جۇڭگو مەن تايلاند ساقشى جاقتارى بىرلەسىپ كرەديت كارتۋچكاسىن شەكارا اتتاپ ۇرلاپ پايدالانۋ دەلوسىن انىقتاعان 

ءتىلشىنىڭ 8 – ايدىڭ 13 – كۇنى بەيجيڭنەن بەرگەن حابارى (ءتىلشى جاڭ تيانپەي). ءتىلشىنىڭ قوعام حاۋىپسىزدىگى مينيسترلىگىنەن ۇعىسۋىنشا، جۋىردا قوعام حاۋىپسىزدىگى مينيسترلىگى تايلاند پاتشالىق ساقشى باس مەكەمەسىمەن تىعىز سايكەسىپ، كرەديت كارتۋچكاسىن شەكارا اتتاپ ۇرلاپ پايدالانۋعا ساياتىن ارناۋلى تۇردە جۇڭگو ازاماتتارىنا باعىتتالعان ءبىر دەلو جونىندە ءبىر ۋاقىتتا تور جيناۋ ارەكەتىن ورىستەتىپ، قىلمىستىق توپتاردىڭ بىرنەشە اپانىن تالقانداعان، جۇڭگو ازاماتتىعىنداعى قىلمىس كۇماندىلارىنان 4 ادامدى، تايلاند ازاماتتىعىنداعى قىلمىس كۇماندىلارىنان 5 ادامدى ءبىر ۋاقىتتا قولعا تۇسىرگەن.

2025 - جىلى قوعام حاۋىپسىزدىگى مينيسترلىگى ەكونوميكالىق جاقتاعى قىلمىستارعا بارلاۋ جۇرگىزۋ مەكەمەسى شاڭحاي قوعام حاۋىپسىزدىگى مەكەمەسى ەكونوميكالىق جاقتاعى قىلمىستارعا بارلاۋ جۇرگىزۋ تاراۋلارىنا جەتەكشىلىك ەتىپ، ەلىمىزدىڭ ازاماتتارىنا باعىتتالعان كرەديت كارتۋچكاسىن ۇرلاپ پايدالانۋعا ساياتىن شەكارا اتتاعان ءبىر قىلمىستىق توپتىڭ بارلىعىن بايقاپ، تەكسەرۋ جۇرگىزىپ، تۇجىرىمداپ، دەلو جاعدايى مەن تەكسەرۋگە سايكەسۋ تالابىن تايلاند ساقشى جاعىنا دەر كەزىندە حابارلاپ، زاڭ اتقارۋ جاعىندا حالىقارالىق سەلبەستىك ورىستەتكەن.

كەلۋ قاينارى: حالىق تورابى