە كوپشىلىك بىرگە كوڭىل ءبولىپ، باقىتتى مەكەندى بىرگە قۇرىپ، بىرگە يگىلىكتەندى.

نەگىزگى ساتى نىعايسا، مەملەكەت نىعايادى، نەگىزگى ساتى تىنىش بولسا، الەم تىنىش بولادى. 2021 - جىلى 2 - ايدا باس شۋجي شي جينپيڭ جينيۋان الەۋمەتتىك اۋماعىنا كەلىپ، حالىققا قولايلى قىزمەت كورسەتۋ، نەگىزگى ساتى پارتيا قۇرىلىسىن كۇشەيتۋ سياقتى جاعدايلاردى ۇعىستى. باس شۋجي بىلاي دەپ اتاپ كورسەتتى: ”نەگىزگى ساتىنى جونگە سالۋدى وسىزامانداندىرۋ سىندى نەگىزدىك قىزمەتتى، ءسوز جوق، ويداعىداي يگەرۋ كەرەك“.

”15 - بەسجىلدىق“ جوبا باعدارلاماسىندا مىنالار العا قويىلدى: جۇيەلى جونگە سالۋعا، زاڭ بويىنشا جونگە سالۋعا، جان - جاقتى جونگە سالۋعا، تۋ باستان جونگە سالۋعا تاباندى بولىپ، بىرگە قۇراتىن، بىرگە جونگە سالىناتىن، بىرگە يگىلىكتەنەتىن قوعامدىق جونگە سالۋ ءتۇزىمىن كەمەلدەندىرىپ، قوعامدىق قىزمەت ءتۇزىلىس، مەحانيزمى مەن قوعامدىق جونگە سالۋ ساياساتى، زاڭ - ەرەجە جۇيەسىن اقاۋسىزداندىرىپ، قوعامدىق جونگە سالۋدىڭ وسىزاماندانۋىن ىلگەرىلەتۋ كەرەك.

پارتيا قۇرىلىسى ارقىلى جەتەكشىلىك ەتىپ، ارقاۋدى بەكەمدەپ، نەگىزدى كۇشەيتىپ، جونگە سالۋ ابزالدىعىن ساۋلەلەندىرۋ كەرەك.

2025 - جىلعى مەملەكەتتىك ەكى ءماجىلىس كەزىندە باس شۋجي شي جينپيڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناستى. الەۋمەتتىك اۋماقتاعى ىستەرگە باس شۋجي ايرىقشا كوڭىل ءبولدى.

”الەۋمەتتىك اۋماقتارىڭىزدىڭ جان سانى قانشا؟“

”7 مىڭ 266 ادام 5 تۇرعىندار شاعىن اۋماعىنان قۇرالعان. مەن العاش كەلگەندە نەبارى 3000 نان استام ادام عانا بار ەدى، قازىر ەكى ەسەلەندى“.

”الەۋمەتتىك اۋماق شۋجيى _ ’شاعىن كوشەنىڭ زۇڭليى‘، باسقاراتىن ىستەر وتە كوپ، وڭاي ەمەس“. باس شۋجي كوپ اسەر الدى.

پارتيا قۇرىلىسى ارقىلى جەتەكشىلىك ەتۋ قالا مەن اۋىلدىڭ نەگىزگى ساتىنى جونگە سالۋداعى بىرگە قۇرۋ، بىرگە وڭاۋ، بىرگە يگىلىكتەنۋ جاعدايىن ورناتۋعا ءتۇبىرلى ساياسي كەپىلدىك ازىرلەپ، بەتالىس كورسەتتى.

”نەگىزگى ساتىنىڭ پارتيا قۇرىلىسىن كۇشەيتۋدى، پارتيانىڭ بيلىك جۇرگىزۋ نەگىزىن بەكەمدەۋدى قوعامدىق جونگە سالۋ مەن نەگىزگى ساتى قۇرىلىسىنا سىڭىرىلگەن قىزىل سىزىق ەتۋ كەرەك“.

نەگىزگى ساتىعا تالاي رەت ىشكەرىلەي ارالاسىپ، الەۋمەتتىك اۋماقتارعا بارعان باس شۋجي شي جينپيڭ ”پارتيا قۇرىلىسىمەن نەگىزگى ساتىنى جونگە سالۋعا جەتەكشىلىك ەتۋ كەرەك“ دەپ تالاي رەت باسا دارىپتەدى.

ءبىر ياچەيكا _ ءبىر قامال، ءبىر پارتيا مۇشەسى _ ءبىر تۋ.

پارتيا قۇرىلىسى ارقىلى جەتەكشىلىك ەتۋگە تاباندى بولعاندا عانا، ءار جاقتاعى كۇشتەردى جۇدىرىقتاي جۇمىلدىرىپ، نەگىزگى ساتىنى جونگە سالۋ ءورىسىن بىرىكتىرىپ، پارتيانىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ ابزالدىعىن قوعامدىق جونگە سالۋ ونىمدىلىگىنە اينالدىرۋعا بولادى.

مادەنيەت ارقىلى ادام تاربيەلەپ، جاراسىمدى قاتار ءومىر ءسۇرىپ، جونگە سالۋ اقىل - پاراساتىن ۇيىستىرۋ كەرەك.

”ءبىر كىتاپتى داۋالعا ارناپ جازساڭ، وعان ەركىن جول بەرسەڭ قايتەدى؟“ انحۇيدىڭ تۇڭچىڭ قالاسى ليۋچى كوشەسىندەگى اڭگىمە قازىرگە دەيىن جالعاسىپ كەلەدى.

2024 - جىلى 10 - ايدا باس شۋجي شي جينپيڭ ليۋچى كوشەسىندە قىزمەت تەكسەرگەندە بىلاي دەپ اتاپ كورسەتتى: ”تاريحي مادەنيەتتى قورعاۋدى كۇشەيتىپ، جاسامپازدىقپەن تۇرلەندىرۋگە، جاسامپازدىقپەن دامىتۋعا تاباندى بولىپ، سوتسياليستىك وزىق مادەنيەتتى دامىتۋ، توڭكەرىستىك مادەنيەتتى ساۋلەلەندىرۋ، جۇڭحۋانىڭ تاڭداۋلى ءداستۇرلى مادەنيەتىنە مۇراگەرلىك ەتۋ جاعىنا سايكەسە كۇش سالىپ، قوعامدىق جونگە سالۋدىڭ مادەنيەت نەگىزىن بەكەمدەۋ كەرەك“.

تاريحتى بۇگىنگىگە ۇلگى ەتىپ، مەملەكەتتى جونگە سالۋعا دەم بەردى.

شي جينپيڭ جولداس جىجياڭدا قىزمەت ىستەگەن كەزىندە ”فىڭچياۋ تاجىريبەسىن“ جاڭالىق اشا دامىتۋدى تىكەلەي جەبەپ جانە جوسپارلاپ، ”تىنىش جىجياڭ“، ”زاڭمەن باسقارىلاتىن جىجياڭ“ قۇرىلىسىنا تەرەڭ ءسىڭىرىپ، جىجياڭنىڭ قوعامدىق جونگە سالۋدىڭ ءار جاعىنىڭ جالپى بارىسىنا ءسىڭىردى.

2023 - جىلى 9 - ايدا باس شۋجي شي جينپيڭ جىجياڭنىڭ جۋجي فىڭچياۋ قالاشىعىنا كەلىپ، بىلاي دەپ اتاپ كورسەتتى: ”ادام مەن ادام ىنتىماقتى، قارايلاسىمدى، جاراسىمدى ءوتۋى كەرەك. مۇندا جۇڭحۋانىڭ تاڭداۋلى ءداستۇرلى مادەنيەتى دە، ماركسيزم دە بار“.

”ەكىنشى ۇشتاستىرۋ“ نەگىزگى ساتىنى جونگە سالۋدى وسىزامانداندىرۋدى جۇڭگونىڭ اقىل - پاراساتىمەن جانە جوباسىمەن قامدادى. ”جاراسىمدى قاتار ءومىر سۇرەتىن“ مادەنيەت گەنى وسى زامانعى نەگىزگى ساتىنى جونگە سالۋعا قۇيىلىپ، وسى زامانعى جاڭا قۇندى قاۋلاتتى.

حالىق ءۇشىن ىستەپ، حالىققا سۇيەنىپ، جونگە سالۋ ونىمدىلىگىن جوعارىلاتۋ كەرەك.

”بىرگە قۇرعاندا عانا بىرگە يگىلىكتەنۋگە بولادى، بىرگە قۇرۋ بارىسى دا بىرگە يگىلىكتەنۋ بارىسى سانالادى“.

حۋتۇڭ اۋلاسىن جاڭالاۋ، وزگەرتۋ جونىندە كەڭەس وتكىزىپ، ءمالى، الەۋمەتتىك اۋماق، تۇرعىندار قاتارلى جاقتاردىڭ ۋاكىلدەرىن شوعىرلاندىردى.

2019 - جىلى كوكتەم مەرەكەسى قارساڭىندا باس شۋجي شي جينپيڭ بەيجيڭ قالاسى دۇڭچىڭ رايونى ساۋچاڭ سىتياۋ حۋتۇڭىنىڭ ”شاعىن اۋلا كەڭەس كەڭسەسىنە“ كىرىپ، قىزۋ ىنتامەن تالقىعا قاتىناستى.

باس شۋجي بىلاي دەپ اتاپ كورسەتتى: ”شاعىن اۋلا كەڭەس كەڭسەسىن“ قۇرۋ، ”تۇرعىنداردىڭ ءىسىن تۇرعىندار كەڭەسۋ، تۇرعىنداردىڭ ءىسىن تۇرعىندار بەلگىلەۋ“ الەۋمەتتىك اۋماق تۇرعىندارىنىڭ تاۋەلدىلىك سەزىمى مەن قوجايىندىق تانىمىن كۇشەيتۋگە، الەۋمەتتىك اۋماقتى جونگە سالۋ مەن قىزمەت وتەۋدىڭ دالمە - ءدال، ەگجەي - تەگجەيلى بولۋ دەڭگەيىن جوعارىلاتۋعا ءتيىمدى.

”حالىقتىڭ مۇددەسىنە ساياتىن ىستەردى حالىق ىشىندە اقىلداسىپ شەشۋ كەرەك، اقىلداسپاي نەمەسە تولىق اقىلداسپاي ءىستى ويداعىداي تىندىرۋ وتە قيىنعا سوعادى“.

”سەن“، ”مەن“، ”ول“ ءبارى ”كوپشىلىككە“ اينالادى. بىرگە اقىلداسۋ، بىرگە جونگە سالۋ ارقىلى نەگىزگى ساتىنى جونگە سالۋدا جاڭالىق اشۋدى ىلگەرىلەتۋ _ ءارى بۇقاراعا سۇيەنىپ، جونگە سالۋداعى قيىن ماسەلەلەردى شەشۋدىڭ مەتودولوگياسى، ونان دا ماڭىزدىسى، دامۋ جەتىستىكتەرىنەن حالىق ورتاق يگىلىكتەنۋدىڭ جاندى بەينەسى.

”توسپا كەڭەسىنەن“ ”ورىندىق دەموكراتياسىنا“ دەيىن، جەلىدەن تىسقارى ”دوڭگەلەك ۇستەل كەڭەسىنەن“ جەلىدەگى ”كەڭەس كەڭەسىنە“ دەيىن... جەر - جەر جالپى بارىستىق حالىق دەموكراتياسىن نەگىزگى ساتىنى جونگە سالۋعا ءسىڭىرىپ، بارلىق ادام ات سالىسىپ، بارلىق ادام كۇش سالىپ، بارلىق ادام تابىس سەزىمىنە يە بولدى.

”مەملەكەتتى جونگە سالۋ داعدىلى ءىس، ال حالىققا پايدا جەتكىزۋ نەگىز بولماق“.

2024 - جىلى 11 - ايدا باس شۋجي شي جينپيڭ حۋبەيدىڭ جيايۇي اۋدانى سى - ي قىستاعىنا كەلىپ قىزمەت تەكسەردى، قىستاقتاعى پارتيا مەن بۇقاراعا قىزمەت وتەۋ ورتالىعىنىڭ قابىرعاسىنا جاپسىرىلعان «بۇقاراعا قىزمەت وتەۋ ىستەرى ءتىزىمى» باس شۋجيدىڭ نازارىن اۋداردى. ”بۇرىن كوبىندە بۇقارادان جۇمىس ىستەۋدى تالاپ ەتەتىنبىز، قازىر كوبىندە پارتيالى كادرلار بۇقاراعا جۇمىس ءبىتىرىپ، قىزمەت وتەپ وتىر، بۇل _ ءتۇبىرلى وزگەرىس“.

وسى”ءتۇبىرلى وزگەرىس“ حالىقتىڭ رازىلىعىن ءتۇبىرلى ولشەم ەتەدى.

باس شۋجي شي جينپيڭ مىنانى باسا دارىپتەدى: ”بۇقارانىڭ كوڭىلىندە تارازى بار. ءبىز بۇقارانى كوكەيدە ساقتاعاندا عانا، بۇقارا ءبىزدى كوكەيىندە ساقتايدى“.