قوعام حاۋىپسىزدىگى ورگاندارى اۋىل شارۋاشىلىعىنا پايدالاناتىن جەردى زاڭسىز يەلەپ الۋعا قاتىستى قىلمىستىق ىستەرگە زاڭ بويىنشا قاتاڭ سوققى بەردى 

شينحۋا اگەنتتىگىنىڭ 6 – ايدىڭ 25 – كۇنى بەيجيڭنەن بەرگەن حابارى (ءتىلشى لي ميڭحۇي). مەملەكەتتىك 36 – رەتكى جەر كۇنى كەلۋ قارساڭىندا، قوعام حاۋىپسىزدىگى مينيسترلىگى 6 – ايدىڭ 25 – كۇنى اۋىل شارۋاشىلىعىنا پايدالاناتىن جەردى زاڭسىز يەلەپ الۋعا قاتىستى 4 تيپتىك دەلونى جاريالادى، مۇنداعى ماقسات — اۋىل شارۋاشىلىعىنا پايدالاناتىن جەردى زاڭسىز يەلەپ الۋعا ساياتىن قىلمىستىق ىستەرگە زاڭ بويىنشا قاتاڭ سوققى بەرىپ، مەملەكەتتىڭ استىق حاۋىپسىزدىگى مەن ەكولوگيالىق حاۋىپسىزدىگىن كۇش سالا قورعاۋ.

بۇل 4 تيپتىك دەلو لياۋنيڭنىڭ تيەليىڭىنداعى سۇڭ Xحۋانىڭ اۋىل شارۋاشىلىعىنا پايدالاناتىن جەردى زاڭسىز يەلەپ الۋى دەلوسىن، جياڭشيدىڭ جي – انىنداعى چىن Xرۇڭنىڭ اۋىل شارۋاشىلىعىنا پايدالاناتىن جەردى زاڭسىز يەلەپ الۋى دەلوسىن، حۋبەيدىڭ حۇڭ – انىنداعى چين Xپاڭنىڭ اۋىل شارۋاشىلىعىنا پايدالاناتىن جەردى زاڭسىز يەلەپ الۋى دەلوسىن، حۋناننىڭ شيننيڭىندەگى جىڭ Xفەي قاتارلىلاردىڭ اۋىل شارۋاشىلىعىنا پايدالاناتىن جەردى زاڭسىز يەلەپ الۋى دەلوسىن قامتيدى.

جاريالانعان تيپتىك دەلولارعا قاراعاندا، بۇكىل ەلىمىزدەگى قوعام حاۋىپسىزدىگى ورگاندارى ماسەلەنى باعدار ەتۋگە تاباندى بولىپ، ەگىستىك جەر، ورماندىق جەر قاتارلىلاردى زاڭسىز يەلەپ الۋ ارقىلى ءۇي سالۋ، قۇم قازۋ، كەن اشۋ، قاتتى كۇيدەگى قوقسىقتاردى ءۇيۋ، اۋىل شارۋاشىلىعى قۇرىلعىلارى نەمەسە اۋىل شارۋاشىلىعى باقشاسى دەگەن اتتى جامىلىپ ”لاپاس ءۇي“ سالۋ، بەكىتۋدەن وتپەي تۇرىپ الدىن الا سالۋ، از جەردى بەكىتۋدەن وتكىزىپ كوپ جەردى يەلەۋ، سونداي – اق ” تۇتاس جەردى بولەكشەكتەۋ“ ارقىلى ەگىستىك جەردى قۇرتشا كەمىرۋ سياقتى قىلمىستىق ارەكەتتەرگە ءتۇيىندى تۇردە سوققى بەرىپ، اۋىل شارۋاشىلىعىنا پايدالاناتىن جەردى زاڭسىز يەلەپ الۋعا ساياتىن ءبىر توپ قىلمىستىق ىستەر دەلوسىن دەر كەزىندە انىقتاعان.

قوعام حاۋىپسىزدىگى مينيسترلىگى قورشاعان ورتا بايلىعى جانە ازىق – تۇلىك، ءدارى – دارمەك سالاسىنداعى قىلمىستاردى بارلاۋ مەكەمەسىنىڭ قاتىستى جاۋاپتىسى مىنانى ءبىلدىردى: قوعام حاۋىپسىزدىگى ورگاندارى اۋىل شارۋاشىلىعىنا پايدالاناتىن جەردى زاڭسىز يەلەپ الۋعا ساياتىن قىلمىستىق ىستەرگە باستان – اياق قاتاڭ سوققى بەرۋدىڭ جوعارى قىسىمدى كۇيىن ساقتاپ، مەملەكەتتىڭ استىق حاۋىپسىزدىگى مەن ەكولوگيالىق حاۋىپسىزدىگىن شىنايى قورعايدى. سونىمەن بىرگە، بارشا جۇرتشىلىققا مىنانى ەسكەرتەدى: ەگەر اۋىل شارۋاشىلىعىنا پايدالاناتىن جەردى زاڭسىز يەلەپ الۋعا ساياتىن قىلمىستىق ارەكەتتەردىڭ دەرەگىن بايقاساڭىزدار، دەر كەزىندە قوعام حاۋىپسىزدىگى ورگاندارىنا جانە قاتىستى تاراۋلارعا مالىمدەڭىزدەر.

كەلۋ قاينارى: حالىق تورابى