شينجياڭنىڭ ءىشىنارا جەرلەرىندە جوعارى تەمپەراتۋرا 50 سەلتسي گرادۋستان اسادى

7 – ايدىڭ 13 – كۇنى، ءتىلشىنىڭ شينجياڭ اۋا رايى ستانسياسىنان ۇعىسۋىنشا، وسى اپتادا شينجياڭدا (7 - ايدىڭ 13 - كۇنىنەن 19 - كۇنىنە دەيىن) 2 رەتكى وڭىرلىك جاۋىن - شاشىن بارىسى جانە ءبىر رەتكى ءۇرتىس جوعارى تەمپەراتۋرا بارىسى بولادى. جازىق وڭىرلەردىڭ كوپتەگەن جەرلەرىندە جوعارى تەمپەراتۋرالى اۋا رايى بولادى، تاۋلى وڭىرلەردىڭ ءىشىنارا جەرلەرىندە نوسەر جاۋادى، جوعارى تەمپەراتۋرالى ىستىقتىڭ زيانىنان، كۇشتى كونۆەكسيالىق اۋا رايى مەن قار ەرۋ تيپىندەگى تاسقىن قاتارلى قوسالقى اپاتتاردان ءتۇيىندى ساقتانۋ كەرەك.

الدىن الا مالىمەتتە كورسەتىلۋىنشە، 7 – ايدىڭ 13 - كۇنى كۇندىزدەن 16 - كۇنىنە دەيىن سولتۇستىك شينجياڭنىڭ باتىس سولتۇستىك بولەگى، تيانشان تاۋلى رايونى جانە ەكى ەتەگى، وڭتۇستىك شينجياڭنىڭ باتىس بولەگى، كۇنلۇن تاۋىنىڭ سولتۇستىك بەتكەيى، قۇمىل قالاسىنىڭ سولتۇستىك تاۋلى رايونى قاتارلى جەرلەردە تولاسسىز جاڭبىر جاۋادى، بيىك تاۋلى وڭىرلەردە قار جاۋادى. ىلە اڭعارى، تارباعاتاي ايماعىنىڭ وڭتۇستىگى، سانجى حۇيزۋ اۆتونوميالى وبلىسى، قاشقار ايماعىنىڭ وڭتۇستىگى، قىزىلسۋ قىرعىز اۆتونوميالى وبلىسى، حوتان ايماعىنىڭ وڭتۇستىگى، بايىنعولىن موڭعۇل اۆتونوميالى وبلىسى قاتارلى جەرلەردىڭ تاۋلى وڭىرلەردىڭ ءىشىنارا جەرلەرىندە نوسەر جاۋىپ، كەي جەرلەردە قىسقا ۋاقىت كۇشتى جاۋىن - شاشىن، ناجاعايلى بوران، بۇرشاق سياقتى كۇشتى كونۆەكسيالىق اۋا رايىنىڭ تۋىلۋ مۇمكىندىگى ءبىرشاما زور بولادى. جوعارىدا ايتىلعان ءىشىنارا وڭىرلەردە باتىس سولتۇستىكتەن 5 بال اينالاسىندا بوران سوعادى، جەل وتتەرىندە 9 دا 10 بالعا جەتەدى. وڭتۇستىك شينجياڭ ويپاتىنىڭ ورتا، شىعىس بولەگىندە قيىس شىعىستان 4 تە 5 بال بوران سوعادى، مەزەتتىك جەل كۇشى 8 بال اينالاسىندا بولادى، ءىشىنارا جەرلەردە قۇمدى بوران سوعادى.

7 – ايدىڭ 17 – كۇنىنەن 18 – كۇنىنە دەيىن سولتۇستىك شينجياڭنىڭ سولتۇستىگى، قۇمىل قالاسىنىڭ سولتۇستىگىندەگى تاۋلى وڭىرلەر قاتارلى جەرلەردە سەبەزگى جاڭبىر جاۋادى، بيىك تاۋلى وڭىرلەردە قار جاۋادى، التاي ايماعىنىڭ سولتۇستىگىندەگى تاۋلى وڭىرلەردىڭ ءىشىنارا جەرلەرىندە ورتاشادان باستاپ قالىڭ جاڭبىر جاۋادى، ءىشىنارا وڭىرلەردە باتىس سولتۇستىكتەن 5 بال اينالاسىندا بوران سوعادى، جەل وتىندە 9 دا 10 بال بوران سوعادى.

سونىمەن بىرگە، جالعاساتىن ۋاقىتى ۇزاق، ىقپال كولەمى كەڭ جوعارى تەمپەراتۋرالى اۋا رايى بۇكىل شينجياڭعا ىقپال جاسايدى، 7 - ايدىڭ 13 - كۇنىنەن 20 - كۇنىنە دەيىن، شينجياڭنىڭ جازىق وڭىرلەرىنىڭ باسىم كوپ بولىگىندە 35 سەلتسي گرادۋستان جوعارى ىستىق بولادى، وڭتۇستىك شينجياڭدا، شىعىس شينجياڭدا 7 – ايدىڭ 25 – كۇنىنە دەيىن جالعاسادى. بۇراتالا موڭعۇل اۆتونوميالى وبلىسىنىڭ شىعىس بولەگى، تارباعاتاي ايماعىنىڭ وڭتۇستىك بولەگى، قارامايلى قالاسى، شىحىزى قالاسى، ءۇرىمجى قالاسىنىڭ سولتۇستىك بولەگى، سانجى وبلىسى، وڭتۇستىك شينجياڭ ويپاتى، شىعىس شينجياڭ قاتارلى جەرلەردىڭ ەڭ جوعارى تەمپەراتۋراسى 40 سەلتسي گرادۋستان اسادى، بايىنعولىن وبلىسىنىڭ وڭتۇستىك بولەگى، تۇرپان قالاسى، قۇمىل قالاسىنىڭ ءىشىنارا وڭىرلەرىنىڭ تەمپەراتۋراسى 45 سەلتسي گرادۋستان اسادى، تۇرپان قالاسىنىڭ ءىشىنارا جەرلەرىنىڭ تەمپەراتۋراسى 50 سەلتسي گرادۋستان اسادى.

شينجياڭ ۇيعۇر اۆتونوميالى رايوندىق اۋرۋدان ساقتانۋ جانە ونى تىزگىندەۋ مەكەمەسى مەن شينجياڭ اۋا رايى مەكەمەسى 7 ـ ايدىڭ 13 ـ كۇنى جوعارى تەمپەراتۋرانىڭ دەنساۋلىققا تۋدىراتىن حاۋىپ ـ قاتەرىنەن ساقتانۋ ەسكەرتپەسىن بىرلەسىپ جاريالادى، وڭتۇستىك شينجياڭ ويپاتى، تۇرپان قالاسى، قۇمىل قالاسى جانە ىلە اڭعارىنىڭ باتىس بولەگى، بۇراتالا وبلىسىنىڭ شىعىس بولەگى، تارباعاتاي ايماعىنىڭ وڭتۇستىك بولەگى، قارامايلى قالاسى، شىحىزى قالاسى، ءۇرىمجى قالاسىنىڭ سولتۇستىك بولەگى، سانجى وبلىسى قاتارلى جەرلەردە جوعارى تەمپەراتۋرانىڭ دەنساۋلىققا تۋدىراتىن حاۋىپ ـ قاتەرى جوعارى نەمەسە وتە جوعارى بولادى، جۇرتشىلىققا ساقتىقتى كۇشەيتۋدى ەسكەرتتى.

كەلۋ قاينارى: حالىق تورابى