سىرتقى ىستەر مينيسترلىگى: جاپونيانىڭ بيلىك جۇرگىزۋشىلەرىنىڭ جاپونيانىڭ ەكونوميكا سالاسىنىڭ ۇنىنە دۇرىس مامىلە جاساۋىن ءۇمىت ەتەمىز

شينحۋا اگەنتتىگىنىڭ 6 ـ ايدىڭ 26 ـ كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى گو جياكۇن 6 ـ ايدىڭ 26 ـ كۇنى كەزەكتى تىلشىلەر جينالىسىندا سۇراۋلارعا جاۋاپ بەرگەندە بىلاي دەدى : 4 ـ كەزەكتى جۇڭگو حالىقارالىق قامداۋ تىزبەگىن جەبەۋ كورمەسى 6 ـ ايدىڭ 22 ـ كۇنى اشىلدى، دۇنيە جۇزىندەگى ءار ەلدەن كەلگەن كاسىپورىندار مەن ۇيىمدار كورمەگە بەلسەنە قاتىناستى. ۇعىسۋعا قاراعاندا، جاپونيادان كەلگەن كوپتەگەن كاسىپورىندار مەن ەكونوميكا سالاسىنداعى ۇيىمدار قاتىناسۋعا تىزىمدەلگەن، بۇل جاپونيانىڭ ەكونوميكا سالاسىنىڭ جۇڭگو ـ جاپونيا قاتىناسىن جاقسارتۋعا، جۇڭگومەن سەلبەستىكتى ورىستەتۋگە بولعان كوكەي كەستى قاجەتىن ايگىلەدى.

گو جياكۇن بىلاي دەدى: جۇڭگو جاپونيانىڭ بيلىك جۇرگىزۋشىلەرىنىڭ وسى ۇندەرگە قۇلاق اسىپ، ءمان بەرىپ، ماسەلەنىڭ قاينارىنا دۇرىس قاراپ، قاتەلىكتى تۇزەتىپ، ءىس جۇزىندىك ارەكەتى ارقىلى جۇڭگومەن قاتىناستى جاقسارتۋ ادالدىعىن ايگىلەپ، جۇڭگو مەن جاپونيانىڭ قالىپتى اۋىس ـ كۇيىسىنە قاجەتتى شارت ـ جاعداي جاراتۋىن ءۇمىت ەتەمىز. جاپونيانىڭ ەكونوميكا سالاسىنداعىلارىنىڭ جاپونيانىڭ دۇرىس تاريحي كوزقاراس ورناتۋىن ىلگەرىلەتۋ، جۇڭگو ـ جاپونيا قاتىناسىن جاقسارتۋ جولىندا بەلسەندى قۇلشىنىستار جاساۋىن ءۇمىت ەتەمىز.

كەلۋ قاينارى: حالىق تورابى