جۇڭگو مەن فيليپپين بارىمتالاۋ قىلمىسى كۇماندىلارىنان 4 ادامدى جۇڭگوعا قايتارىپ بەرۋ جونىندە سەلبەستىك ورىستەتتى 

شينحۋا اگەنتتىگىنىڭ تىلشىلەرى جاۋ چىنجيە، لي مىڭ 6 – ايدىڭ 23 – كۇنى مانيلادان حابارلايدى. جۇڭگونىڭ فيليپپيندە تۇراتىن باس ەلشىلىگىنىڭ 6 – ايدىڭ 23 – كۇنى جاريالاعان حابارىنا قاراعاندا، جۇڭگو مەن فيليپپيننىڭ زاڭ اتقارۋ تاراۋلارى سەلبەسە وتىرىپ، فيليپپيندە ۇتىس شارۋاشىلىعىمەن شۇعىلدانعان ءارى بارىمتالاۋ قىلمىسىنا شاتىلعان قىلمىس كۇماندىلارىنان 2 ادامدى 6 – ايدىڭ 19 – كۇنى قولعا تۇسىرگەن، 6 – ايدىڭ 22 – كۇنى ەكى جاق تاعى دا سەلبەسىپ، 2023 – جىلى 10 – ايدا بوحول ارالىندا بارىمتالاۋ دەلوسىنا شاتىلعان قىلمىس كۇماندىلارىنان 2 ادامدى جۇڭگوعا وتكىزگەن، اتالعان دەلودا زياندالۋشىلاردى جۇڭگو جاق پەن فيليپپين جاقتىڭ ساقشىلارى سەلبەسىپ قۇتقارعان.

جۇڭگونىڭ فيليپپيندە تۇراتىن ەلشىلىگىنىڭ ايتۋىنشا، جۇڭگو جاق شەكارا اتتاعان قىلمىستىق ىستەرگە جالعاستى باتىل قارسى تۇرىپ، فيليپپيندەگى جۇڭگو ازاماتتارىنىڭ ءومىرى مەن مال – مۇلكىنىڭ حاۋىپسىزدىگىن قورعايدى.

كەلۋ قاينارى: حالىق تورابى