جاعدايدى شىنايى اشكەرەلەگەندىكتەن 300 مىڭ يۋان سيلىق بەرىلدى

جۋىردا نيڭشيا حۇيزۋ اۆتونوميالى رايوندىق شۇعىل جاعدايلارعا توتەپ بەرۋدى باسقارۋ مەڭگەرمەسى كومىر كەنىندەگى ءىرى كومەسكى قاتەردى اشكەرەلەگەن ءبىر ادامعا 300 مىڭ يۋان سيلىق بەردى. بۇل سيلىق نيڭشيا حۇيزۋ اۆتونوميالى رايوندىق شۇعىل جاعدايلارعا توتەپ بەرۋدى باسقارۋ مەڭگەرمەسى قۇرىلعاننان بەرى ءوندىرىس حاۋىپسىزدىگىنە قاتىستى ءىستى اشكەرەلەۋشىگە ءبىر رەتتە بەرىلگەن مولشەرى ەڭ كوپ سيلىق بولدى.

وسىنىڭ الدىندا، نيڭشيا حۇيزۋ اۆتونوميالى رايوندىق شۇعىل جاعدايلارعا توتەپ بەرۋدى باسقارۋ مەڭگەرمەسى بۇقارا اشكەرەلەگەن دەرەكتى قابىلداعان، اشكەرەلەۋگە قاراعاندا، اۆتونوميالى رايونداعى ءمالىم كومىر كەنىندە شاحتاعا بەلگىلەنگەن ادام سانىنان ارتىق ادامدى ءتۇسىرىپ وندىرىسكە ۇيىمداستىرعان زاڭعا قايشى ارەكەتتەرى بار ەكەندىگى ايتىلعان. زاڭ اتقارۋشى قىزمەتكەرلەر سول جەرگە بارىپ تەكسەرۋ جۇرگىزۋ ارقىلى اشكەرەلەنگەن مازمۇننىڭ شىن ەكەنىن تۇراقتاندىرعان.

شۇعىل جاعدايلارعا توتەپ بەرۋدى باسقارۋ مەڭگەرمەسى زاڭ بويىنشا اتالعان كومىر كەنىنە 2 ميلليون يۋان اقشالاي ايىپ سالۋ، ءوندىرىستى توقتاتىپ وڭالتۋعا بۇيىرۋ، ءوندىرىس حاۋىپسىزدىگى رۇقسات كۋالىگىن ۋاقىتشا ۇستاپ قالۋ سىندى اكىمشىلىك جازا قولدانعان، سونىمەن بىرگە كومىر كەنىنىڭ نەگىزگى جاۋاپتىسىنا 150 مىڭ يۋان اقشالاي ايىپ سالعان.

ءوندىرىس حاۋىپسىزدىگىنە ساياتىن قاتەرلەردى اشكەرەلەۋشىلەرگە سيلىق بەرۋ جونىندەگى قاتىستى بەلگىلەمەلەرگە ساي، نيڭشيا حۇيزۋ اۆتونوميالى رايوندىق شۇعىل جاعدايلارعا توتەپ بەرۋدى باسقارۋ مەڭگەرمەسى اشكەرەلەۋشىگە 300 مىڭ يۋان سيلىق بەرگەن.

ۇعىسۋعا قاراعاندا، جىل باسىنان بەرى، نيڭشيا حۇيزۋ اۆتونوميالى رايوندىق شۇعىل جاعدايلارعا توتەپ بەرۋدى باسقارۋ مەڭگەرمەسى ءوندىرىس حاۋىپسىزدىگىنە قاتىستى قاتەرلەردى اشكەرەلەۋشىلەرگە سيلىق بەرۋ شارالارىن ۇزدىكسىز كەمەلدەندىرىپ، ينتەرنەتتەگى جانە ينتەرنەتتەن تىس ءتۇرلى اشكەرەلەۋ ارنالارىن كەڭەيتىپ، كومىر كەنىنىڭ ءبىرىنشى شەبىندەگى قىزمەتكەرلەردى جانە قوعامداعى ءار سالاداعىلاردى كومىر كەنىنىڭ حاۋىپسىزدىگىن باقىلاۋعا بەلسەندى قاتىناسۋعا كەڭ كولەمدە ۇيىمداستىرعان. قازىرگە دەيىن، بۇكىل رايونداعى ءار دارەجەلى شۇعىل جاعدايلارعا توتەپ بەرۋدى باسقارۋ تاراۋلارى جيىنى 11 دەلونى تەكسەرىپ انىقتاعان، اشكەرەلەۋشىلەرگە سيلىق بەرۋگە جۇمسالعان قاراجات جيىنى 501 مىڭ 800 يۋان بولعان.

2026 -جىلى 5 – ايدا «كومىر كەنىندەگى اۋىر شىرعالاڭ تۋدىرۋ ىقتيمالدىعى بار كومەسكى قاتەرلەردى تۇراقتاندىرۋ ولشەمى» جاريالاندى، وندا كومىر كەنىندەگى اۋىر شىرعالاڭ تۋدىرۋ ىقتيمالدىعى بار كومەسكى قاتەرلەرگە قاتىستى 17 جاقتاعى مازمۇن ايقىندالعان، اتالعان ولشەم 7 – ايدىڭ 1 – كۇنىنەن باستاپ اتقارىلدى.

ءوندىرىس حاۋىپسىزدىگىنە ساياتىن ىستەردە ەشكىمنىڭ دە قول قۋسىرىپ قاراپ تۇرۋىنا بولمايدى. اۋىر شىرعالاڭ تۋدىرۋ ىقتيمالدىعى بار كومەسكى قاتەرلەر مەن ءوندىرىس حاۋىپسىزدىگىنە قاتىستى زاڭعا قايشى ارەكەتتەردى بايقاعاندا، تومەندەگى تاسىلدەر ارقىلى دەر كەزىندە اشكەرەلەۋگە بولادى.

اشكەرەلەۋ ءتاسىلى

ينتەرنەت ارقىلى اشكەرەلەۋ

1 – ءتاسىل

”شۇعىل جاعدايلارعا توتەپ بەرۋدى باسقارۋ مينيسترلىگىنىڭ ءوندىرىس حاۋىپسىزدىگىنە ساياتىن ىستەردى اشكەرەلەۋ“ (应急管理部安全生产举报) اتتى ۋيشين شاعىن باعدارلاماسىنا كىرىپ، 【ءبىر كنوپكا ارقىلى تىركەلۋ】 دەگەن ورىندى باسىپ، قولفون ءنومىرى ارقىلى تىركەلىپ، 【مەن اشكەرەلەيمىن】 دەگەن ورىندى باسىپ، اشكەرەلەۋگە قاتىستى ەسكەرتپەلەردى وقىعان سوڭ ينفورماتسيا تولتىرۋ پاراقشاسىنا كىرىپ، اشكەرەلەيتىن مازمۇندى جازۋعا بولادى، 【جەكەلىك ورتالىق】 دەگەن ورىننان اشكەرەلەۋ ەستەلىگى مەن قابىلداۋ جاعدايىن كورۋگە بولادى.

2 – ءتاسىل

”شۇعىل جاعدايلارعا توتەپ بەرۋدى باسقارۋ مينيسترلىگى“ ۋيشين تەكشەسىنە قوسىلىپ، استىڭعى جاعىنداعى تىزىمدىكتەن 【قىزمەت وتەۋ】 دەگەندى تاڭداپ، 【ءوندىرىس حاۋىپسىزدىگىنە قاتىستى اشكەرەلەۋ】 دەگەن ورىندى تاڭداساڭىز، اشكەرەلەۋ تەكشەسىنە كىرەسىز.

3 – ءتاسىل

شۇعىل جاعدايلارعا توتەپ بەرۋدى باسقارۋ مينيسترلىگىنىڭ ءوندىرىس حاۋىپسىزدىگىنە قاتىستى اشكەرەلەۋ جۇيەسىنە كىرىڭىز.

جالعانىمى:

https://dctjfx.mem.gov.cn/aqscjb%23/#/

تەلەفون ارقىلى اشكەرەلەۋ

بۇكىل ەلىمىز بويىنشا بىرلىككە كەلتىرىلگەن ءوندىرىس حاۋىپسىزدىگىنە قاتىستى اشكەرەلەۋ، ارىز – شاعىم بەرۋ تەلەفونى: 12350

كەلۋ قاينارى: حالىق تورابى