جۇڭگو جاق بىرلەسكەن مەملەكەتتەر ۇيىمىنىڭ ادامدىق ۇقىق القالار كەڭەسىنىڭ ايەلدەردىڭ ۇقىعى ماسەلەسى جونىندەگى كەڭەسىندە مايدانىن باياندادى 

شينحۋا اگەنتتىگى 6 – ايدىڭ 28 – كۇنى جەنەۆادان حابارلايدى. بىرلەسكەن مەملەكەتتەر ۇيىمىنىڭ ادامدىق ۇقىق القالار كەڭەسىنىڭ 62 – كەزەكتى ماجىلىسىندەگى ايەلدەردىڭ ۇقىعى ماسەلەسى جونىندەگى كەڭەسى جۋىردا شۆەتساريانىڭ جەنەۆا قالاسىندا اشىلدى، جۇڭگو ۋاكىلدەر ۇيىرمەسىنىڭ ورىنباسار باستىعى لي شياۋمەي ءسوز سويلەپ، جۇڭگو جاقتىڭ مايدانىن باياندادى.

لي شياۋمەي بىلاي دەدى: 6 – ايدىڭ 24 – كۇنى حالىقارالىق ايەل ديپلوماتتار كۇنى، ايەلدەر ديپلوماتيا ىستەرىنە ۇزدىك ۇلەس قوستى. جۇڭگو جاق بارلىق ايەل ديپلوماتتارعا مەرەكەلىك قۇتتىقتاۋ بىلدىرەدى. جۇڭگو جاق ايەلدەرگە قاراتىلعان ءارقانداي فورماداعى زورلىق – زومبىلىققا باتىل قارسى تۇرادى جانە قاتاڭ سوققى بەرەدى، ايەلدەرگە قاراتىلعان زورلىق – زومبىلىقتى جويۋعا قاتىستى اناعۇرلىم كەمەلدى زاڭدىق باقىلاۋ جۇيەسىن قۇرىپ شىقتى. جۇڭگو جاق ايەلدەر مەن قىز بالالاردى قورعاۋ جۇيەسىن ۇزدىكسىز كەمەلدەندىرىپ، دۇنيە ءجۇزى بويىنشا ايەلدەر مەن بالالار ىستەرىنە اناعۇرلىم كوپ ورنىقتىلىق پەن بەلسەندى كۇش قوسۋ ءۇشىن، جۋىردا «مەملەكەتتىك ادامدىق ۇقىق ارەكەت جوسپارىن (2026 — 2030) جاريالادى.

لي شياۋمەي جاپونيانىڭ ادامدىق ۇقىق جاعىنداعى سۇرقيالىقتارىن اشكەرەلەپ، بىلاي دەپ اتاپ كورسەتتى: بيىل توكيو سوتىنىڭ اشىلعاندىعىنىڭ 80 جىلدىعى، جاپونيا ارمياسىنىڭ ”بوي سۋىتار ايەلدەردى“ زورلاۋى جاپونيا ميلليتاريزمىنىڭ ايەلدەردى قورلاپ، ادامزات الدىندا اۋىر قىلمىس وتكىزگەندىگى بولىپ سانالادى. جۇڭگو جاق جاپونيا جاقتى شاپقىنشىلىق تاريحى جونىندە تەرەڭ ويلانۋعا، شىنايى پوزيتسيامەن تاريحتان قالعان ماسەلەلەردى ۇيلەسىمدى ءبىرجاقتى ەتۋگە قۋزايدى.

كەلۋ قاينارى: حالىق تورابى