جۇڭگو تەڭىز ساقشىلارى مەڭگەرمەسىنىڭ اقپارات مالىمدەمەشىسى فيليپپيننىڭ ۇكىمەت قىزمەتىندىك كەمەلەرىنىڭ جۇڭگونىڭ حۋاڭيان ارالىنىڭ باسقارۋىنداعى تەڭىز الابىنا باسا كوكتەي كىرگەندىگى جونىندە ءسوز جاريالادى

جۇڭگو تەڭىز ساقشىلارى مەڭگەرمەسىنىڭ اقپارات مالىمدەمەشىسى جياڭ لۋە مىنانى ءبىلدىردى: 7 – ايدىڭ 23 – كۇنى، فيليپپيننىڭ 3012 – ءنومىرلى، 3018 – ءنومىرلى ۇكىمەت قىزمەتىندىك ەكى كەمەسى جۇڭگو جاقتىڭ قايتا – قايتا ءناسيحاتتاۋىنا جانە ەسكەرتۋ بەرۋىنە قاراماستان، جۇڭگونىڭ حۋاڭيان ارالىنىڭ باسقارۋىنداعى تەڭىز الابىنا قاسارىسا باسا كوكتەي كىرگەن. جۇڭگونىڭ تەڭىز ساقشىلارى فيليپپيننىڭ كەمەلەرىن زاڭ بويىنشا وكشەلەي باقىلاپ، سىرتقا قاراي جۇزۋگە ماجبۇرلەۋ، بوگەۋ جانە تەجەۋ قاتارلى قاجەتتى شارالاردى اتقارىپ قۋالاعان، ءىس تۋىلعان جەردە شارالاردى كاسىپتىك تۇرعىدان، جۇيەلى، ۇيلەسىمدى، زاڭدى تۇردە اتقارعان. حۋاڭيان ارالى — ەجەلدەن بەرى جۇڭگونىڭ تەرريتورياسى. ءبىز فيليپپين جاقتى ۇقىققا سۇعاناقتىق جاساۋ، سويقان شىعارۋ ارەكەتىن دەرەۋ توقتاتۋعا قۋزايمىز. جۇڭگو تەڭىز ساقشىلارى زاڭ بويىنشا حۋاڭيان ارالىنا قاراستى تەڭىز الابىندا ۇقىقتى قورعاۋ – زاڭ اتقارۋ ارەكەتىن ۇزدىكسىز ورىستەتىپ، مەملەكەتتىڭ تەرريتوريالىق يەلىك ۇقىعى مەن تەڭىز – مۇحيتتاعى ۇقىق – مۇددەسىن باتىل قورعايدى.

كەلۋ قاينارى: حالىق تورابى