شينجياڭ وقۋشىلاردىڭ دەنە قۋاتىن كۇشەيتۋ جوسپارىن اتقارۋ جوباسىن شىعاردى

حالىق گازەتىنىڭ 7 – ايدىڭ 7 – كۇنى ۇرىمجىدەن بەرگەن حابارى. شينجياڭ ۇيعۇر اۆتونوميالى رايوندىق وقۋ - اعارتۋ مەڭگەرمەسى قاتارلى تاراۋلار بىرنەشە كۇننىڭ الدىندا وقۋشىلاردىڭ دەنە قۋاتىن كۇشەيتۋ جوسپارىن اتقارۋ جوباسىن بىرلەسىپ باسىپ تاراتىپ، مەكتەپتەردەن دەنە تاربيە وقىتۋ تالابىن قاتاڭ تياناقتاندىرىپ، مەكتەپ دەنە تاربيە جارىس جۇيەسىن اقاۋسىزداندىرىپ، وقۋشىلاردىڭ دەنە قۋاتى، دەنساۋلىق ورەسىنىڭ ورنىقتى جوعارىلاۋىن جۇيەلى ىلگەرىلەتۋدى تالاپ ەتتى.

جوبادا مەكتەپتەردەن دەنە تاربيە جانە دەنساۋلىق ساباعىن جاپپاي تولىق اشۋدى، ورتا، باستاۋىش مەكتەپتەردىڭ ءار كۇنگى جالپىلىق دەنە تاربيە قيمىلىنىڭ ۋاقىتى 2 ساعاتتان تومەن بولماۋدى، راديو گيمناستيكاسىن، كوز قورعاۋ گيمناستيكاسىن جۇيەلى ورىستەتۋدى تالاپ ەتتى. جوعارى مەكتەپتەردەن ستۋدەنتتەردىڭ دەنە قۋاتىن جوعارىلاتۋ ارناۋلى ارەكەتىندەگى ”ءبىر مەكتەپتە ءبىر شارا بولۋدى“ تياناقتاندىرىپ، دەنە تاربيە ساباعىنىڭ وقۋ ۋاقىتى ولشەمىن قاتاڭ اتقارىپ، جوعارى جىلدىقتاعى وقۋشىلارعا قاراتا الۋان ءتۇرلى دەنە تاربيە ساباعىن اشىپ، كلاس، مەكتەپ دارەجەلى دەنە تاربيە قيمىلدارىن ۇدايىلاندىرىپ ورىستەتىپ، ساباق ىشىندەگى وقىتۋ مەن ساباقتان سىرتقى شىنىعۋدىڭ ۇشتاسۋىن جۇزەگە اسىردى تالاپ ەتتى.