شي جينپيڭ 8 - كەزەكتى جۇڭگو − رەسەي ەنەرگيا ساۋدا ىستەرى تالقى مىنبەرىنە قۇتتىقتاۋ حاتىن جولدادى

شينحۋا اگەنتتىگىنىڭ 9 - ايدىڭ 4 - كۇنى بەيجيڭنەن بەرگەن حابارى. 9 - ايدىڭ 4 - كۇنى 8 - كەزەكتى جۇڭگو − رەسەي ەنەرگيا ساۋدا ىستەرى تالقى مىنبەرى رەسەيدىڭ ۆلاديۆوستوگىندە وتكىزىلدى. مەملەكەت ءتوراعاسى شي جينپيڭ تالقى مىنبەرىنە قۇتتىقتاۋ حاتىن جولدادى.

شي جينپيڭ بىلاي دەپ اتاپ كورسەتتى: بيىل − جۇڭگو مەن رەسەي ستراتەگيالىق ىستەستىك سەرىكتەستىك قاتىناس ورناتقاندىعىنىڭ 30 جىلدىعى جانە «جۇڭگو − رەسەي تاتۋ كورشىلىك، دوستىق سەلبەستىك شارتىنا» قول قويىلعاندىعىنىڭ 25 جىلدىعى. حالىقارالىق جاعدايدىڭ كۇردەلى وزگەرىسىندە، جۇڭگو مەن رەسەيدىڭ جاڭا داۋىردەگى جاپپاي ستراتەگيالىق ىستەستىك سەرىكتەستىك قاتىناسى جوعارى دەڭگەيدە دامىپ، جۇڭگو مەن رەسەيدىڭ ەنەرگيا سەلبەستىگىنىڭ تابىسى مول بولىپ، ەكى ەلدىڭ بىرگە دامۋىن پارمەندى جەبەپ، ەكى جاقتىڭ ءوزارا پايدا جەتكىزۋ سەلبەستىگىنىڭ ۇلگىسىنە اينالدى.

شي جينپيڭ بىلاي دەپ باسا دارىپتەدى: كەزەكتە حالىقارالىق ەنەرگيا جۇيەسى تەرەڭ رەتتەلۋدە، وراي مەن سىن - سايىس ءوزارا قاباتتاسۋدا. جۇڭگو رەسەيمەن بىرگە ەنەرگيا سەلبەستىگىن ۇزدىكسىز تەرەڭدەتىپ، ەنەرگيا كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن، ىركىلىسسىزدىگىن بىرگە قورعاۋدى قالايدى.

سول كۇنى رەسەي فەدەراتسياسىنىڭ زۇڭتۇڭى پۋتين دە 8 - كەزەكتى جۇڭگو − رەسەي ەنەرگيا ساۋدا ىستەرى تالقى مىنبەرىنە قۇتتىقتاۋ حاتىن جولدادى.