تارىم مۇناي الابىنىڭ باتىستىڭ گازىن شىعىسقا جەتكىزۋ نىسانى بويىنشا گازبەن قامداۋى 400 ميلليارد تەكشە مەتردەن استى 

گۋاڭميڭ گازەتىنىڭ تىلشىلەرى جاۋ ميڭحاۋ، حۋاڭ شياۋ - ي، ياۋ كۇن 7 – ايدىڭ 13 – كۇنى ۇرىمجىدەن حابارلايدى. جۇڭگو مۇناي سەرىكتەستىگى تارىم مۇناي الابى 7 - ايدىڭ 13 – كۇنى جاريالاعان حابارعا قاراعاندا، باتىستىڭ گازىن شىعىسقا جەتكىزۋ ينجەنەرياسىنىڭ نەگىزگى گاز قاينارى رەتىندە، اتالعان مۇناي الابىنىڭ باتىستىڭ گازىن شىعىسقا جەتكىزۋ تورابىن گازبەن قامداۋ مولشەرى جيىنى 400 ميلليارد تەكشە مەتردەن اسىپ، 400 ميلليارد 339 ميلليون 940 مىڭ تەكشە مەترگە جەتىپ، تومەنگى اعارداعى 500 ميلليونداي جان سانىنىڭ ءوندىرىس، تۇرمىس بارىسىندا گازدەن پايدالانۋىنا كەپىلدىك ەتۋگە بەرىك نەگىز ازىرلەگەن.

2004 - جىلى باتىستىڭ گازىن شىعىسقا جەتكىزۋ ينجەنەرياسىنىڭ ءبىرىنشى لەنياسى ىسكە قوسىلعاننان بەرى، تارىم مۇناي الابى گازبەن قامداۋدى ءبىر ءسات تە توقتاتپادى، گازبەن قامداۋ ءبىر كۇن دە ۇزىلمەدى، گازبەن قامداۋ مولشەرى قۇبىر تورىنىڭ جالپى گاز جەتكىزۋ مولشەرىنىڭ ۇشتەن ءبىرىن يەلەپ، گازبەن قامداۋ مولشەرى ەڭ ەرتە، ەڭ ورنىقتى، كولەمى ەڭ ۇلكەن سانالاتىن جەرگىلىكتى وزەكتى گاز قاينارى بولىپ تابىلادى. ونىڭ تابيعي گازى لەنيا بويىنداعى 15 ولكە، اۆتونوميالى رايون، قالانى، 120 دان استام ءىرى، ورتاشا قالالاردى قامتيدى، ورتا، شىعىس رايونداردىڭ اتموسفەرا ورتاسىن كورنەكتى جاقسارتتى.

كەلۋ قاينارى: حالىق تورابى