ساپار ۋاقىتى ەكى ەسە قىسقاردى! شينجياڭدا جاڭا ءبىر توتە اۋە جولى قوسىلدى 

6 - ايدىڭ 27 – كۇنى تاڭى سارىدە، 97 جولاۋشى وتىرعان قازاقستاننىڭ ”فلايارىستان“ اۆياتسياسىنىڭ FS7661 كەزەكتى ۇشاعى ءۇرىمجى تيانشان حالىقارالىق اۋەجايىنا ورنىقتى قونىپ، قازاقستاننىڭ اقتاۋ قالاسىنان ۇرىمجىگە قاتىنايتىن توتە جولاۋشى تاسىمالى جولىنىڭ رەسمي اشىلعانىن ءبىلدىردى. بۇل − جۇڭگونىڭ ءۇرىمجى قالاسىنان قازاقستانعا جولاۋشى تاسىمالدايتىن ءتورتىنشى توتە اۋە تاسىمالى جولى، سونداي – اق جۇڭگودان كاسپي تەڭىزىنىڭ شىعىس جاعالاۋىنداعى وڭىرگە تۇڭعىش رەت قاتىناعان مەرزىمدىك حالىقارالىق جولاۋشى تاسىمالى جەلىسى.

اقتاۋ − قازاقستاننىڭ باتىس بولىگىندەگى ماڭعىستاۋ وبلىسىنىڭ ورتالىعى، كاسپي تەڭىزىنىڭ شىعىس جاعالاۋىنا ورنالاسقان. قازاقستاننىڭ مۇناي قورى دۇنيە جۇزىندەگى مۇناي قورى جالپى مولشەرىنىڭ شامامەن %5 ىن ۇستايدى، مۇناي – گاز بايلىعى كاسپي تەڭىزى جاعالاۋى رايونىنا شوعىرلانعان، بۇل رايون مول مۇناي – گاز بايلىعىنا سۇيەنىپ، بۇكىل ەلدەگى ءتۇيىندى مۇناي – گاز ونەركاسىبى ورتالىعىن قالىپتاستىرعان، سونداي – اق قازاقستانداعى ەنەرگيانى سىرتقا شىعاراتىن ماڭىزدى بازا سانالادى.

كەلۋ قاينارى: حالىق تورابى