جۇڭگونىڭ انگليادا تۇراتىن ەلشىحاناسى انگليا جاقتان جۇڭگونىڭ قاتىستى ناقتى تۇلعالارىنا باعىتتالعان جازالاۋ شارالارىن كۇشىنەن قالدىرۋدى تالاپ ەتتى 

جۇڭگو اقپارات اگەنتتىگىنىڭ 6 - ايدىڭ 16 - كۇنى لوندوننان بەرگەن حابارى. جەرگىلىكتى ۋاقىت بويىنشا 6 - ايدىڭ 16 - كۇنى، جۇڭگونىڭ انگليادا تۇراتىن ەلشىحاناسىنىڭ مالىمدەمەشىسى انگليا جاقتىڭ جۇڭگونىڭ ناقتى تۇلعالارىنا جازالاۋ شارالارىن اتقارۋى ماسەلەسى جونىندە ءتىلشىنىڭ سۇراعىنا جاۋاپ بەردى.

ءتىلشى بىلاي دەپ سۇرادى: 6 - ايدىڭ 16 - كۇنى انگليا ۇكىمەتى رەسەيگە ماڭىزدى اسكەري جابدىق بەردى دەگەن سىلتاۋمەن ءبىر ءبولىم ەلدەردىڭ ناقتى تۇلعالارى مەن جەكەلەرىن جازالايتىندىعىن جاريالاعان، مۇنىڭ ىشىندە جۇڭگونىڭ 4 ناقتى تۇلعاسى بار. بۇل جونىندە قانداي پىكىر بىلدىرەسىز؟

جۇڭگونىڭ انگليادا تۇراتىن ەلشىحاناسىنىڭ مالىمدەمەشىسى بىلاي دەدى: جۇڭگو جاق انگليا جاقتىڭ حالىقارالىق زاڭدا نەگىزى جوق سىڭار جاقتىلى جازالاۋ شارالارىن اتقارىپ، جۇڭگو كاسىپورىندارىنىڭ ۇقىق - مۇددەسىنە زيان جەتكىزۋىنە باتىل قارسى تۇرادى، بۇل جونىندە انگليا جاقپەن قاتاڭ سويلەستى.

ەلشىحانا مالىمدەمەشىسى بىلاي دەدى: ۋكراينا داعدارىسى ماسەلەسىندە، جۇڭگو جاق ۇنەمى تاتۋلاسۋعا جانە كەڭەس وتكىزۋگە ءناسيحاتتاپ، اسكەري سالا مەن حالىقتىق سالادا بىردەي قولدانىلاتىن بۇيىمداردى ەكسپورت ەتۋدى قاتاڭ تىزگىندەپ كەلەدى. جۇڭگو مەن رەسەيدىڭ قالىپتى بارىس - كەلىسى مەن سەلبەستىگى كەدەرگىگە جانە ىقپالعا ۇشىراماۋى ءتيىس.

ەلشىحانا مالىمدەمەشىسى مىنانى ءبىلدىردى: ءبىز انگليا جاقتى قاتەلىگىن دەرەۋ تۇزەتىپ، جۇڭگونىڭ قاتىستى ناقتى تۇلعالارىنا جاسالعان جازالاۋ شارالارىن كۇشىنەن قالدىرۋعا قۋزايمىز. جۇڭگو جاق قاجەتتى شارالاردى قولدانىپ، جۇڭگو كاسىپورىندارىنىڭ زاڭدى ۇقىق - مۇددەسىن باتىل قورعايدى.

كەلۋ قاينارى: حالىق تورابى