بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.07.02 15:57 كەلۋ قاينارى : حالىق تورابى
جۇڭگو سىرتقى ىستەر مينيسترلىگىنىڭ مالىمدەمەشىسى گو جياكۇن 6 - ايدىڭ 30 - كۇنى كەزەكتى تىلشىلەردى قابىلداۋ ءماجىلىسىن باسقاردى. ءتىلشى جۇڭگو مەن ەۋروپا اراسىنداعى ساۋدا - قارجى قوسۋ ىستەرىن كەڭەسۋ مەحانيزمىنىڭ تۇڭعىش رەتكى ماجىلىسىنە قاتىستى جاعدايلار جونىندە سۇراۋ قويدى.
گو جياكۇن سۇراۋعا جاۋاپ بەرگەندە بىلاي دەدى: قاتىستى كەڭەستىڭ ناقتى جاعدايىن جۇڭگو جاقتىڭ قاتىستى تاراۋلارىنان ۇعىسىڭىز. مەنىڭ اتاپ وتپەكشى بولعانىم، جۇڭگو مەن ەۋروپا قارسىلاستار ەمەس، سەرىكتەستەر، جۇڭگو مەن ەۋروپانىڭ ەكونوميكا - ساۋدا سەلبەستىگىنىڭ ءمانى ءوزارا پايدا جەتكىزۋ، ورتاق يگىلىككە كەنەلۋ بولىپ تابىلادى. ەۋروپا وداعى كەزدەسىپ وتىرعان ماسەلەلەردىڭ ءتۇپ قاينارى جۇڭگودا ەمەس، ەكى جاقتىڭ ەكونوميكا - ساۋدا سالاسىنداعى كوڭىل ءبولىپ وتىرعان ماسەلەلەرىن شەشۋدىڭ كىلتى — جۇڭگو مەن ەۋروپا اراسىنداعى سەلبەستىكتى تەرەڭدەتىپ، ورتاق دامۋدى جۇزەگە اسىرۋدا. جۇڭگو جاق ەۋروپا جاقپەن كەڭەسۋدى كۇشەيتىپ، تەڭدىك، ءوزارا قۇرمەتتەۋ، ءوزارا پايدا جەتكىزۋ پرينسيپتەرىن نەگىز ەتىپ، ساۋدا سالاسىنداعى الاۋىزدىقتى ناتيجەلى تاسىلدەرمەن ۇيلەسىمدى ءبىر جاقتى ەتىپ، دۇنيە جۇزىلىك ءوندىرىس پەن قامداۋ تىزبەگىنىڭ ورنىقتىلىعىن بىرگە قورعاۋدى قالايدى.
كەلۋ قاينارى: حالىق تورابى
