جۇڭگونىڭ تايلاندتا تۇراتىن ەلشىحاناسى جۇڭگو ازاماتتارىنا تايلاند ـ بيرما شەكارا رايونىنا ابايلاپ بارۋدى ەسكەرتتى

6 – ايدىڭ 24 – كۇنى، جۇڭگونىڭ تايلاندتا تۇراتىن ەلشىحاناسى تايلاند - بيرما شەكارا رايونىنا ابايلاپ بارۋ جونىندەگى كونسۋلدىق ەسكەرتۋدى جاريالادى. تولىق مازمۇنى تومەندەگىدەي:

تاياۋدا جۇڭگو ازاماتتارى تايلاندتىڭ تاك (Tak Province) قاتارلى تايلاند - بيرما شەكارا رايوندارىنا بارىپ، تايلاندقا كىرگەن كەزدە قونىس اۋدارۋ تاراۋلارى جاعىنان ءتۇيىندى تەكسەرۋ وبيەكتىسى ەتىلگەندىگىن، ءتىپتى شەكارادان كىرگىزبەي قويعاندىعىن ايتتى. جۇڭگونىڭ تايلاندتا تۇراتىن ەلشىحاناسى جۇڭگو ازاماتتارىنا قاتىستى حاۋىپ - قاتەرلەردى تولىق ۇعىسىپ، تاك، مەكونگ قاتارلى تايلاند - بيرما شەكارا رايوندارىنا ابايلاپ بارۋدى ەسكەرتتى.

ۇعىسۋعا قاراعاندا، تايلاند جاق تاياۋ جىلداردان بەرى تايلاند ـ بيرما شەكارا رايونىنداعى ادامداردى باسقارۋدى ۇزدىكسىز كۇشەيتىپ، زاڭسىز جۇمىس ىستەۋ، تەلەگراف، توراپ الدامشىلىعى، توراپتا قۇمار ويناۋ، شەكارادان جاسىرىن ءوتۋ، ادام ساۋدالاۋ، سونداي ـ اق شەكارا اتتاعان باسقا دا زاڭعا قايشى قىلمىستىق ارەكەتتەردىڭ حاۋىپ ـ قاتەرىنەن ساقتانۋدى كۇشەيتكەن. قاتىستى رايوندارعا بارعان، ايالداعان ۋاقىتى ءبىرشاما ۇزاق، ساپارىندا قالىپسىز جاعداي ساقتالعان نەمەسە قاتىستى دەلولارمەن قاتىستى دەرەكتەر بار شەتەل ازاماتتارى ءتۇيىندى نازار اۋدارۋ وبيەكتىسى قاتارىنا ەنگىزىلۋى ءارى شەكارادان كىرگەن كەزدە ارتىق تەكسەرۋدى قابىلداۋى مۇمكىن.

جۇڭگو ازاماتتارى تايلاندقا بارعان كەزدە ساپارىن ۇيلەسىمدى جوبالاپ، ءوزىنىڭ قالىپتى ساياحات، ساۋدا قيمىلىمەن قاتىسسىز سەزىمتال رايوندارعا بارۋدان ساقتانۋ، جوعارى ەڭبەكاقىمەن قىزمەتكەر قابىلداۋ، قارجى قوسۋدى تەكسەرۋ، كوڭىل اشۋ قاتارلى ۇگىتتەرگە جەڭىل - جەلپى سەنبەۋ، ءارقانداي فورماداعى زاڭعا قايشى قىلمىستىق ارەكەتتەرگە قاتىناسپاۋ كەرەك. تايلاند - بيرما شەكارا رايونىنا بارعان ادامدار جونىندە، ەگەر تايلاندقا تاعى دا كىرۋدى جوسپارلاسا، تايلاندتىڭ قاتىستى تاراۋلارىنان قاتىستى ساياساتتىق بەلگىلەمەلەردى الدىن الا ۇعىسىپ، شەكارادان كىرۋ حاۋىپ - قاتەرىن تولىق باعالاپ، قالىپتى ساپارعا ىقپال جەتكىزۋدەن ساقتانۋدى ۇسىنىس ەتەمىز.