شىڭعا شىعۋشى ءۇش ادام شينجياڭداعى مۇزتاۋ شىڭىندا قازا بولدى، ءبىر ادام دەرەكسىز كەتتى

ءتىلشىنىڭ شينجياڭ ۇيعۇر اۆتونوميالى رايوندىق دەنە تاربيە مەكەمەسىنەن ۇعىسۋىنشا، 7 – ايدىڭ 3 – كۇنىنەن 4 – كۇنىنە دەيىن مەملەكەتتىك دەنە تاربيە باس مەكەمەسىنىڭ تەكسەرىپ بەكىتۋىنەن وتكەن شىڭعا شىعۋ اترەتى مۇزتاۋ شىڭىنا شىعىپ، قايتار جولدا تەڭىز دەڭگەيىنەن 7300 مەتر بيىككە جەتكەندە قارلى بورانعا ۇشىراپ، 4 ادام دەرەكسىز كەتكەن.

قاتەرلى جاعداي تۋىلعاننان كەيىن، مەملەكەتتىك دەنە تاربيە باس مەكەمەسى، شينجياڭ ۇيعۇر اۆتونوميالى رايوندىق دەنە تاربيە مەكەمەسى، قىزىلسۋ قىرعىز اۆتونوميالى وبلىسى دەرەۋ كاسىپتىك قىزمەتكەرلەردى، جابدىقتاردى بار كۇشپەن ىزدەۋگە ۇيىمداستىردى. 7 – ايدىڭ 6 – كۇنى ساعات 22 دە، جوعالىپ كەتكەن ءۇش ادامدى تاۋىپ الدى، ءبىراق ولار تابىلعان كەزدە ەشقانداي تىرشىلىك بەلگىلەرى قالماعان، قازىر دەرەكسىز كەتكەن ەڭ سوڭعى ءبىر ادامدى بار كۇشپەن ىزدەپ قۇتقارۋدا.

كەلۋ قاينارى: حالىق تورابى