شاڭحاي ساقشى جاعى فينانس سالاسىنداعى قۇقاي كورسەتىپ تارتىپ الۋعا قاتىستى دەلونى انىقتادى 

حالىق گازەتىنىڭ 8 – ايدىڭ 9 – كۇنى شاڭحايدان بەرگەن حابارى (ءتىلشى چۇي يين). جۋىردا، شاڭحاي ساقشى جاعى بوتەن نيەتپەن شاعىم ايتۋدى جەلەۋ ەتىپ قىسپاققا الىپ، وسى ارقىلى قۇندى قاعازعا قارجى قوسۋ جونىندە كەڭەس بەرەتىن قۇرىلىمىنان قاراجاتتى قۇقاي كورسەتىپ تارتىپ العان قىلمىستىق توپتى تالقانداپ، العاشقى قادامدا اتالعان توپتىڭ ءۇش ميلليون يۋاننان استام قاراجاتتى زاڭسىز قولعا كەلتىرگەنىن انىقتاعان.

بيىل 5 – ايدان بەرى، شاڭحاي ليدوشيڭ قۇندى قاعاز جونىندە كەڭەس بەرۋ شەكتى سەرىكتەستىگى مىڭنان استام ادام شوعىرلى تۇردە جولداعان اقشاسىن قايتارىپ الۋ جونىندەگى شاعىمدى تاپسىرىپ العان، شاعىم مازمۇنى، تالاپ ەتكەن اقشا سوماسى، جازىلۋ ەمەۋىرىنى جاقتارىنان ءبىر – بىرىمەن بارىنشا ۇقساس بولعان. كوپ مولشەردەگى بوتەن نيەتتەگى شاعىمداردى ءۇرتىس تاپسىرىپ الۋى كاسىپورىننىڭ بەدەلىنە اۋىر دارەجەدە نۇقسان جەتكىزىپ، ءتيىستى تيجارت ءتارتىبىن بۇزعاندىقتان، كاسىپورىن ساقشىعا مالىمدەپ كومەك سۇراعان. مالىمدەۋدى تاپسىرىپ العاننان كەيىن، شاڭحاي قالالىق قوعام حاۋىپسىزدىگى مەكەمەسى قىلمىستىق ىستەر بارلاۋ باس اترەتى جياديڭ ساقشى جاعىمەن بىرگە ارناۋلى دەلو گرۋپپاسىن قۇرىپ تەكسەرۋ جۇرگىزگەن، كوپ مولشەردەگى ينفورماتسيالارعا ىشكەرىلەي تالداۋ جاساپ، دەلوعا قاتىستى ءبىر سەرىكتەستىكتى تەز ارادا تۇراقتاندىرعان. اتالعان سەرىكتەستىك سىرت كوزگە زاڭدىق كەڭەس بەرۋ، قۇندى قاعازعا قارجى قوسۋ جونىندە كەڭەس بەرۋ قۇرىلىمى بولىپ كورىنگەنىمەن، ءىس جۇزىندە، ازاماتتاردىڭ جەكەلىك ينفورماتسياسىنا زاڭسىز قول جەتكىزۋ، شاعىم ايتۋعا ۇيىمداستىرۋ جانە وسى جاعىندا ۋاكىلدىك قىزمەت وتەۋ، قايتارىلعان اقشادان سىرىڭكەلىك الۋ سىندى تاسىلدەردى قولدانىپ، قۇقاي كورسەتىپ قورقىتىپ الۋ قىلمىسىن وتكىزگەن. قىلمىس كۇماندىلارىنان 21 ادام تۇتقىندالىپ، دەلو ءالى ىشكەرىلەي تەكسەرىلۋدە.

كەلۋ قاينارى: حالىق تورابى