ءسوز جوق، شىندىقتى ءىس جۇزىنەن ىزدەپ، شىندىققا جۇگىنىپ، ناقتى ءىس تىندىرىپ، شىنايى يگەرىپ، ناقتى ىستەۋ كەرەك

”جاڭا ءداۋىردىڭ جاڭا جورىعىنداعى پارتيانىڭ بورىشى مەن مىندەتىن جۇزەگە اسىرۋ بارلىق جۇڭگو كوممۋنيستەرىنەن سەنىمدى بەكەمدەپ، ۇزدىكسىز كۇرەس جۇرگىزىپ، ءداۋىر مەن حالىققا لايىق جاڭا ناتيجەلەر جاراتۋدى تالاپ ەتەدى“. 7 - ايدىڭ 1 - كۇنى باس شۋجي شي جينپيڭ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا وسىلاي دەپ باسا دارىپتەدى.

”دۇرىس ناتيجە كوزقاراسىن ورناتۋ جانە امالياتتا ايگىلەۋ ەڭ سوڭىندا حالىقتى باقىتقا كەنەلتۋگە تياناقتانادى“. 6 - ايدىڭ 24 - كۇنى باس شۋجي شي جينپيڭ شاندۇڭنىڭ دىجوۋ قالاسىندا قىزمەت تەكسەرگەندە بىلاي دەپ اتاپ كورسەتتى: ”بارشا پارتيا مۇشەلەرى، كادرلار ۇكىمەت قىزمەتكەرى تانىمىن كۇشەيتىپ، حالىققا تەرەڭ سۇيىسپەنشىلىك ورناتىپ، بۇقارا ءۇشىن كوبىرەك جاقسى ءىس ىستەپ، ناقتى ءىس ىستەپ، قيىن ىستەردى شەشىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن شىنايى كۇشەيتۋى كەرەك“.

تاڭداۋلى ستيل ارقىلى زەيىن - زەردەنى، كۇش - قۋاتتى شوعىرلاندىرىپ، شىنايى يگەرىپ، ناقتى ىستەپ، حالىق ءۇشىن ناتيجە شىعارۋعا، ناقتى ءىس ىستەۋ ارقىلى ناتيجە شىعارۋعا تاباندى بولىپ، جۇڭگو كوممۋنيستەرىنىڭ وزگەرمەيتىن اۋەلگى ماقساتىن ايگىلەۋ كەرەك.

”كوممۋنيستەر − ماتەرياليستەر، ناقتى ءىس ىستەۋ − كەم بولسا بولمايتىن قاسيەت، ءسوز جوق، شىندىقتى ءىس جۇزىنەن ىزدەپ، شىندىققا جۇگىنىپ، ناقتى ءىس تىندىرىپ، شىنايى يگەرىپ، ناقتى ىستەۋ كەرەك“. 2025 - جىلى 12 - ايدا باس شۋجي شي جينپيڭ ورتالىق كوميتەت ساياسي بيۋروسىنىڭ دەموكراتيالىق تۇرمىس جيىنىندا وسىلاي دەپ باسا دارىپتەدى.

ءسوزى قاراپايىم دا پارمەندى بولىپ، حالىق كوسەمىنىڭ دايەكتى حالىقتىق مايدانىن، پارتيانى قاتاڭ باسقارۋ، پارتيانى قاتاڭ جونگە سالۋ بەكىمىن جانە ەركى مەن بورىشىن ايگىلەپ، ەل باسقارۋدىڭ تانىم نازارياسىن، ءادىس نازارياسىن، اماليات نازارياسىن قامتىدى.

شىندىقتى ءىس جۇزىنەن ىزدەي وتىرىپ يدەيالىق نەگىزدى بەكەمدەپ، حالىققا باقىت جاراتاتىن ساياسي جاۋاپكەرشىلىكتى كورە ءبىلۋ كەرەك.

شىندىقتى ءىس جۇزىنەن ىزدەۋ − ماركسيزمنىڭ جاۋھارى، بارلىق ىستە ءىس جۇزىندىكتى شىعار ءتۇيىن ەتۋگە تاباندى بولۋ − ءبىزدىڭ ماسەلەگە وي جۇگىرتۋىمىزدىڭ، شەشىم جاساۋىمىزدىڭ، ءىس تىندىرۋىمىزدىڭ شىعار ءتۇيىنى جانە تابان تىرەر تياناعى. 2024 - جىلى 3 - ايدا باس شۋجي شي جينپيڭ حۋناندا قىزمەت تەكسەرگەندە: ”ءارقانداي قىزمەتتى يگەرۋدە، بۇقاراعا ءارقانداي ءىس ىستەپ بەرۋدە شىندىقتى ءىس جۇزىنەن ىزدەۋىمىز كەرەك“ دەپ باسا دارىپتەدى.

2019 - جىلى 11 - ايدا باس شۋجي شي جينپيڭ شاڭحايدا قىزمەت تەكسەرگەندە ”حالىق قالاسىن حالىق قۇرۋ، حالىق قالاسى حالىق ءۇشىن بولۋ“ ۇستانىمىن تۇڭعىش رەت العا قويدى.

”ماياقىسى قىمبات پا؟“ ”كەلەسى قادامدا سەندەردىڭ قانداي ويلارىڭ بار؟“ 2023 - جىلى 11 - ايدا باس شۋجي شي جينپيڭ شاڭحاي مينحاڭ رايونىنىڭ جاڭا داۋىردەگى قالا قۇرىلىسشىلارىنىڭ، باسقارۋشىلارىنىڭ ۇيىندە قىزمەت تەكسەرگەندە، ىلگەرىندى - كەيىندى الەۋمەتتىك اۋماقتاعى تۇرعىن ءۇي، جاتاق تۇرىندەگى مايعا بەرىلەتىن ۇيلەر جانە الەۋمەتتىك اس ءۇي، الەۋمەتتىك كىر جۋۋ ءۇيى سياقتى ورتاق يگىلىكتەنەتىن كەڭىستىكتەرگە بارىپ، وسى ارادا تۇراتىن قالانىڭ ءبىرىنشى شەبىندەگى قىزمەتكەرلەردىڭ تۇرمىس جاعدايىن ەگجەي - تەگجەيلى ۇعىسىپ، ”قالادا بيىكتىك بولۋمەن بىرگە، ونان دا ماڭىزدىسى، جىلۋلىق بولۋى كەرەك“ دەپ باسا دارىپتەدى.

حالىق تۇرمىسى ينجەنەرياسى حالىقتىڭ تۇرعىسىن ايگىلەدى. 2025 - جىلى 9 - ايدا 14 مىڭنان استام وتباسىنىڭ ”لاقتىرما دارەت وتىرعىسىن“ جاڭالاۋ مىندەتى مەرزىمىنەن بۇرىن ورىندالدى، شاڭحاي ”لاقتىرما دارەت وتىرعىسىنا“ جاپپاي قوش ايتتى، ميلليونداعان تۇرعىنعا ساياتىن ”قامال الۋ شايقاسى“ تاريحي سيپاتتى جەڭىسكە جەتتى.

شاڭحايدا قىزمەت ىستەگەن كەزدە، شي جينپيڭ جولداس ”كونە رايونداردى جاڭالاۋدى، ءسوز جوق، تاباندىلىقپەن ىلگەرىلەتۋ كەرەك، بۇقارانىڭ مۇنداي توزىعى جەتكەن ۇيدە ەندىگارى تۇرمىس كەشىرۋىنە جول بەرۋگە بولمايدى“ دەپ باسا دارىپتەدى؛ ورتالىققا كەلىپ قىزمەت ىستەگەننەن كەيىن باس شۋجي شي جينپيڭ تاعى ”بۇل ءىس بۇقارانىڭ ءتول مۇددەسىنە جانە قالانىڭ ۇزاق بولاشاقتىق دامۋىنا سايادى، قانشا قيىن بولسا دا، امالىن تاۋىپ شەشۋ كەرەك“ دەپ باسا دارىپتەدى.

شىندىققا جۇگىنىپ، ناقتى ءىس ىستەۋدى عىلمي ادىسپەن قامداپ، جەرگىلىكتى جاعدايعا قاراي ىستەۋ جولىن تاڭدادى.

”جەرگىلىكتى جاعدايعا قاراي ىستەۋدىڭ ءمانى − شىندىقتى ءىس جۇزىنەن ىزدەۋ“. شىندىققا جۇگىنىپ، ناقتى ءىس ىستەۋ دەگەنىمىز − الۋان ءتۇرلى كۇردەلى رەالدىق بارىسىندا زاڭدىلىقتى انىقتاپ، تامىردى دالمە - ءدال يگەرۋ دەگەن ءسوز. جاڭاشا وندىرگىش كۇشتەردى دامىتۋدا دۇرمەككە ىلەسۋگە بولمايدى، ەكولوگيانىڭ ازۋى سىندى كورنەكتى ماسەلەلەردى جونگە سالۋدا ”ورمانعا ۇيلەسسە ورمان ءوسىرۋ، شوپكە ۇيلەسسە ءشوپ ءوسىرۋ، قۇمعا ۇيلەسسە قۇمدى ساقتاپ قالۋ، قاعىر جەرگە ۇيلەسسە قاعىر جەر اشۋ“ كەرەك؛ سۋ بايلىعىن قورعاۋدا، پايدالانۋدا ”سۋعا قاراي قالانى، سۋعا قاراي جەردى، سۋعا قاراي ادامدى، سۋعا قاراي ءونىمدى تۇراقتاندىرۋدىڭ“ تەتىگى زاڭدىلىققا قۇرمەت ەتىپ، زاڭدىلىق بويىنشا ءىس ىستەۋدە.2025 - جىلدىڭ سوڭىندا ورتالىقتىڭ ەكونوميكالىق قىزمەت ماجىلىسىندە باس شۋجي شي جينپيڭ اۋىل - قىستاقتا دارەتحانانى وزگەرتۋ سىندى حالىق تۇرمىسىنداعى ۇساق ءىستى تىلگە تيەك ەتىپ، ”وڭتۇستىك پەن سولتۇستىكتىڭ پارقى سونشاما زور، دارەتحانانى وزگەرتۋدە قالايشا ءبىر ۇلگى بولۋعا بولادى؟ يەن دالادا بىرنەشە وتباسى جوق، ولشەمدى دارەتحانا سالۋ قاجەت پە؟ حالىق تىلەگى ينجەنەرياسىن حالىقتىڭ نارازىلىق ينجەنەرياسىنا“ اينالدىرۋعا بولمايدى دەدى.

”ي -ـ ۋ شاعىن تاۋارلارى ءىرى بازاردان شىعىپ، ءىرى كاسىپكە اينالىپ، ’ي - ۋ دامۋ تاجىريبەسىن‘ قالىپتاستىردى، بۇل − جەرگىلىكتى جاعدايعا قاراي اۋدان ءوڭىرى ەكونوميكاسىن دامىتۋدىڭ تابىستى امالياتى“. باس شۋجي شي جينپيڭ ماڭىزدى نۇسقاۋ بەرىپ وسىلاي دەپ باسا دارىپتەدى. سول جىلدارى جىجياڭدا شي جينپيڭ جولداس ”تەز جەتىلگەن بالالارعا ۇلكەن كيىم كيگىزۋ كەرەك“ دەگەن جاندى تەڭەۋمەن ۋاقىتقا قاراي ىلگەرىلەۋ، جاعدايعا قاراي جاڭا دامۋ زاڭدىلىعىن كورسەتتى. بۇگىنگى تاڭدا، ”جاعدايدى وزگەرتۋدەن“ زىمىراعان جۇڭگو - ەۆروپا كەزەكشى پويەزدەرىنە دەيىن، ي - ۋ ”ولقىلىقتاردى“ ”ارتىقشىلىققا“ اينالدىردى.

شىنايى يگەرىپ، ناقتى ىستەپ، امالياتتىڭ تياناقتانۋ ءتۇيىنىن بەلگىلەپ، حالىق ءۇشىن جاۋاپكەرشىلىك ارقالاۋ نىسانالىق تالپىنىسىن ايگىلەدى.

شىنايى يگەرىپ، ناقتى ىستەۋ − عىلمي شەشىم جاساۋدى ءىس جۇزىندىك ونىمدىلىككە اينالدىرۋدىڭ دۇرىس جولى. ”وسىزامانداندىرۋدى نەگىزىنەن جۇزەگە اسىرۋدا ناقتى ءىس ىستەۋگە سۇيەنۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا ناقتى ءىس ىستەۋگە سۇيەنۋ كەرەك“.

تياناقتاندىرۋدى يگەرۋ − دۇرىس ناتيجە كوزقاراسىن ورناتۋدىڭ جانە امالياتتا ايگىلەۋدىڭ”سىنتاسى“. ”تياناقتاندىرۋدى يگەرگىمىز كەلۋ - كەلمەۋ، تياناقتاندىرۋدى يگەرۋگە باتىلدىق ەتۋ - ەتپەۋ، تياناقتاندىرۋدى يگەرە الۋ - الماۋ ءبىزدىڭ ارەكەتىمىزدى سىننان وتكىزەدى، قابىلەتىمىزدى سىنايدى“.

باس شۋجي شي جينپيڭ بىلاي دەپ باسا دارىپتەدى:” چاڭجياڭ وزەنىندە بالىق اۋلاۋعا تيىم سالۋ − جالپى جاعداي ءۇشىن جوسپار جاسايتىن، ۇرپاقتار ءۇشىن جوسپار جاسايتىن ماڭىزدى شەشىم“. 2021 - جىلى 1 - ايدىڭ 1 - كۇنىنەن باستاپ چاڭجياڭ وزەنىندە 10 جىل بالىق اۋلاۋعا تيىم سالۋ جاپپاي اتقارىلىپ، 231 مىڭ بالىقشى باسقا كاسىپكە ويىسىپ كاسىپتەندى، بىرنەشە جىلدان بەرى چاڭجياڭ وزەنىندە 43 ءتۇرلى بالىق كوبەيىپ، دەلفين 1400 دەن استى. وڭاي ولجا تابۋعا تيىم سالىنىپ، كەيىنگىلەرگە پايدا جەتكىزىلدى، شىنايى يگەرىپ، ناقتى ىستەۋ ەجەلدەن ۇرا عانا بولعان ەمەس.

تەمىردەي قاعيدا ارقىلى تاماشا ستيل سومداۋىمىز كەرەك. پارتيا 18 - قۇرىلتايىنان بەرى ”قۇجات باستىلىق پەن ءماجىلىس باستىلىقتى“ جويىپ، ”ساۋساق ۇشىنداعى اۋرەشىلىكتى“ جونگە سالىپ، نەگىزگى ساتىنىڭ اۋىرتپالىعىن ۇزدىكسىز جەڭىلدەتىپ، كادرلاردىڭ اناعۇرلىم كوپ زەيىن - زەردەسىن بۇقاراعا قىزمەت وتەۋگە جۇمساۋىنا مۇمكىندىك جاسالدى. باس شۋجي شي جينپيڭ: ”فورماشىلدىققا باستاماشىلدىقپەن قارسى تۇرىپ، ناقتى ىسكەرلىككە ءمان بەرىپ، ناقتى ونىمدىلىككە ۇمتىلاتىن قويۋ راي قالىپتاستىرۋ كەرەك“ دەپ قاداعالاي تاپسىردى.

داڭعىل جول قاراپايىم، ناقتى ءىس ىستەۋىمىز كەرەك. جاڭا جورىق − داڭق پەن ارمانعا تولى ۇزاق جورىق، تاريح ىسكەرلەردى جەردە قالدىرمايدى. ”ءبىز ناقتى ىستەۋ ارقىلى شۇعىلالى وتكەندى جاراتتىق، سونداي - اق ناقتى ىستەۋ ارقىلى اناعۇرلىم كوركەم بولاشاق جاراتۋىمىز كەرەك“. ”15 - بەسجىلدىقتا“ ۇدەرە العا تارتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ۇلى جوباسىن نىق قاداممەن رەالدىققا اينالدىرايىق!