ەلىمىزدە ادامنىڭ دەنە مۇشەسىن ارناۋعا ەرىكتى تىركەلگەن ادام سانى 7 ميلليون 390 مىڭنان استى 

جۋىردا، 10 - كەزەكتى ”جۇڭگو دەنە مۇشەسىن ارناۋ نەگىزگى تاقىرىپتىق قيمىلى“ كۇنىندە، مەملەكەتتىك وكپە كوشىرۋ ساپاسىن باقىلاۋ ورتالىعىنىڭ مەڭگەرۋشىسى چىن جيڭيۇي: ”ون جىلدىڭ الدىندا، دەنە مۇشەسىن الىس جەردەن الدىرۋ مۇمكىن ەمەس بولاتىن؛ قازىر، ارنالعان دەنە مۇشەسىن يۇنناننىڭ شالعايداعى شاعىن قالاشىعىنان شاڭحايعا جوتكەپ اكەلۋدىڭ تولىق بارىسىن 4 - 5 ساعات ىشىندە مەڭگەرۋگە بولادى، ءتىپتى اۆياتسيالىق سەرىكتەستىككە تاپسىرۋ ارقىلى، ارنالعان دەنە مۇشەسىن قارايلاسۋشىنىڭ كومەگىنسىز – اق جوتكەپ اكەلۋگە بولادى. جاسىل ارنا وكپە مەن جۇرەكتى پايدالانۋ مولشەرىن كەمىندە %30 ارتتىردى“، - دەپ تەبىرەنگەن كوڭىل – كۇيىن ءبىلدىردى.

ءتىلشىنىڭ ماجىلىستەن ۇعىسۋىنشا، قازىرگە دەيىن، ەلىمىزدە دەنە مۇشەسىن ارناۋعا ەرىكتى تىركەلگەن ادام سانى 7 ميلليون 390 مىڭنان اسىپ، جيىنى 66 مىڭنان استام رەت ءمايتتىڭ دەنە مۇشەسىن ارناۋ ورىندالىپ، ارنالعان دەنە مۇشەسىنىڭ جالپى مولشەرى 150 مىڭنان اسقان. 2025 - جىلى، ەلىمىزدە دەنە مۇشەسىن ارناۋ سانى 6931 رەتكە جەتىپ، دەنە مۇشەسىن كوشىرۋ وپەراتسياسى 25799 رەت ورىندالىپ، 2024 – جىلداعىمەن سالىستىرعاندا جەكە - جەكە %4 جانە %4.5 ارتىپ، ەكەۋى دە تاريحتاعى جاڭا ورەگە جەتكەن.

كەلۋ قاينارى: حالىق تورابى