سىرتقى ىستەر مينيسترلىگى ا ق ش مەن يراننىڭ العاشقى كەزەڭدەگى تۇسىنىستىك ەسكەرتپەسىن جاساسقانىن قولدايتىنىن ءبىلدىردى 

سىرتقى ىستەر مينيسترلىگىنىڭ مالىمدەمەشىسى لين جيان 6 - ايدىڭ 15 - كۇنى كەزەكتى تىلشىلەردى قابىلداۋ ءماجىلىسىن باسقاردى.

ا ق ش، يران جانە ا ق ش مەن يران كەلىسسوزىنىڭ جاراستىرۋشىسى پاكيستان بەيجيڭ ۋاقىتى بويىنشا 6 - ايدىڭ 15 - كۇنى ا ق ش مەن يراننىڭ العاشقى كەزەڭدەگى تۇسىنىستىك ەسكەرتپەسىن جاساسقانىن، 6 - ايدىڭ 19 - كۇنى شۆەتساريانىڭ جەنەۆا قالاسىندا قول قويۋدى بەكىتكەنىن تۇراقتاندىرعان. سىرتقى ىستەر مينيسترلىگىنىڭ مالىمدەمەشىسى لين جيان 6 - ايدىڭ 15 - كۇنى كەزەكتى تىلشىلەردى قابىلداۋ ماجىلىسىندە وسى جونىندە جاۋاپ قايتارعاندا، جۇڭگو جاقتىڭ ا ق ش مەن يراننىڭ العاشقى كەزەڭدەگى تۇسىنىستىك ەسكەرتپەسىنىڭ مازمۇنى جونىندە كەلىسىمگە كەلگەنىن قولدايتىنىن ءبىلدىردى، پاكيستاننىڭ جاراستىرۋ جاعىنداعى قۇلشىنىسىنا القاۋ ءبىلدىردى.

لين جيان بىلاي دەدى: ”جۇڭگو جاق ا ق ش مەن يراننىڭ العاشقى كەزەڭدەگى تۇسىنىستىك ەسكەرتپەسىنە ايتۋلى ۋاقىتتا قول قويۋىن ءۇمىت ەتەدى، قاتىستى جاقتاردىڭ بەيبىتشىلىكتى تاڭداۋدا تاباندى بولىپ، ماسەلەنى سۇحباتتاسۋ جانە كەلىسسوز وتكىزۋ ارقىلى شەشۋىن ءۇمىت ەتەدى“، جۇڭگو جاق حالىقارالىق قوعاممەن بىرگە، ورتا شىعىس شىعاناق وڭىرىندەگى بەيبىتشىلىك پەن تىنىشتىقتىڭ ەرتەرەك قالپىنا كەلۋى ءۇشىن جالعاستى تۇردە بەلسەندى رول اتقارادى.

كەلۋ قاينارى: حالىق تورابى