قوعام حاۋىپسىزدىگى ورگاندارى توراپتا تاسقىننان ساقتانۋعا، اپاتقا ساياتىن وسەك - اياڭداردى ويدان قۇراستىرۋعا، تاراتۋعا قاتاڭ سوققى بەردى

شينحۋا اگەنتتىگىنىڭ 7 - ايدىڭ 13 – كۇنى بەيجيڭنەن حابارى. قوعام حاۋىپسىزدىگى مينيسترلىگىنىڭ توراپ حاۋىپسىزدىگى مەكەمەسى 7 - ايدىڭ 13 - كۇنى توراپتا تاسقىننان ساقتانۋعا، اپاتقا ساياتىن وسەك - اياڭ تاراتقان، زاڭعا قايشى 25 تيپتىك دەلونى جاريالادى. وسى 25 تيپتىك دەلو گۋاڭدۇڭ، گۋاڭشي، جىجياڭ، حۋبەي قاتارلى كوپتەگەن جەرلەرگە سايادى، ءىشىنارا توراپتاستار جەكە پايدا تابۋ ءۇشىن، تاسقىننان ساقتانۋعا، اپاتتان قۇتقارۋعا ساياتىن جالعان مازمۇنداردى جات نيەتپەن ويدان قۇراستىرىپ، تاسقىننان ساقتانۋ، اپاتتان قۇتقارۋ قىزمەتىنە اۋىر كەدەرگىلىك جاساپ، ناشار ىقپال تۋدىردى، قوعام حاۋىپسىزدىگى ورگاندارىنىڭ توراپ حاۋىپسىزدىگى تاراۋلارى دەرەۋ اتتانىسقا كەلىپ، قاتاڭ سوققى بەرىپ، جيىنى 4 ادامدى قىلمىستىق ىستەر بويىنشا قاماۋعا الىپ، 23 ادامدى اكىمشىلىك جاقتان جازالادى، قاتىستى تەكشە نومىرلەرىن پەشەتتەپ ءبىر جاقتى ەتتى.

توراپ ساقشىلارى مىنانى ەسكەرتتى: توراپ ‐ زاڭنان تىسقارى جەر ەمەس، قالىڭ توراپتاستار توراپتاعى ءسوز - ارەكەتتەردى ارناعا ءتۇسىرۋى كەرەك، كورىلىم جيناۋ ءۇشىن، جۇرت نازارىن اۋدارۋ ءۇشىن، تاسىمالداۋ، قۇراستىرۋ نەمەسە AI جۇمساق بولشەگىنەن پايدالانۋ سياقتى تاسىلدەر ارقىلى تاسقىننان ساقتانۋعا، اپاتقا ساياتىن جالعان مازمۇنداردى ويدان قۇراستىرۋعا استە بولمايدى، تازا توراپ كەڭىستىگىن بىرگە قالىپتاستىرۋ كەرەك.