جۇڭگو اۋرۋدىڭ الدىن الۋ - تىزگىندەۋ ورتالىعى: دۋان - ۋ مەرەكەسىندە ساپارعا شىققاندا جەكەلىك ساقتىقتى ويداعىداي ىستەپ، مىناداي جۇقپالى اۋرۋلاردان ساق بولىڭىزدار 

جازدىق دەمالىس مەزگىلىندە، ماسا ارقىلى تاراتىلاتىن جۇقپالى اۋرۋعا، ىشەك جولى جۇقپالى اۋرۋلارىنا شالدىعۋ جانە جوعارى تەمپەراتۋرادا ىستىق ءوتۋ حاۋپى جوعارى بولادى. دۋان - ۋ مەرەكەسىنىڭ دەمالىسى تاياپ قالدى، جۇرتشىلىقتىڭ تۋىس - تۋعانداردى ارالاپ، سىرتقا شىعىپ ساياحاتتاۋى كوبەيەدى، جۇڭگو اۋرۋدىڭ الدىن الۋ - تىزگىندەۋ ورتالىعى مىنانى ءتۇيىندى تۇردە ەسكەرتەدى: دەنگە قىزباسى، چيكۋنگۋنيا قىزباسى، زيكا ۆيرۋسى اۋرۋى، ەبولا ۆيرۋسى اۋرۋى، قىزۋى ورلەۋمەن بىرگە قان پلاستينكالارىنىڭ ازايۋى سىندرومى، مايمىل شەشەگى قاتارلى اۋرۋلاردىڭ الدىن الۋ شارالارىن ويداعىداي ىستەۋ كەرەك. ساپارعا شىعۋدان بۇرىن، باراتىن جەردەگى جۇقپالى اۋرۋ جاعدايىنىڭ وزگەرىسىنە جانە قاتىستى تاراۋلار جاريالاعان اۋرۋدىڭ الدىن الۋ جونىندەگى ينفورماتسياعا قاداعالاي نازار اۋدارۋ، ساپار كەزىندە جۇقپالى اۋرۋعا شالدىعۋ حاۋپى جوعارى رايوندارعا بارماۋ، جەكەلىك ساقتىقتى ويداعىداي ىستەۋ قاجەت.

مۇنان سىرت، جۋىردا اۋا تەمپەراتۋراسى جوعارىلايدى، دۋان - ۋ مەرەكەسى دەمالىسىندا باس قوسىپ تاماقتانۋ، سىرتتا تاماقتانۋ جاعدايى كوبەيەتىندىكتەن، ازىق - تۇلىكتەن ۋلانۋ جانە جوعارى تەمپەراتۋرا ىستىق ءوتۋ حاۋپىنەن ساق بولۋ قاجەت، اۋا رايى بولجامى مەن جوعارى تەمپەراتۋرا تۋرالى ساقتىق دابىلىنا دەر كەزىندە نازار اۋدارىپ، جوعارى تەمپەراتۋرالى اۋا رايىندا سىرتتا بولاتىن ۋاقىتتى ۇيلەسىمدى ورنالاستىرۋ كەرەك. سىرتتا تاماقتانعاندا، ولشەمدى، تازالىق جاعدايى جاقسى اسحانالاردى تاڭداۋعا كوڭىل ءبولۋ كەرەك.

(ورتالىق تەلەۆيزيا ءتىلشىسى ۋىن يۇڭ - ي، لي حان)

كەلۋ قاينارى: حالىق تورابى