ەلىمىز ا ق ش – نىڭ ناقتى تۇلعالارىنان 10 تۇلعانى ەكسپورتتى تىزگىندەۋ تىزىمدىگىنە ەنگىزدى 

شينحۋا اگەنتتىگىنىڭ 6 - ايدىڭ 22 - كۇنى بەيجيڭنەن بەرگەن حابارى. ساۋدا مينيسترلىگى 6 - ايدىڭ 22 - كۇنى حابارلاندىرۋ شىعارىپ، ا ق ش – نىڭ ناقتى تۇلعالارىنان 10 تۇلعانى ەكسپورتتى تىزگىندەۋ تىزىمدىگىنە ەنگىزگەنىن جاريالادى.

ساۋدا مينيسترلىگىنىڭ اقپارات مالىمدەشىسى مىنانى ءبىلدىردى: مەملەكەتتىڭ حاۋىپسىزدىگى مەن مۇددەسىن قورعاۋ، كەڭ كولەمدى قىرعىنداعىش قارۋلار مەن قاتىستى تەحنولوگيالاردىڭ تارالۋىنا قارسى تۇرۋ سياقتى حالىقارالىق مىندەتتەردى اتقارۋ ءۇشىن، ا ق ش ۇكىمەتىنىڭ اتالمىش ”جۇڭگونىڭ اسكەري كاسىپورىندارىنىڭ تىزىمدىگىن“ ارتتىرۋى سىندى ورەسكەل ارەكەتىنە باعىتتاي وتىرىپ، «جۇڭحۋا حالىق رەسپۋبليكاسىنىڭ ەكسپورتتى تىزگىندەۋ زاڭى» مەن «جۇڭحۋا حالىق رەسپۋبليكاسىنىڭ اسكەري جانە حالىقتىق ماقساتتا بىردەي قولدانىلاتىن زاتتاردى ەكسپورت ەتۋدى تىزگىندەۋ ەرەجەسى» قاتارلى زاڭ - تۇزىمدەردەگى قاتىستى بەلگىلەمەلەرگە ساي، جۇڭگو جاق اۆەوكس سەرىكتەستىگى قاتارلى اسكەري سالاعا قاتىستى ا ق ش ناقتى تۇلعالارىنان 10 تۇلعانى ەكسپورتتى تىزگىندەۋ تىزىمدىگىنە ەنگىزىپ، ولاردىڭ اسكەري جانە حالىقتىق ماقساتتا بىردەي قولدانىلاتىن زاتتاردى ەكسپورتتاۋىنا تىيىم سالۋدى ۇيعاردى، ەكسپورتتاۋمەن شۇعىلداناتىن كەز كەلگەن تيجاراتشىنىڭ اتالعان بەلگىلەمەگە قايشىلىق جاساۋىنا بولمايدى.

كەلۋ قاينارى: حالىق تورابى