بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.07.22 10:00 كەلۋ قاينارى : حالىق تورابى
جۇڭگو اقپارات تورابىنىڭ 7 - ايدىڭ 20 – كۇنى بەرگەن حابارى. قوعام حاۋىپسىزدىگى مينيسترلىگىنىڭ رەسمي ۋيشين تەكشەسىنەن الىنعان اقپاراتقا قاراعاندا، قوعام حاۋىپسىزدىگى مينيسترلىگىنىڭ ءبىر تۇتاس جوسپارلاپ سايكەستىرۋىندە، 7 - ايدىڭ 20 - كۇنى ساعات 17 مولشەرىندە حالىقتىق اۆياتسيا جولاۋشىلار ۇشاعىنىڭ بەيجيڭ استانا حالىقارالىق اۋەجايىنا قونۋىمەن، شەكارا سىرتىندا جۇڭگو ازاماتتارىن بارىمتالاۋ جانە ءولتىرۋ قىلمىسىن وتكىزگەن باستى قىلمىس كۇماندىسى ليۋ Xۋىن جۇڭگو ساقشىلارىنا وتكىزىلىپ بەرىلگەن.
2024 - جىلى 6 - ايدا شيا XX قاتارلى جۇڭگو ازاماتتارى الدامشىلىققا ۇشىراپ فيليپپينگە اپارىلعان، ونان سوڭ قىلمىستىق توپتىڭ بارىمتالاۋىنا ۇشىراپ ولتىرىلگەن. تەكسەرۋ ارقىلى ليۋ Xۋىننىڭ قىلمىس وتكىزۋ ىقتيمالدىعى ەرەكشە زور ەكەندىگى ءارى ا ق ش - نا قاشىپ كەتكەندىگى انىقتالعان. قوعام حاۋىپسىزدىگى مينيسترلىگى بۇعان ايرىقشا ءمان بەرىپ، ا ق ش، فيليپپين، كورەيا قاتارلى ەلدەردىڭ زاڭ اتقارۋ تاراۋلارىمەن زاڭ اتقارۋ جاعىندا تىعىز سەلبەستىك ورىستەتىپ، دەلونى تەكسەرۋ قىزمەتىن كۇش سالا ورىستەتكەن. سونىمەن بىرگە، دەلونى شەشۋدەن قامال الۋعا الىمدى كۇشتەردى ارنايى ۇيىمداستىرىپ، حالىقارالىق قىلمىستىق ىستەر ساقشى ۇيىمى ارقىلى قىزىل ءتۇستى حابارلاندىرۋ شىعارىپ، ا ق ش- نىڭ زاڭ اتقارۋ تاراۋلارىمەن كوپ رەت دەلو جونىندە اۋىس – كۇيىس جاساعان ءارى دالەل – ىسپاتتاردى ورتاقتاسقان، ا ق ش جاقتىڭ ليۋ Xۋىندى تۇتقىنداۋ جانە قايتارىپ بەرۋ قىزمەتىن بار كۇشپەن ورىستەتۋىن كۇش سالا ىلگەرىلەتكەن. ا ق ش جاق ەلىمىز جاق بەرگەن دەرەكتەر مەن دالەل – ىسپاتتارعا نەگىزدەلە وتىرىپ، 2024 - جىلى 10 - ايدا ونى ءساتتى تۇردە قولعا ءتۇسىرىپ، بۇگىن ەلىمىزگە قايتارىپ بەرگەن.
كەلۋ قاينارى: حالىق تورابى
