ءىشىنارا جەرلەردە 45 سەلتسي گرادۋستان اسادى! شينجياڭنىڭ اۋا رايىنان مالىمەتتى كورىڭىزدەر

كەڭ كولەمدى ءۇرتىس جالعاساتىن جوعارى تەمپەراتۋرالى اۋا رايى وسى اپتادا (6 – ايدىڭ 29 – كۇنىنەن 7 – ايدىڭ 5 – كۇنىنە دەيىن) جالعاستى بولادى.

وڭتۇستىك شينجياڭ ويپاتىندا، شىعىس شينجياڭدا جوعارى تەمپەراتۋرالى اۋا رايى 7 - ايدىڭ 8 - كۇنىنە دەيىن جالعاسادى. وسى ارالىقتا بۇكىل شينجياڭداعى جازىق وڭىرلەردىڭ باسىم كوپ بولەگىندە 37 سەلتسي گرادۋستان اساتىن جوعارى تەمپەراتۋرالى اۋا رايى بولادى، بۇراتالا موڭعۇل اۆتونوميالى وبلىسىنىڭ شىعىس بولەگى، تارباعاتاي ايماعىنىڭ وڭتۇستىك بولەگى، قارامايلى قالاسى، شىحىزى قالاسى، ءۇرىمجى قالاسىنىڭ سولتۇستىك بولەگى، سانجى حۇيزۋ اۆتونوميالى وبلىسى، وڭتۇستىك شينجياڭ ويپاتى، شىعىس شينجياڭ سياقتى جەرلەردىڭ ءىشىنارا وڭىرلەرىندە ەڭ جوعارى تەمپەراتۋرا 40 سەلتسي گرادۋستان اسادى، بايىنعولىن موڭعۇل اۆتونوميالى وبلىسىنىڭ وڭتۇستىك بولەگى، تۇرپان قالاسى، قۇمىل قالاسىنىڭ ءىشىنارا جەرلەرىندە 45 گرادۋستان اسادى.

7 - ايدىڭ 1 - كۇنىنەن 6 - كۇنىنە دەيىن سولتۇستىك شينجياڭنىڭ باتىس سولتۇستىك بولەگى، شىحىزى قالاسى، ءۇرىمجى قالاسىنىڭ تاۋلى رايونى، سانجى وبلىسىنىڭ تاۋلى رايونى، وڭتۇستىك شينجياڭنىڭ باتىس بولەگىندەگى تاۋلى رايون، حوتان ايماعىنىڭ وڭتۇستىك بولەگىندەگى تاۋلى رايون، اقسۋ ايماعىنىڭ تاۋلى رايونى، بايىنعولىن وبلىسىنىڭ تاۋلى رايونى قاتارلى جەرلەردىڭ ءىشىنارا وڭىرلەرىندە ۇزدىك - سوزدىق سەبەزگى جاڭبىر جاۋادى. ىلە اڭعارى، بۇراتالا وبلىسى، تارباعاتاي ايماعىنىڭ وڭتۇستىگى، قىزىلسۋ قىرعىز اۆتونوميالى وبلىسى، اقسۋ ايماعى قاتارلى جەرلەردەگى تاۋلى وڭىرلەردىڭ ءىشىنارا وڭىرلەرىندە نوسەر جاۋادى، ءىشىنارا جەرلەردە قىسقا ۋاقىت كۇشتى جاۋىن - شاشىن، ناجاعايلى بوران، بۇرشاق قاتارلى كۇشتى كونۆەكسيالىق اۋا رايىنىڭ تۋىلۋ مۇمكىندىگى ءبىرشاما زور.

6 - ايدىڭ 30 – كۇنىنەن 7 – ايدىڭ 5 – كۇنىنە دەيىن ءۇرىمجى قالاسىنىڭ باسىم كوپ وڭىرىندە 37 سەلتسي گرادۋستان اساتىن جوعارى تەمپەراتۋرا جارىققا شىعادى، قالانىڭ سولتۇستىگى، ميدۇڭ رايونى، گانچۋانباۋدىڭ ءبىر ءبولىم رايوندارىنىڭ ەڭ جوعارى تەمپەراتۋراسى 40 سەلتسي گرادۋستان اسادى، ءىشىنارا جەرلەردە 43 سەلتسي گرادۋستان اسادى. وسى اپتادا تۇستەن كەيىننەن كەشكە دەيىن ءۇرىمجى قالاسىنىڭ وڭتۇستىك قالا ماڭىندا جانە تاۋلى جەرلەرىندە ناجاعاي جارقىلداپ، قىسقا ۋاقىت ىشىندە قاتتى جاڭبىر جاۋىپ، بوران سوعاتىن كۇشتى كونۆەكسيالىق اۋا رايىنىڭ مۇمكىندىگى ءبىرشاما جوعارى بولادى، سىرتتا جاياۋ ءجۇرۋ، تاۋلى وڭىردە ساياحاتتاۋ قاتارلىلارعا بەلگىلى ىقپال جاسايدى، بۇقارانىڭ ءجۇرىس – تۇرىس بارىسىندا ساقتىقتى كۇشەيتۋىن ءۇمىت ەتەمىز.

كەلۋ قاينارى: حالىق تورابى