بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.06.16 10:36 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى لي ميڭحۇي 6 - ايدىڭ 15 - كۇنى بەيجيڭنەن حابارلايدى. قوعام حاۋىپسىزدىگى مينيسترلىگى ينتەرنەت حاۋىپسىزدىگى مەڭگەرمەسى 6 - ايدىڭ 15 - كۇنى ينتەرنەت ارقىلى وسەك - اياڭ تاراتۋعا ساياتىن زاڭعا قايشى قىلمىستىق دەلولاردان تيپتىك 10 دەلونى جاريالادى.
بۇل تيپتىك 10 دەلو ءبىر ءبولىم زاڭسىز ەلەمەنتتەردىڭ ادامداردىڭ جارالانۋى جانە ءولىم – ءجىتىم جاعدايى، شىندىققا جاناسپايتىن ساياسات، ازىق - تۇلىك حاۋىپسىزدىگى قاتارلى جاقتاردا جالعان ينفورماتسيالاردى قالاعانىنشا قيىستىرىپ، تاراتىپ، قوعامدىق ءتارتىپتى اۋىر دارەجەدە بۇلدىرگەنىن، زاڭنىڭ قىزىل سىزىعىنان اتتاعانىن كورسەتەدى.
جاڭ X تىڭ ءىس جاعدايىن جالعاننان قۇراستىرۋى دەلوسىندا، جاڭ فاميليالى بلوگەر جۇرت نازارىن اۋدارىپ، كورىلىم جيناۋ ءۇشىن، شاندۇڭداعى ءمالىم ورتا مەكتەپتىڭ قاقپاسىنىڭ الدىندا اۆتوموبيل شىرعالاڭى تۋىلدى دەگەن سياقتى شىندىققا جاناسپايتىن ينفورماتسيالاردى جاريالاپ، كوپتەگەن توراپتاستاردىڭ تالقىلاۋىنا مۇرىندىق بولعان. تەكسەرۋ ارقىلى، ينتەرنەتتە تارالعان بۇل ينفورماتسيالاردىڭ بارلىعىنىڭ جالعان ەكەندىگى انىقتالدى، جەرگىلىكتى قوعام حاۋىپسىزدىگى ورگاندارى جاڭ X تى اكىمشىلىك جاقتان جازالادى.
فۋ X، دىڭ XX، حۋاڭ XX قاتارلى 6 ادامنىڭ ءىستىڭ جاعدايىن جالعاننان قۇراستىرۋى دەلوسىنداعى 6 ادام انحۇيدىڭ سۋجوۋ قالاسىنداعى جەرگىلىكتى ورىنداعى شوفەرلىككە تاربيەلەۋ مەكتەبىندە ىستەيتىن قىزمەتكەرلەر، ولار كورىلىمگە يە بولۋ، وقۋشىلاردى تىزىمدەلۋگە ەلىكتىرۋ ءۇشىن، اتالمىش ”اۆتوموبيل جۇرگىزۋ ەمتيحانى جونىندەگى تۇسىنىك“ دەگەن مازمۇنداعى كەسكىندى تاراتىپ، ”انحۇيدىڭ سۋجوۋ قالاسىندا 2026 – جىلعى شوفەرلىك ەمتيحانىنا جاڭا مازمۇندار قوسىلادى“ دەگەن سياقتى وسەك – اياڭداردىڭ تارالۋىنا سەبەپشى بولىپ، شوفەرلىككە تاربيەلەۋمەن شۇعىلداناتىن مەكتەپتەردىڭ قالىپتى تيجاراتى مەن ەمتيحان جونىندەگى ورنالاستىرۋىنا كەدەرگىلىك جاساپ، قاتىناستى باسقارۋ تاراۋلارىنىڭ الەۋمەتتىك سەنىمدىلىگىنە زيان جەتكىزىپ، قوعامدىق الەۋمەتتىك بايلىقتى ىسىراپ ەتكەن.
ينتەرنەت ارقىلى وسەك - اياڭ تاراتۋعا ساياتىن زاڭعا قايشى وسىنداي قىلمىستىق ارەكەتتەرگە باعىتتاي وتىرىپ، بۇكىل ەلىمىزدەگى قوعام حاۋىپسىزدىگى سالاسى ينتەرنەت حاۋىپسىزدىگى تاراۋلارى سوققى بەرۋ، جونگە سالۋ تەبىنىن ۇزدىكسىز كۇشەيتىپ، ينتەرنەت كەڭىستىگىنىڭ پاكتىگى مەن قوعامدىق ءتارتىپتى كۇش سالا قورعايدى.
ينتەرنەت ساقشىلارى مىنانى ەسكەرتەدى: بارشا توراپتاستار ينتەرنەتتە سويلەگەن ءسوزى مەن ىستەگەن ارەكەتىنە كوڭىل ءبولۋى، وسەك - اياڭعا سەنبەۋى، وسەك - اياڭ تاراتپاۋى، وسەك - اياڭ ايتپاۋى كەرەك، كورىلىم جيناۋ ءۇشىن جالعان وقيعالاردى قۇراستىرۋدان اۋلاق بولۋى، پاك تە ءتارتىپتى ينتەرنەت ورتاسىن بىرگە قورعاۋى كەرەك.
كەلۋ قاينارى: حالىق تورابى
