جۇڭگونىڭ جاپونيادا تۇراتىن ەلشىحاناسى جاپونياداعى جۇڭگو ازاماتتارىنا جەر سىلكىنىسى اپاتىنان ساقتانۋعا كوڭىل ءبولۋدى ەسكەرتتى 

شينحۋا اگەنتتىگىنىڭ تىلشىلەرى لي زىيۋە، چىن زى - ان 7 – ايدىڭ 29 – كۇنى توكيودان حابارلايدى. 29 – كۇنى تۇندە، جۇڭگونىڭ جاپونيادا تۇراتىن ەلشىحاناسى ماقالا جاريالاپ، جاپونياداعى جۇڭگو ازاماتتارىنا جەر سىلكىنىسى اپاتىنان ساقتانۋدى ەسكەرتتى.

ەسكەرتۋدە بىلاي دەلىنگەن: 7 – ايدىڭ 28 – كۇنى ساعات 16 دان 27 مينۋت وتكەندە، جاپونيانىڭ كۋماموتو اۋدانىندا 7.1 بال جەر سىلكىنىسى تۋىلىپ، 12 ساعات ىشىندە 148 دەن استام رەت كۇشتى قايتالامالى سىلكىنىس بولىپ، جارالانۋ جانە ءولىم – ءجىتىم جاعدايى اۋىر بولدى. جاپونيا اۋا رايى مەڭگەرمەسى ءبىر اپتا ىشىندە وسىعان ۇقساس دەڭگەيدەگى كۇشتى جەر سىلكىنىسىنەن ساقتانۋعا ۇندەدى.

جۇڭگونىڭ جاپونيادا تۇراتىن ەلشىحاناسى جۇڭگو ازاماتتارىنا ساپارىن ۇيلەسىمدى ورنالاستىرۋدى، اپات تۋىلعان وڭىرلەرىنە بارماۋدى، ءوزىن – ءوزى قورعاۋ تانىمىن شىنايى جوعارىلاتىپ، ءوز حاۋىپسىزدىگىن قورعاۋدى كۇشەيتۋدى، جەر سىلكىنىسى جاعدايىنا، اۋا رايىنا قاتىستى ساقتىق دابىلى مەن اپاتتان ساقتانۋ تۋرالى ينفورماتسيالاردى قاداعالاي باقىلاپ، جەرگىلىكتى ورىنداعى ۇكىمەت تاراۋلارى جاريالاعان الدىن الۋ، حاۋىپسىز ورىنعا كوشىرۋ جونىندەگى بۇيرىقتارعا بويسۇنىپ، قايتالامالى جەر سىلكىنسى جانە ونىڭ سالدارىنان تۋىندايتىن اپاتتاردان ساقتانۋدى ەسكەرتتى. شۇعىل جاعدايعا تاپ بولساڭىز، دەر كەزىندە ساقشىعا مالىمدەڭىز ءارى ەلىمىزدىڭ جاپونيادا تۇراتىن ەلشىحاناسىمەن، كونسۋلحانالارىمەن حابارلاسىپ كومەك سۇراۋىڭىزعا بولادى.

جاپونيا اۋا رايى مەكەمەسىنىڭ باسقا دا دەرەكتەرىنە قاراعاندا، كۋماموتو اۋدانىندا 7 - ايدىڭ 29 – كۇنى تۇندە 5.8 بال جەر سىلكىنىسى تۋىلعان. جاپونيا اۋا رايى مەكەمەسىنىڭ ايتۋىنشا، جەر سىلكىنىسى جەرگىلىكتى ۋاقىت بويىنشا 7 - ايدىڭ 29 – كۇنى ساعات 22 دەن 19 مينۋت وتكەندە (بەيجيڭ ۋاقىتى بويىنشا ساعات 21 دەن 19 مينۋت وتكەندە) تۋىلعان، سىلكىنىس ورتالىعى سولتۇستىك ەندىك 32.4 گرادۋس، شىعىس بويلىق 130.4 گرادۋس ورىندا، سىلكىنىس قاينارى وتە تاياز ورىندا بولعان.

كەلۋ قاينارى: حالىق تورابى