يۋان لۇڭپيڭنىڭ جەتىستىكتەرىن قارالاعاندىقتان، ەكى ميلليوننان استام جانكۇيەرى بار جەلىدەگى تانىمال ادامنىڭ تىركەلگىسى مەرزىمسىز پەشەتتەلدى 

6 - ايدىڭ 28 – كۇنى، ”دوۋين“ تەكشەسىنىڭ ”قارا تاقتا گازەتى“ رەسمي ميكروبلوگى ”ەكى ميلليوننان استام جانكۇيەرى بار جەلىدەگى تانىمال ادامنىڭ يۋان لۇڭپيڭنىڭ كۇرىش بۋدانداستىرۋ تەحنيكاسىن قارالاۋىنا“ قاتىستى حاباردى سيتاتقا الا وتىرىپ حابارلاندىرۋ جاريالادى: قاتىستى تىركەلگى قوعامنىڭ – ەكونوميكانىڭ دامۋ ءتارتىبىن بۇلدىرۋگە قاساقانا ۇيىمداستىراتىن، حالىق اراسىندا وڭاي الاڭداۋشىلىق تۋدىراتىن جالعان ينفورماتسيا تاراتىپ، «دوۋين الەۋمەتتىك اۋماعىنىڭ ۇستامدىلىق كەلىسىمىنە» قايشىلىق جاساعاندىقتان، وعان مەرزىمسىز پەشەتتەۋ شاراسى اتقارىلعان.

جۋىردا، جۇڭگو ازىق – تۇلىك گازەتىنىڭ توعىسپالى مەدياسى توراپتاستاردىڭ مىناداي اڭىسىن قابىلداعان، بارلىق تەكشەدەگى جانكۇيەرلەرىنىڭ جالپى سانى ەكى ميلليوننان اساتىن اۋىل شارۋاشىلىعى سالاسىندا تانىمال ءمالىم ادام ”ەسكى تۇقىمدى قورعايمىز“ دەگەن جەلەۋمەن بەينە كەسكىن شىعارىپ، ساپالى تۇقىم جەتىلدىرۋ تەحنيكاسىنا ورشەلەنە شابۋىل جاساعان.

ونىڭ شابۋىلىنا ۇشىراعان ”ءۇش جۇيەلى بۋدانداستىرۋ“ تەحنيكاسىنىڭ نەگىزىن قالاۋشى، ءدال، يۋان لۇڭپيڭ اكادەميك بولاتىن، ال، ”ءۇش جۇيەلى بۋدانداستىرۋ“ تەحنيكاسى سياقتى وسىزاماندانعان ساپالى تۇقىم جەتىلدىرۋ تەحنيكاسى نەشە ون جىلدان بەرگى استىق حاۋىپسىزدىگىنىڭ نەگىزى سانالادى. جۇڭگو ازىق – تۇلىك گازەتى اتالعان جەلىدەگى تانىمال ادامنىڭ ساپالى تۇقىم جەتىلدىرۋ تەحنيكاسىنا شابۋىل جاساعان سوزدەرىنە تويتارىس بەرگەن.

كەلۋ قاينارى: حالىق تورابى