بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.06.30 16:19 كەلۋ قاينارى : حالىق تورابى
سىرتقى ىستەر مينيسترلىگىنىڭ مالىمدەمەشىسى گو جياكۇن 6 - ايدىڭ 29 - كۇنى كەزەكتى تىلشىلەردى قابىلداۋ ماجىلىسىندە سۇراۋعا جاۋاپ بەرگەندە مىنانى ءبىلدىردى: جۇڭگو جاق ۆەنەسۋەلاداعى جەر سىلكىنىسى اپاتىنىڭ جاعدايىنا ايرىقشا نازار اۋداردى. ءتوراعا شي جينپيڭ ۆەنەسۋەلانىڭ ۋاقىتتىق زۇڭتۇڭى رودريگەسكە حال سۇراۋ تەلەگرامماسىن جولدادى. جۇڭگو ۇكىمەتى وسىنىڭ الدىندا ۆەنەسۋەلاعا ناق اقشا تۇرىندە بەرگەن كومەك نەگىزىندە، ۆەنەسۋەلاعا حالىق اقشاسى بويىنشا تاعى دا 100 ميلليون يۋاندىق شۇعىل زاتتىق كومەكتى تەگىن بەرۋدى ۇيعاردى، بۇل كومەك جەر سىلكىنىسىنەن قۇتقارۋ جانە اپاتتان كەيىنگى قالپىنا كەلتىرۋ قىزمەتىنە پايدالانىلادى ءارى تەز ارادا ۆەنەسۋەلاعا جەتكىزىلەدى. جۇڭگو جاق تاعى ۆەنەسۋەلا جاققا جەر سىلكىنىسى اپاتى تۋىلعان رايوننىڭ جاساندى سەرىك ارقىلى تۇسىرىلگەن سۋرەتتەرىن بەرىپ، ۆەنەسۋەلانىڭ جەر سىلكىنىسىنە قارسى اتتانىپ، اپاتتان قۇتقارۋىنا قولداۋ كورسەتتى. ۆەنەسۋەلاداعى جۇڭگو قارجىسىنداعى كاسىپورىندار مەن حۋاچياۋلار قوعامى بەلسەندىلىكپەن ۆەنەسۋەلا جاققا قۇتقارۋ قىزمەتى شۇعىل قاجەت ەتكەن ينجەنەريالىق ماشينالار مەن ەمدەۋ بۇيىمدارىن بەردى ءارى قۇتقارۋ اترەتىن قۇرىپ، ىزدەستىرۋ - قۇتقارۋ قىزمەتىنە بەلسەنە ات سالىستى. جۇڭگو جاق ۆەنەسۋەلاداعى اپات جاعدايىنا نەگىزدەلە وتىرىپ، ۆەنەسۋەلاعا ۇزدىكسىز اناعۇرلىم كوپ قولداۋ كورسەتۋدى قالايدى.
كەلۋ قاينارى: حالىق تورابى
