ورتالىق 360 ميلليون يۋان قارجى قوسىپ شينجياڭنىڭ اۋىل ـ قىستاق نەگىزگى قۇرىلىسىنداعى ولقىلىقتاردى تولىقتاۋىنا دەم بەردى

تاياۋدا، شينجياڭ ۇيعۇر اۆتونوميالى رايوندىق دامۋ جانە رەفورما كوميتەتى ورتالىقتىڭ مەجە ەسەبىنەن 360 ميلليون يۋان قارجى قوسۋدى تياناقتاندىردى، موڭعۇلكۇرە اۋدانى، سانجى قالاسى، توقسۇن اۋدانى، بۇگۇر اۋدانى، قاشقار قالاسى، ياركەن اۋدانى قاتارلى جەرلەردىڭ اۋىل ـ قىستاق نەگىزدىك قۇرىلعى قۇرىلىسى نىساندارىن اتقارۋىن قولداپ، جەرگىلىكتى ورىننىڭ دامۋىنداعى ولقىلىقتاردى تولىقتاپ، ءار ۇلت بۇقاراسىنىڭ ءوندىرىس، تۇرمىس شارت ـ جاعدايىن جاقسارتادى.

2026 ـ جىل — ”15 – بەسجىلدىق“ جوبانىڭ باستالعان جىلى. پارتيا ورتالىق كوميتەتى، مەملەكەتتىك كەڭەس اۋىل شارۋاشىلىعىنىڭ، اۋىل - قىستاقتىڭ دامۋىنا ايرىقشا ءمان بەردى، بيىل جىل باسىندا جاريالانعان ورتالىقتىڭ 1 – ءنومىرلى قۇجاتىندا ”اۋىل - قىستاق نەگىزدىك قۇرىلعى قۇرىلىسىن جانە باسقارۋ - قورعاۋدى كۇشەيتۋ“ ايقىن ورتاعا قويىلىپ، ”اۋىل - قىستاق نەگىزدىك قۇرىلعىلارىنىڭ كەمەلدىلىگىن، الەۋمەتتىك قىزمەت وتەۋدىڭ قولايلىلىعىن، قونىس ورتاسىنىڭ جايلىلىعىن بىرتىندەپ جوعارىلاتۋ“ تالاپ ەتىلدى. وسى رەت شينجياڭنىڭ 360 ميلليون يۋان قولداۋعا يە بولۋى مەملەكەتتىڭ اۋىل ـ قىستاق قۇرىلىسىن قارجىمەن قامتاماسىز ەتۋدى ۇزدىكسىز كۇشەيتىپ، اۋىل ـ قىستاقتى جاپپاي گۇلدەندىرۋدى تىڭعىلىقتى ىلگەرىلەتۋىنىڭ ناقتى بەينەسى.

وسى رەت قولداۋعا يە بولعان 6 اۋدان، قالا ىلە قازاق اۆتونوميالى وبلىسىن، سانجى حۇيزۋ اۆتونوميالى وبلىسىن، تۇرپان قالاسىن، بايىنعولىن موڭعۇل اۆتونوميالى وبلىسىن جانە قاشقار ايماعىن قامتىدى، نىسان اۋىل ـ قىستاق جولى، سۋمەن قامداۋ، سۋ ىعىستىرۋ قۇبىر تورابى، قونىس ورتاسىن وڭاۋ قاتارلى نەگىزدىك قۇرىلعىلارداعى ولقىلىقتاردى ءتۇيىندى تۇردە ارقاۋ ەتىپ، دالمە – ءدال كۇش سالادى.

ۇعىسۋعا قاراعاندا، شينجياڭ قونىستانۋعا، كاسىپكە قولايلى جانە كورىكتى اۋىل ـ قىستاق قۇرىلىسىن ۇزدىكسىز ىلگەرىلەتكەن، قازىرگە دەيىن كورىكتى، قونىستانۋعا قولايلى 870 قىستاق قۇرىپ، بۇكىل شينجياڭ بويىنشا اۋىل ـ قىستاقتاردا وسى زامانعى تۇرمىس شارت ـ جاعدايىن نەگىزىنەن ازىرلەۋ نىساناسىن الدىمەن جۇزەگە اسىرعان. كورىكتى دە جانعا جايلى قىستاق دارەتحانالارىنىڭ جالپىلاسۋ مولشەرى مەن تۇرمىستىق لاس سۋدى وڭاۋ مولشەرى %90 تەن اسىپ، قىستاقتىڭ ورتاشا كوللەكتيۆ كىرىسى ءبىر ميلليون 300 مىڭ يۋاننان، اۋىل - قىستاق تۇرعىندارىنىڭ جان باسىندىق قولداعى كىرىسى 27 مىڭ يۋاننان اسقان.

كەلۋ قاينارى: حالىق تورابى