جۇڭگونىڭ كامبودجادا تۇراتىن ەلشىحاناسى كامبودجانىڭ جۇڭگولىق شيپاگەردىڭ زيانكەستىككە ۇشىراۋ دەلوسىن تۇبەگەيلى تەكسەرۋىن ىلگەرىلەتەتتى

شينحۋا اگەنتتىگىنىڭ 7 – ايدىڭ 14 - كۇنى پنومپەننەن بەرگەن حابارى. جۇڭگونىڭ كامبودجادا تۇراتىن باس ەلشىحاناسى 7 – ايدىڭ 14 - كۇنى حابار جاريالاپ بىلاي دەدى: ەلشىحانا كامبودجانىڭ جۇڭگولىق شيپاگەردىڭ زيانكەستىككە ۇشىراۋ دەلوسىن تۇبەگەيلى تەكسەرۋىنە وسكەلەڭ ءمان بەردى، بار كۇشپەن ىلگەرىلەتتى.

حاباردا بىلاي دەلىنگەن: 7 – ايدىڭ 12 – كۇنى جۇڭگولىق ءبىر ايەل شيپاگەر كامبودجانىڭ جينبيان قالاسى لاڭگو رايونىنداعى ءبىر ەمدەۋ ورنىندا قاستاندىققا ۇشىرادى. جۇڭگونىڭ كامبودجادا تۇراتىن ەلشىحاناسى بۇعان ايرىقشا ءمان بەرىپ، كامبودجا ساقشى باس مەكەمەسى مەن جينبيان قالالىق ساقشى مەكەمەسىنە دەرەۋ تىلدەسىپ، جاعدايدى انىقتاپ، كامبودجا جاقتى دەلونىڭ شىن سىرىن تەز ارادا انىقتاپ، قىلمىس كۇماندىسىن بار كۇشپەن تۇتقىنداپ، قاندى قول قىلمىستىلاردى زاڭ بويىنشا قاتاڭ جازالاپ، جۇڭگو ازاماتتارىنىڭ ءومىرى مەن مال ـ مۇلكىنىڭ حاۋىپسىزدىگىن شىنايى قورعاۋعا قۋزادى.

كامبودجادا تۇراتىن ەلشىحانا زيانكەستىككە ۇشىراعان جۇڭگو ازاماتىنىڭ وتباسىنداعىلارمەن بايلانىس جاساپ، شىنايى حال سۇراپ، سوڭعى ىستەردى ويداعىداي ىستەۋگە بار كۇشپەن كومەكتەستى ءارى دەلونىڭ اياق الىسىن قاداعالاي باقىلادى.

جينبيان قالالىق ساقشى مەكەمەسى سول كۇنى كامبودجا ازاماتتىعىنداعى ءبىر ەر قىلمىس كۇماندىسىنىڭ تۇتقىندالعاندىعىن، دەلونى زاڭ بويىنشا ءبىر جاقتى ەتۋدە ەكەندىگىن، شارالار قولدانىپ، جۇڭگو ازاماتتارىنىڭ ءومىرى مەن مال ـ مۇلكىنىڭ حاۋىپسىزدىگىن شىنايى قورعايتىندىعىن ءبىلدىردى.