اۋىل شارۋاشىلىق زاڭىنا وزگەرىس ەنگىزۋ ورىندالدى

14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 24 – ءماجىلىسى 8 – ايدىڭ 28 – كۇنى جاڭادان وزگەرىس ەنگىزىلگەن اۋىل شارۋاشىلىق زاڭىن داۋىسقا سالىپ ماقۇلدادى، 2027 – جىلى 1 – ايدىڭ 1 - كۇنىنەن باستاپ اتقارىلادى.

جاڭادان وزگەرىس ەنگىزىلگەن اۋىل شارۋاشىلىق زاڭى جالپى ەرەجە، اۋىل شارۋاشىلىق ءوندىرىس – تيجارات ءتۇزىلىسى، اۋىل شارۋاشىلىق ءوندىرىسى، اۋىل شارۋاشىلىق ونىمدەرىن اينالىمعا سالۋ جانە مانەرلەۋ، استىق حاۋىپسىزدىگى، اۋىل شارۋاشىلىعىنا قوسىلىم جانە ونى قولداۋ، قورعاۋ، اۋىل شارۋاشىلىق عىلىم - تەحنيكاسى، وقۋ - اعارتۋى جانە دارىندىلار، جەر قاتارلى اۋىل شارۋاشىلىق بايلىعىن قورعاۋ، اۋىل شارۋاشىلىعىنىڭ جاسىل دامۋى، ديقانداردىڭ ۇقىق - مۇددەسىن قورعاۋ، اۋىل - قىستاق ەكونوميكاسىنىڭ دامۋى، باقىلاۋ - تەكسەرۋ، زاڭدىق جاۋاپكەرشىلىك، قوسىمشا ەرەجە قاتارلىلاردى قامتيدى.

زاڭدا بىلاي دەپ بەلگىلەنگەن: اۋىل شارۋاشىلىعى مەن اۋىل-قىستاق ەكونوميكاسىن دامىتۋدىڭ نەگىزگى نىساناسى: سوتسياليستىك بازار ەكونوميكاسىن دامىتۋدىڭ تالابىنا ۇيلەسەتىن اۋىل-قىستاق ەكونوميكالىق ءتۇزىلىسىن كەمەلدەندىرىپ، اۋىل-قىستاق وندىرگىش كۇشتەرىن ۇزدىكسىز ازات ەتىپ جانە دامىتىپ، اۋىل شارۋاشىلىعىنىڭ جالپىلىق ءوندىرىس قۋاتى مەن ساپا ونىمدىلىگىن جوعارىلاتىپ، استىق قاتارلى ماڭىزدى اۋىل شارۋاشىلىق ونىمدەرىمەن ورنىقتى، حاۋىپسىز قامداۋدى قامتاماسىزداندىرىپ، حالىق شارۋاشىلىعىنىڭ دامۋى مەن حالىقتىڭ تاماشا تۇرمىس قاجەتىن قاناعاتتاندىرۋ، شارۋالاردىڭ كىرىسى مەن تۇرمىس ورەسىن جوعارىلاتىپ، اۋىل - قىستاق ەڭبەككۇشتەرىنىڭ كوپ ارنامەن كاسىپتەنۋىن جەبەپ، قونىستانۋعا، كاسىپكە قولايلى جانە كورىكتى اۋىل - قىستاق قۇرىلىسىن ىلگەرىلەتىپ، قالا مەن اۋىلدىڭ پارقى مەن وڭىرلىك پارقىن ازايتىپ، قالا مەن اۋىلدىڭ توعىسپالى دامۋىن جەبەپ، اۋىل شارۋاشىلىعىن، اۋىل - قىستاقتى وسىزامانداندىرۋدى بىرتىندەپ جۇزەگە اسىرۋ كەرەك.

كەلۋ قاينارى: حالىق تورابى