يران مەن ا ق ش اراسىنداعى كەلىسسوزدە تۇراقسىزدىق ارتقاندىقتان، حالىقارالىق بازاردا مۇناي باعاسى كورنەكتى جوعارىلادى 

شۆەتساريانىڭ بيلگەن تاۋىندا وتكىزىلگەن يران مەن ا ق ش اراسىنداعى كەلىسسوزدىڭ بولاشاعى بۇلىڭعىرلانا باستاعاندىقتان، حالىقارالىق بازاردا تابيعي مۇنايدىڭ كەسىكتى باعاسى 6 - ايدىڭ 21 - كۇنى جاڭا ءبىر اپتالىق ساۋدانى باستاعاننان كەيىن باعاسى كورنەكتى جوعارىلاعان.

ا ق ش – نىڭ شىعىس بولىك ۋاقىتى بويىنشا 6 – ايدىڭ 21 - كۇنى تۇستەن كەيىن ساعات 6 دان 30 مينۋت وتكەندە، نيۋ - يورك تاۋار بيرجاسىندا 8 - ايدا تاپسىرىلاتىن جەڭىل قۇرامدى تابيعي مۇنايدىڭ ءار باررەلىنىڭ كەسىكتى باعاسى ەڭ جوعارى بولعاندا 78.14 ا ق ش دوللارىنا دەيىن جوعارىلاپ، قىمباتتاۋ مولشەرى %3.02 بولعان؛ 8 - ايدا تاپسىرىلاتىن لوندون برەنت تابيعي مۇنايىنىڭ ءار باررەلىنىڭ باعاسى ەڭ جوعارى بولعاندا 82.30 ا ق ش دوللارىنا دەيىن جوعارىلاپ، قىمباتتاۋ مولشەرى %2.15 بولعان.

6 – ايدىڭ 21 - كۇنى شۆەتساريانىڭ بيلگەن تاۋىندا يران مەن ا ق ش اراسىنداعى كەلىسسوزدى وتكىزۋگە قاتىناسىپ جاتقان يران ۋاكىلدەر ۇيىرمەسى ا ق ش زۇڭتۇڭى ترامپتىڭ سول كۇنى يرانعا باعىتتالعان قوقانلوقى كورسەتۋ سيپاتىنداعى سوزدەرىنە نارازىلىق ءبىلدىرۋ ءۇشىن كەلىسسوزدى تۇتقيىلدان ۋاقىتشا توقتاتقان.

كەلۋ قاينارى: حالىق تورابى