جۇڭگو مەن فيليپپيننىڭ زاڭ اتقارۋ تاراۋلارى قۇمار ويناۋعا، الدامكوستىككە قاتىستى قىلمىس كۇماندىسىن وتكىزىپ بەرۋ جاعىندا سەلبەستىك ورىستەتتى

جۇڭگو اقپارات تورابىنىڭ 7 – ايدىڭ 15 – كۇنى بەرگەن حابارى. جۇڭگونىڭ فيليپپيندە تۇراتىن ەلشىحاناسىنىڭ ۋيشين تەكشەسىنىڭ حابارلاۋىنشا، جۋىردا جۇڭگو مەن فيليپپين ەكى ەلدىڭ زاڭ اتقارۋ تاراۋلارى سەلبەسىپ، شەكارا اتتاپ قۇمار ويناۋعا، تەلەكوم ارقىلى الدامكوستىك ىستەۋگە ۇيىمداستىرىپ قاشىپ جۇرگەن قىلمىس كۇماندىسى لين X تى تۇتقىنداعان ءارى ەلىمىزگە وتكىزىپ بەرگەن. لين X قاراستى شەكارا اتتاعان قۇمار ويناۋ، الدامكوستىك ىستەۋ قىلمىستىق توبى فيليپپين، كامبودجا قاتارلى جەرلەردە ينتەرنەت ارقىلى قۇمار ويناۋ جانە تەلەكوم ارقىلى الدامكوستىك ىستەۋ اپاندارىن قۇرىپ، قۇمار ويناۋ تورابى جانە شارۋ مازمۇندارمەن ەلىكتىرەتىن APP ارقىلى شەكارا اتتاپ قۇمار ويناۋ، تەلەكومنان پايدالانىپ الدامكوستىك ىستەۋ سياقتى زاڭعا قايشى قىلمىستىق ارەكەتتەردى ىستەگەن، دەلوعا قاتىستى سوما نەشە ميلليارد يۋاننان اسقان.

جۇڭگو جاق فيليپپين جاقپەن زاڭ اتقارۋ جاعىنداعى سەلبەستىكتى كۇشەيتىپ، شەكارا اتتاعان ءتۇرلى قىلمىستىق ارەكەتتەرگە قاتاڭ سوققى بەرىپ، حالىق جۇرتشىلىعىنىڭ مال – مۇلكىنىڭ حاۋىپسىزدىگىن شىنايى قورعاپ، ەكى ەل ادامدارىنىڭ قالىپتى بارىس – كەلىسىن جالعاستى قامتاماسىزداندىرادى.

كەلۋ قاينارى: حالىق تورابى