شينجياڭ ىستىقتان ساقتانۋدىڭ قىزىل ءتۇستى ساقتىق سيگنالىن جاريالادى! ءىشىنارا جەرلەردە 50 سەلتسي گرادۋستان اسادى

7 - ايدىڭ 1 - كۇنى ساعات 11 دەن 3 مينۋت وتكەندە، شينجياڭ اۋا رايى ستانسياسى ىستىقتان ساقتانۋدىڭ قىزعىلت سارى ءتۇستى ساقتىق سيگنالىن ىستىقتان ساقتانۋدىڭ قىزىل ءتۇستى ساقتىق سيگنالىنا كوتەردى: مەجەمەن 7 – ايدىڭ 1- كۇنى تۇستەن كەيىننەن 3 – كۇنى كۇندىزگە دەيىن (وڭتۇستىك شينجياڭدا، شىعىس شينجياڭدا 7 – ايدىڭ 6 – كۇنىنە دەيىن)، وڭتۇستىك شينجياڭ ويپاتى، تۇرپان قالاسى، قۇمىل قالاسى جانە قارامايلى قالاسى، شىحىزى قالاسى، ءۇرىمجى قالاسى، سانجى وبلىسى قاتارلى جەرلەردىڭ ءىشىنارا وڭىرلەرىندە تەمپەراتۋرا 40 سەلتسي گرادۋستان اسادى، تۇرپان قالاسى، قۇمىل قالاسى، بايىنعولىن وبلىسىنىڭ وڭتۇستىگى قاتارلى جەرلەردىڭ ءىشىنارا وڭىرلەرىندە 45 سەلتسي گرادۋستان اسادى، تۇرپان قالاسىنىڭ ءىشىنارا جەرلەرىندە 50 سەلتسي گرادۋستان اسادى. بۇل رەتكى ىستىق ەرەكشە كۇشتى بولادى. ىستىقتان ساقتانىپ، تەمپەراتۋرانى تومەندەتۋگە جانە وتتان، ەلەكتردەن حاۋىپسىز پايدالانۋعا كوڭىل بولىڭىزدەر ءارى تاۋلى وڭىردەگى ءىشىنارا جەرلەردە قار ەرۋ سيپاتتى تاسقىن اپاتىنان ساقتانۋدى كۇشەيتىڭىزدەر.

جۇڭگو اۋا رايى تورابى جاريالاعان ساقتىق ينفورماتسياسىنا قاراعاندا، 7 – ايدىڭ 1 - كۇنى تۇستەن بۇرىن ءۇرىمجى قالاسى ىستىقتان ساقتانۋدىڭ ساقتىق سيگنالىن ارت – ارتىنان جاريالادى. ساعات 10 نان 45 مينۋت وتكەندە، توۋتۇنحى رايوندىق اۋا رايى ستانسياسى ىستىقتان ساقتانۋدىڭ قىزعىلت سارى ءتۇستى ساقتىق سيگنالىن ىستىقتان ساقتانۋدىڭ قىزىل ءتۇستى ساقتىق سيگنالىنا كوتەردى، مەجەمەن الداعى 3 كۇندە قاراستى رايوننىڭ تەمپەراتۋراسى 40 سەلتسي گرادۋستان اسادى، وڭىرلىك ءورت حاۋپىنىڭ اۋا رايى دارەجەسى ءبىرشاما جوعارى، ىستىقتان ساقتانۋ جانە ورتتەن ساقتانۋ قىزمەتىن ويداعىداي ىستەۋ كەرەك.

ساعات 12 دەن 19 مينۋت وتكەندە، دابانچىڭ رايوندىق اۋا رايى ستانسياسى ىستىقتان ساقتانۋدىڭ قىزعىلت سارى ءتۇستى ساقتىق سيگنالىن جاريالادى، 7 – ايدىڭ 1 – كۇنىنەن 3 – كۇنىنە دەيىن، دابانچىڭ رايونىنىڭ ساياپىلدان يانحۋعا دەيىنگى وڭىرىندە ەڭ جوعارى تەمپەراتۋرا 37 سەلتسي گرادۋستان اسادى، ءورت حاۋپىنىڭ اۋا رايى دارەجەسى ءبىرشاما جوعارى بولادى، قالا تۇرعىندارىنا ساقتانۋدى ەسكەرتتى.

جۇرتشىلىق ساقتىق ينفورماتسياسىنىڭ وزگەرىسىنە دەر كەزىندە نازار اۋدارىپ، ىستىقتا سىرتقا شىعۋدى مۇمكىندىكتىڭ بارىنشا ازايتىپ، قاتەرلى ادامدار توبىنىڭ ورتا اۋا الماسۋى مەن دەنە تەمپەراتۋراسىن باقىلاۋدى كۇشەيتۋى كەرەك. دەنساۋلىعىڭىز جايسىزدانسا، شىداي سالايىن دەمەي، دەر كەزىندە ءبىر جاقتى ەتىپ، دەر كەزىندە ەمدەلىپ، باس اماندىعىڭىزعا كەپىلدىك ەتىڭىز.

كەلۋ قاينارى: حالىق تورابى