ەلىمىزدىڭ جايىلىم ەكولوگيالىق جاعدايى ۇزدىكسىز جاقساردى

شينحۋا اگەنتتىگىنىڭ 7 ـ ايدىڭ 13 ـ كۇنى كوكحوت قالاسىنان بەرگەن حابارى. ءتىلشىنىڭ 7 ـ ايدىڭ 13 ـ كۇنى ىشكى موڭعۇلدىڭ كوكحوت قالاسىندا وتكىزىلگەن حالىقارالىق جايىلىم جانە مالشىلار جىلى جۇڭگو رايونىنىڭ نەگىزگى تاقىرىپتىق قيمىلىنان ۇعىسۋىنشا، سوڭعى جىلداردان بەرى، ەلىمىزدىڭ جايىلىم ەكولوگيالىق جاعدايى ۇزدىكسىز جاقسارىپ، جايىلىم ەكولوگيالىق جۇيەسىنىڭ ەكولوگيالىق فۋنكسياسى مەن وندىرگىش كۇشى كورنەكتى جوعارىلاپ، اقاۋسىز جانە ورتاشا اقاۋسىز جايىلىم كولەمى 2 ميلليارد 700 ميلليون مۋعا جەتىپ، ۇستايتىن سالىستىرماسى %70 تەن اسقان.

ەلىمىز جايىلىمى مول ءىرى ەل، جايىلىم كولەمى 4 ميلليارد مۋعا جەتىپ، دۇنيە ءجۇزى بويىنشا ءبىرىنشى ورىندا تۇرادى. ەلىمىز قورعاۋدى ماڭداي الدى ورىنعا قويۋعا، تابيعي قالپىنا كەلتىرۋ مەن جاساندى جولمەن قالپىنا كەلتىرۋدى ۇشتاستىرۋعا تاباندى بولىپ، تاۋ، سۋ، ورمان، اتىز، كول، جايىلىم، قۇمدى ءبىر تۇلعالاندىرىپ قورعاۋدى جانە جۇيەلى جونگە سالۋدى ءبىرتۇتاس ىلگەرىلەتىپ، جايىلىمدى قورعاۋ، قالپىنا كەلتىرۋ تەبىنىن ۇزدىكسىز ارتتىرىپ، كەلەلى ەكولوگيالىق ينجەنەريالاردى ۇزدىكسىز اتقارىپ، جايىلىم بايلىعىن باقىلاۋ ـ باسقارۋدى كۇشەيتىپ، جايىلىم ەكولوگياسىنا بايلانىستى سيلاۋ، قوسىمشا قاراجات بەرۋ ساياساتىن ىشكەرىلەي تياناقتاندىرىپ، جايىلىمدا مال باعۋعا تيىم سالۋ، جايىلىمدى تىنىقتىرۋ، جايىلىم مەن مالدىڭ تەپە ـ تەڭدىگى ءتۇزىمىن جاپپاي اتقاردى.

ساندى مالىمەتتە كورسەتىلۋىنشە، ”14 – بەسجىلدىق“ مەزگىلىندە ەلىمىز جىلىنا ورتا ەسەپپەن 46 ميلليون مۋدان استام تۇياق كەستى بولعان جايلىمدى قالپىنا كەلتىرىپ، جىلىنا ورتا ەسەپپەن جايىلىمداعى تىشقان، زياندى جاندىك اپاتىنان ساقتانعان اۋماق 100 ميلليون مۋدان اسقان، جايىلىمنىڭ جىلدىق ءشوپ ءونىمى 600 ميلليون توننادان اسقان.

تانىستىرۋعا قاراعاندا، ”15 – بەسجىلدىق“ مەزگىلىندە ەلىمىز جايىلىمدى وڭاۋ جۇيەسىن ۇزدىكسىز كەمەلدەندىرىپ، جايىلىمدى وڭاۋ قۋاتىن ۇزدىكسىز جوعارىلاتادى. ءشوپ ەگۋ مەن جاسىلداندىرۋدى، قۇمدى تىزگىندەۋدى، كاسىپ سالاسىن ورگانيكالى ۇشتاستىرۋدى ءبىرتۇتاس ىلگەرىلەتىپ، ”باعالى بايلىق“ ۇستانىمىن كادەگە جاراتۋدىڭ امالياتتىق جولىن بەلسەنە قاراستىرىپ، ەكولوگيالىق جايىلىم مال شارۋاشىلىعىن كۇش سالا دامىتادى. تۇياق كەستى بولعان جايىلىم ەكولوگياسىن قالپىنا كەلتىرۋدى دارەجەگە، تۇرگە ءبولىپ اتقارۋعا تاباندى بولىپ، ساپالى ءشوپ تۇقىمىن جەتىلدىرۋ، جالپىلاستىرۋ تەبىنىن ارتتىرىپ، ساپالى شوپپەن قامداۋ قۋاتىن جوعارىلاتادى. جايىلىم بايلىعىن قورعاۋدى ۇزدىكسىز كۇشەيتىپ، 4 ـ كەزەكتى جايىلىم ەكولوگياسىن قورعاۋعا كومەك قاراجات بەرۋ، سيلاۋ ساياساتىن ويداعىداي اتقارادى، جايىلىمدى ءبۇلدىرىپ تىڭ يگەرۋ قاتارلى زاڭعا قايشى ءتۇرلى ارەكەتتەرگە قاتاڭ سوققى بەرەدى.

كەلۋ قاينارى: حالىق تورابى