جۇڭگو ـ قازاقستان شەكارا اتتاعان ەلەكتروندى ساۋدا شەكارا قامباسى مەجەمەن 10 - ايدىڭ سوڭىندا سالىنىپ بولادى

شينجياڭ گازەتىنىڭ حابارىنا نەگىزدەلگەندە، تاياۋدا شينجياڭنىڭ تارباعاتاي ءتۇيىندى اشۋ، ەسىك اشۋ سىناق رايونىنىڭ الدىمەن دامۋ رايونىنا ورنالاسقان جۇڭگو ـ قازاقستان شەكارا اتتاعان ەلەكتروندىق ساۋدا جالپىلىق قىزمەت وتەۋ بازاسى بولعان يمپورت ـ ەكسپورت تاۋارلارى شەكارا قامباسى قۇرىلىس نىسانىنىڭ 2 ـ مەرزىمدىك قۇرىلىس ورنىندا قورىلىس ماشينالارىنىڭ داۋىسى گۇرىلدەپ، قۇرىلىس جۇرگىزۋشىلەر قۇرىلىس مەرزىمىن مىقتى يگەرىپ جۇمىس جۇرگىزۋدە، جالپى تۇلعالىق ينجەنەريانى 10 ـ ايدىڭ سوڭىندا جوعارى ساپامەن اياقتاۋدى جوسپارلاپ وتىر.

بۇل نىساندى تارباعاتاي ايماقتىق قاتىناس قۇرىلىسىنا قارجى قوسۋ شەكتى جاۋاپكەرشىلىك سەرىكتەستىگى مەن جۇڭگو تەمىر جول 1 ـ مەكەمەسى توبى شەكتى سەرىكتەستىگى بىرلەسىپ سالعان، جالپى 26 ميلليون 500 مىڭ يۋان قارجى قوسىلعان، يەلەگەن جەر اۋماعى 40 مۋ، باستىسى، ەكى شەكارا قامباسى مەن سايكەستى قوسالقى قۇرىلعىلاردى سالىپ، سۋمەن قامداۋ، سۋ ىعىستىرۋ، ءورت ءوشىرۋ، جىلۋمەن قامداۋ، اۋا الماستىرۋ، ەلەكتر ورناتۋ قاتارلى جۇيەلەردى بىرگە سالعان، سايكەستى جول جانە اۆتوكولىك توقتاتۋ الاڭىنىڭ اۋدانى 8553.22 شارشى مەتر. سالىنىپ بولعاننان كەيىن، يقۋاتى كەمەلدى، قۇرىلعىلارى تولىق شەكارا اتتاعان قامبادا ساقتاۋ، زات اينالىمى جۇيەسى قالىپتاسادى.

كەلۋ قاينارى: حالىق تورابى