چىن جى قىلمىستىق توبىنىڭ نەگىزگى تىرەكتىلەرىن ەلگە ايداپ اكەلدى 

جۋىردا كامبودجانىڭ قاتىستى تاراۋلارىنىڭ كۇش سالا قولداۋىندا، قوعام حاۋىپسىزدىگى مينيسترلىگى قىزمەت گرۋپپاسىن جىبەرىپ، چىن جى قىلمىستىق توبىنىڭ نەگىزگى تىرەكتى مۇشەسى ليۋ رىندى كامبودجانىڭ پنومپەن قالاسىنان ەلىمىزگە ايداپ اكەلگەن. بۇل جۇڭگو مەن كامبودجانىڭ زاڭ اتقارۋ جاعىنداعى سەلبەستىگىنىڭ تاعى ءبىر جەتىستىگى.

تەكسەرۋ ارقىلى انىقتاۋعا قاراعاندا، 2016 - جىلى چىن جى ليۋ رىن قاتارلىلارعا جەتەكشىلىك ەتىپ، كامبودجادا ”جينبەي“ توبىن قۇرىپ، ينتەرنەت ارقىلى قۇمار ويناۋ تەكشەلەرىن ىسكە قوسىپ، ەلىمىز شەكاراسى اۋماعىنداعى ازاماتتاردى قۇمار ويناۋعا ولەرمەندەنە باۋراعان. 2020 - جىلدان بەرى، ”جينبەي“ توبى كامبودجاداعى تەلەكومنان پايدالانىپ الدامكوستىك ىستەۋشىلەر شوعىرلانعان وڭىردە تەلەكوم مەن ينتەرنەتتەن پايدالانىپ الدامكوستىك ىستەۋ قىلمىسىن كەڭ كولەمدە اتقارعان، دەلوعا قاتىستى سوما ەرەكشە زور بولعان. مۇنان سىرت، ليۋ رىن زاڭسىز قاماۋعا الۋ، قاساقانا جارالاۋ قاتارلى اۋىر زورلىق – زومبىلىق ىستەۋ قىلمىسىنا شاتىلعان. كەزەكتە ليۋ رىنعا زاڭ بويىنشا ماجبۇرلەۋ شاراسى قولدانىلعان، قاتىستى دەلو ءالى ىشكەرىلەي تەكسەرىلۋدە.

جىل باسىنان بەرى، كامبودجاداعى ەلىمىزگە قاتىستى تەلەكوم مەن ينتەرنەتتەن پايدالانىپ الدامكوستىك ىستەۋ قىلمىسىنىڭ جاعدايى اۋىر بولعانىنا باعىتتاي وتىرىپ، جۇڭگو مەن كامبودجا ساقشىلارى زاڭ اتقارۋ جاعىنداعى ناقتى سەلبەستىكتەردى ۇزدىكسىز ىشكەرىلەي ورىستەتىپ، تەلەكومنان پايدالانىپ الدامكوستىك ىستەۋشىلەر شوعىرلانعان رايون مەن الدامكوستىك اپانىن كۇش سالا الاستاپ، نەگىزگى ”قارجىلاندىرۋشى“ تىرەكتىلەرىن ۇستاپ، قىلمىستىڭ ءومىر ءسۇرۋ جانە ۇلعايۋ كەڭىستىگىن كۇش سالا تارايتقان. قازىرگە دەيىن، كامبودجا جاق ەلىمىزگە الدامكوستىككە ساياتىن ادامداردان 20 مىڭنان استام ادامدى جانە ادام ولتىرۋگە قاتىستى كوپتەگەن قىلمىس كۇماندىلارىن قايتارعان. قوعام حاۋىپسىزدىگى مينيسترلىگى سانشي، شاندۇڭ، حۋنان، چۇڭچيڭ، سىچۋان، گۇيجوۋ، گانسۋ قاتارلى 10 نەشە ولكە، قالانىڭ قوعام حاۋىپسىزدىگى ورگاندارىنىڭ دەلونى كۇش سالا تەكسەرۋى جونىندە ورنالاستىرۋ جاساعان.

كەلۋ قاينارى: حالىق تورابى