سىرتقى ىستەر مينيسترلىگى: جاپونيانىڭ ”جاڭاشا ميليتاريزمى“ ءوڭىردىڭ بەيبىتشىلىگى مەن ورنىقتىلىعىنا حاۋىپ ءتوندىردى

6 – ايدىڭ 23 – كۇنى، سىرتقى ىستەر مينيسترلىگىنىڭ مالىمدەمەشىسى گو جياكۇن كەزەكتى تىلشىلەر جينالىسىن باسقاردى. ءبىر ءتىلشى جاپونيانىڭ ۋكرايناعا كومەك بەرۋى جونىندە سۇراۋ قويدى. گو جياكۇن بىلاي دەدى: تاياۋ جىلداردان بەرى جاپونيا ”قايتالاي اسكەريلەندىرۋدى“ بارىنشا ىلگەرىلەتىپ، ورتا، الىس ارالىقتى كۇشتى شابۋىل قارۋلارىن دامىتىپ، قىرعىنداعىش قارۋلاردى ەكسپورت ەتۋ تيىمىن كۇشىنەن قالدىرىپ، شەكارا سىرتىنداعى ەلدەرمەن ءجيى بارىس - كەلىس جاساپ، ءوزىن قورعاۋ اترەتىنىڭ قيمىل كولەمىن كەڭەيتىپ، ناقتى سوعىسا الاتىن سوعىس جۇيەسىن قالىپتاستىردى. بۇل جاپونيانىڭ نەگىزگى زاڭى، حالىقارالىق زاڭ – ەرەجە ءتۇزىمى جانە ”ارناۋلى قورعانۋ“ قاتارلى پرينسيپتەردى بۇزىپ، سوعىستان كەيىنگى حالىقارالىق تارتىپكە سايىس جاريالاپ، جاپونيا ءوزى ماقتاناتىن ”بەيبىت مەملەكەتتىڭ“ وبرازىنا قايشى كەلگەندىك. جاپونيانىڭ ”جاڭاشا ميليتاريزمى“ قاتەرگە اينالىپ، ءوڭىردىڭ بەيبىتشىلىگى مەن ورنىقتىلىعىنا حاۋىپ ءتوندىردى، حالىقارالىق قوعام، ءسوز جوق، بارىنشا قىراعى بولىپ، باتىل تەجەۋى كەرەك.

كەلۋ قاينارى: حالىق تورابى