قوعام حاۋىپسىزدىگى مينيسترلىگى ينتەرنەت حاۋىپسىزدىگى مەڭگەرمەسى تاسقىنعا، اپاتقا قاتىستى ينتەرنەتتەگى وسەك – اياڭدارعا ساياتىن دەلولاردان تاعى دا 15 دەلونى جاريالادى 

شينحۋا اگەنتتىگىنىڭ 8 - ايدىڭ 10 - كۇنى بەيجيڭنەن بەرگەن حابارى (ءتىلشى لي ميڭحۇي). قوعام حاۋىپسىزدىگى مينيسترلىگى ينتەرنەت حاۋىپسىزدىگى مەڭگەرمەسى الدىڭعى كەزەڭدە تاسقىنعا، اپاتقا قاتىستى ينتەرنەتتەگى وسەك – اياڭدارعا ساياتىن تيپتىك دەلولاردى 2 رەت شوعىرلى تۇردە جاريالاۋ نەگىزىندە، 8 - ايدىڭ 10 - كۇنى تاعى دا وسىعان قاتىستى 15 دەلونى جاريالادى.

وسى رەت جاريالانعان دەلولار گۋاڭدۇڭ، انحۇي، گانسۋ قاتارلى جەرلەرگە سايادى، ءىشىنارا توراپتاستار جۇرت نازارىن اۋدارۋ، جانكۇيەر توپتاۋ، كورىلىم جيناۋ ءۇشىن، ءالى دە تاسقىنعا، اپاتقا قاتىستى جالعان مازمۇنداردى قاساقانا قۇراستىرۋدا، ءتىپتى كەيبىرەۋلەرى AI قۇرالىنان پايدالانىپ جەرگىلىكتى ۇكىمەت ورىندارى جاريالاعان حاۋىپسىزدىككە قاتىستى ۇقتىرۋلاردى وزگەرتىپ، تاسقىنعا قارسى اتتانۋ، اپاتتان قۇتقارۋ قىزمەتىنە اۋىر دارەجەدە كەدەرگىلىك جاساپ، ناشار ىقپال تۋدىرعان. قوعام حاۋىپسىزدىگى ورگاندارىنىڭ ينتەرنەت حاۋىپسىزدىگى تاراۋلارى دەرەۋ ارەكەتتەنىپ، قاتاڭ سوققى بەردى. قازىر بارلىق دەلولارعا قاتىستى جەرگىلىكتى ورىنداعى قوعام حاۋىپسىزدىگى ورگاندارى قاتىستى ادامدارعا زاڭ بويىنشا اكىمشىلىك جاقتان جازالاۋ شارالارىن قولداندى.

قوعام حاۋىپسىزدىگى مينيسترلىگى ينتەرنەت حاۋىپسىزدىگى مەڭگەرمەسى تاسقىنعا، اپاتقا قاتىستى ينتەرنەتتە وسەك – اياڭ تاراتۋ سىندى زاڭعا قايشى قىلمىستىق ارەكەتتەرگە ۇزدىكسىز قاتاڭ سوققى بەرەتىندىگىن ءبىلدىردى، سونىمەن بىرگە جۇرتشىلىققا مىنانى ەسكەرتتى: اماندىق باسقارۋعا قايشىلىق جاساعانداردى جازالاۋ زاڭىنداعى بەلگىلەمەلەرگە ساي، قاساقانا وسەك – اياڭ تاراتقاندارعا، حاۋىپتى جاعداي، ىندەت جاعدايى، اپات جاعدايى، ساقتانۋعا ءتيىستى جاعدايلار تۋرالى جالعان مالىمەت بەرگەندەرگە نەمەسە باسقا تاسىلدەر ارقىلى الەۋمەتتىك ءتارتىپتى قاساقانا بۇلدىرگەندەرگە 10 كۇننەن تومەن قاماۋ جازاسى بەرىلەدى، سونىمەن قوسا اقشالاي ايىپ سالۋعا بولادى؛ اۋىر زارداپ تۋدىرعانداردىڭ جالعان اقپارات قۇراستىرۋ، جالعان اقپاراتتى قاساقانا تاراتۋ قىلمىسى بويىنشا قىلمىستىق جاۋاپكەرشىلىگى قۋزاستىرىلادى.

كەلۋ قاينارى: حالىق تورابى