”پاكتەندىرۋ . ينتەرنەتتەگى كوڭىل اشۋ سالاسىنداعى توپتىق تاراتىلىمداعى بىلىققان جاعدايدى جونگە سالۋ“ ارناۋلى ارەكەتى ناتيجەگە قول جەتكىزدى 

حالىق گازەتىنىڭ ءتىلشىسى جين شين 8 – ايدىڭ 24 – كۇنى بەيجيڭنەن حابارلايدى. ءتىلشىنىڭ 8 – ايدىڭ 24 – كۇنى ورتالىق ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسىنەن ۇعىسۋىنشا، ”پاكتەندىرۋ . ينتەرنەتتەگى كوڭىل اشۋ سالاسىنداعى توپتىق تاراتىلىمداعى بىلىققان جاعدايدى جونگە سالۋ“ ارناۋلى ارەكەتى ورىستەتىلگەننەن بەرى، ورتالىق ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسى كوڭىل اشۋ سالاسىنداعى توپتىق تاراتىلىمدارداعى مازمۇننىڭ انايى بولۋى، ناشار بولۋى، ەرەجە جوباسى ارقىلى تارتۋ سيلاۋعا شىرعالاۋ، ازامات جاسىنا تولماعانداردىڭ ۇقىق – مۇددەسىنە زالال جەتكىزۋ قاتارلى كورنەكتى ماسەلەلەرگە نازاردى شوعىرلاندىرىپ، زاڭعا، ەرەجەگە قايشى كوڭىل اشۋ توپتىق تاراتىلىمدارىنا سوققى بەرۋ تەبىنىن ۇزدىكسىز ارتتىرعان، قازىرگە دەيىن ەرەجەگە قايشى كەلگەن 7200 دەن استام توپتىق تاراتىلىم بولمەسىن ءبىر جاقتى ەتىپ، ەرەجەگە قايشى 2200 دەن استام تىركەلگىنى قاتاڭ جازالاعان، سونىمەن بىرگە ينتەرنەت تەكشەلەرىنە جەتەكشىلىك ەتىپ، ماسەلەسى اۋىر ءبىر توپ توپتىق تاراتىلىم MCN (ينتەرنەت ينفورماتسياسى مازمۇنىنىڭ كوپ ارنالى تاراتىلىم قىزمەتى) قۇرىلىمدارىن جابۋعا جانە ءبىر جاقتى ەتۋگە قۋزاعان.

ارناۋلى ارەكەت مەزگىلىندە، ورتالىق ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسى توپتىق تاراتىلىمدى تەكسەرۋ مەحانيزمىن ەگجەي – تەگجەيلى كەمەلدەندىرۋگە، تىزىمدىك رەتى مەن فۋنكتسيالىق تاسىلدەرىن ساپالىلاندىرۋعا، توپتىق تاراتىلىم تىركەلگىسى مەن توپتىق تاراتىلىم قۇرىلىمدارىن باسقارۋدى كۇشەيتۋگە كۇش سالىپ، ينتەرنەت تەكشەلەرىنىڭ نەگىزگى تۇلعالىق جاۋاپكەرشىلىگىن بەلسەندىلىكپەن ارقالاۋىنا، كوڭىل اشۋ توپتىق تاراتىلىمدارىن ارنايى جونگە سالۋدى كۇشەيتۋىنە جەتەكشىلىك ەتكەن جانە قۋزاۋ سالعان. جونگە سالۋ ارقىلى، كوڭىل اشۋ توپتىق تاراتىلىمدارىنداعى انايى مازمۇندار زور مولشەردە ازايعان، تارتۋ سيلاۋعا شىرعالاۋ سياقتى ەرەجەگە قايشى ارەكەتتەر ءونىمدى تۇردە تەجەلگەن، توپتىق تاراتىلىم ەكولوگياسى ايتارلىقتاي جاقسارعان.

كەلەسى قادامدا، ورتالىق ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسى ۇزدىكسىز تۇردە جوعارى قىسىممەن قاتاڭ باسقارۋ كۇيىن ساقتاپ، كوڭىل اشۋ توپتىق تاراتىلىمدارىنداعى ەرەجەگە قايشى تىركەلگىلەر مەن قۇرىلىمداردى تەكسەرىپ ءبىر جاقتى ەتۋ تەبىنىن ارتتىرادى، ينتەرنەت تەكشەلەرىنە جەتەكشىلىك ەتىپ جانە قۋزاۋ سالىپ، كوڭىل اشۋ توپتىق تاراتىلىمدارىن باسقارۋ مەحانيزمىن كەمەلدەندىرىپ، تەحنيكالىق جونگە سالۋ قابىلەتىن جوعارىلاتىپ، فۋنكتسيالىق تاسىلدەردى ۇزدىكسىز ساپالىلاندىرىپ، كوڭىل اشۋ سالاسىندا اقاۋسىز، ءتارتىپتى، ستيلى دۇرىس توپتىق تاراتىلىم ەكولوگياسىن قالىپتاستىرۋدى ىلگەرىلەتەدى.

كەلۋ قاينارى: حالىق تورابى