سىرتقى ىستەر مينيسترلىگى: جۇڭگونىڭ جاپونياداعى ەلشىلىگى مەن كونسۋلحاناسىنىڭ حاۋىپسىزدىگىنە قاتەر توندىرەتىن ورەسكەل وقيعالار ۇزدىكسىز تۋىلۋدا 

شينحۋا اگەنتتىگىنىڭ تىلشىلەرى دۇڭ شۋە، ما جويان 6 - ايدىڭ 17 - كۇنى بەيجيڭنەن حابارلايدى. جاپونيانىڭ قورعانىس قوسىنىنىڭ قىزمەتكەرى سۇنتيان حۋاڭدانىڭ وسىنىڭ الدىندا زاڭسىز تۇردە پىشاق ۇستاپ جۇڭگونىڭ جاپونياداعى ەلشىلىگىنە باسىپ كىرگەنى جونىندە، سىرتقى ىستەر مينيسترلىگىنىڭ مالىمدەشىسى لين جيان 6 - ايدىڭ 17 - كۇنى كەزەكتى تىلشىلەردى قابىلداۋ ماجىلىسىندە سۇراۋعا جاۋاپ بەرگەندە بىلاي دەدى: دەلو تۋىلعانىنا ءۇش ايعا جۋىق ۋاقىت ءوتتى، جاپونيا جاقتىڭ تەكسەرىپ ءبىرجاقتى ەتۋ بارىسى باياۋ بولدى، جۇڭگونىڭ جاپونياداعى ەلشىلىگى مەن كونسۋلحاناسىنىڭ حاۋىپسىزدىگىنە قاتەر توندىرەتىن ورەسكەل وقيعالار ءالى دە ۇزدىكسىز تۋىلۋدا، جۇڭگو جاق بۇعان بارىنشا نازار اۋداردى ءارى وسى جونىندە كوپ رەت قاتاڭ سويلەستى.

لين جيان مىنانى ءبىلدىردى: بۇل وقيعا جاپونيانىڭ ەل ىشىندە ساقتالىپ وتىرعان كوپتەگەن تەرەڭ ماسەلەلەردى قايتالاي اشىققا شىعاردى. جۇڭگو جاق جاپونيا جاقتى قاتەلىكتى تۇزەتۋ جونىندە تولعانۋعا، ونى تۇبەگەيلى تۇزەتۋگە، بۇل جۇمىستى جۇڭگو جاققا جاۋاپكەرشىلىكتى پوزيتسيامەن بىتىرۋگە قۋزايدى.

كەلۋ قاينارى: حالىق تورابى