ورتاشادان باستاپ قالىڭ جاڭبىر جاۋادى! ءىشىنارا جەرلەردە 45 سەلتسي گرادۋستان اسادى! شينجياڭ اۋا رايى ستانسياسىنىڭ ەسكەرتۋى

الدىن الا مالىمەتتە كورسەتىلۋىنشە، 7 – ايدىڭ 6 – كۇنى كۇندىزدەن 8 – كۇنىنە دەيىن وڭتۇستىك شينجياڭ ويپاتى، شىعىس شينجياڭ جانە تيانشاننىڭ سولتۇستىك بوكتەرىندەگى ءىشىنارا وڭىرلەردە جالعاستى 35 سەلتسي گرادۋستان جوعارى ىستىق بولادى، مۇنىڭ ىشىندە وڭتۇستىك شينجياڭ ويپاتى، شىعىس شينجياڭنىڭ ءىشىنارا وڭىرلەرىندە 40 سەلتسي گرادۋستان جوعارى ىستىق بولادى، بايىنعولىن موڭعۇل اۆتونوميالى وبلىسىنىڭ وڭتۇستىگى، تۇرپان قالاسى، قۇمىل قالاسىنىڭ ءىشىنارا جەرلەرىندە 45 سەلتسي گرادۋستان اسادى. 7 – ايدىڭ 6 – كۇنى كۇندىزدەن 10 – كۇنى تۇنگە دەيىن سولتۇستىك شينجياڭنىڭ باتىس سولتۇستىك بولەگى، تيانشان تاۋىنىڭ سولتۇستىك بەتكەيى، وڭتۇستىك شينجياڭنىڭ باتىس بولەگى، بايىنعولىن وبلىسى، تۇرپان قالاسى، قۇمىل قالاسى قاتارلى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى، ىلە اڭعارى، تيانشان تاۋلى ءوڭىرى جانە ەكى جاق ەتەگى، وڭتۇستىك شينجياڭنىڭ باتىس بولەگىندەگى تاۋلى ءوڭىر، كۇنلۇن تاۋىنىڭ سولتۇستىك بەتكەيى قاتارلى جەرلەردىڭ ءىشىنارا وڭىرلەرىندە ورتاشادان باستاپ قالىڭ جاڭبىر جاۋادى، تاۋلى وڭىرلەردىڭ ءىشىنارا جەرلەرىندە نوسەر جاۋادى، ءارى قىسقا ۋاقىتتىق كۇشتى جاۋىن - شاشىن، ناجاعايلى بوران، بۇرشاق قاتارلى كۇشتى كونۆەكسيالىق اۋا رايى بولۋى مۇمكىن؛ وڭتۇستىك شينجياڭ ويپاتىنىڭ ورتا، شىعىس بولەگىندە قيىس شىعىستان 5 بال اينالاسىندا بوران سوعادى، مەزەتتىك جەل كۇشى 8 بال اينالاسىندا بولادى، ءىشىنارا جەرلەردە قۇمدى بوران سوعادى.

7 – ايدىڭ 11 – كۇنى كۇندىزدەن 12 – كۇنىنە دەيىن، سولتۇستىك شينجياڭنىڭ باتىس بولەگىندەگى تاۋلى رايونداردا، وڭتۇستىك شينجياڭنىڭ باتىس بولەگىندە جالعاستى سەبەزگى جاڭبىر جاۋادى، قىزىلسۋ قىرعىز اۆتونوميالى وبلىسىنىڭ باسىم كوپ بولەگى مەن قاشقار ايماعىنىڭ وڭتۇستىك بولەگىندەگى تاۋلى رايونداردا ورتاشادان باستاپ قالىڭ جاڭبىر جاۋادى، ءىشىنارا جەرلەردە نوسەر جاۋادى. سونىمەن بىرگە، تيانشاننىڭ سولتۇستىك بەتكەيى، وڭتۇستىك شينجياڭ ويپاتى، شىعىس شينجياڭ قاتارلى جەرلەردە تاعى دا 35 سەلتسي گرادۋستان جوعارى ىستىق بولادى، بۇراتالا موڭعۇل اۆتونوميالى وبلىسىنىڭ شىعىس بولەگى، تارباعاتاي ايماعىنىڭ وڭتۇستىك بولەگى، قارامايلى قالاسى، وڭتۇستىك شينجياڭ ويپاتى، شىعىس شينجياڭ قاتارلى جەرلەردىڭ ءىشىنارا وڭىرلەرىندە 40 سەلتسي گرادۋستان جوعارى ىستىق بولادى، تۇرپان قالاسىنىڭ، قۇمىل قالاسىنىڭ ءىشىنارا جەرلەرىندە 45 سەلتسي گرادۋستان اسادى.

كەلۋ قاينارى: حالىق تورابى