شينجياڭ نە ءۇشىن وسىنشاما ىستىق بولادى؟ اۋا رايى مامانىنىڭ جاۋابى

7 – ايدىڭ 13 – كۇنىنەن 20 – كۇنىنە دەيىن شينجياڭدا تاعى ءبىر رەت ۇزاققا سوزىلعان قاتتى ىستىق بولادى، بۇل رەتكى ىستىق قالاي قالىپتاستى دەگەن سۇراقتىڭ جاۋابىن شينجياڭ اۋا رايى ستانسياسىنىڭ باس مالىمەتشىسى لي رۋچي بەردى.

لي رۋچي بىلاي دەپ تانىستىردى: وسى رەت شينجياڭدا جوعارى تەمپەراتۋرانىڭ ءۇرتىس جالعاسۋىنىڭ باستى سەبەبى — يراننىڭ قوسالقى ىستىق بەلدەۋ جوعارى قىسىمى مەن باتىس تىنىق مۇحيتتىڭ قوسالقى ىستىق بەلدەۋ جوعارى قىسىمى تۇتاسقاننان كەيىن سولتۇستىككە كوتەرىلۋ ارقىلى شينجياڭدى تىزگىندەپ، جىلى جوعارى قىسىم جۇيەسى الىپ ىستىق كۇمبەزشەگە ۇقساس اسپاندى تورلاپ الادى ءارى جىلجۋى باياۋ بولادى، سونداي – اق ىستىق اۋا وسى وڭىردى جاۋىپ الادى، سونىمەن بىرگە سۋىق اۋانىڭ كىرۋىن دە توسىپ الادى.

مۇنان سىرت، شينجياڭدا جاز ماۋسىمىندا كۇندىز ۇزاق، ءتۇن قىسقا بولادى، كۇن نۇرىنىڭ ءتۇسۋ ۋاقىتى ۇزاق، اشىق كۇندەرى بۇلت از بولادى، كۇن رادياتسياسى جەر بەتىنە تىكە تۇسەدى، ال شينجياڭ ويپاتىنىڭ جەر بەدەرى جىلۋدى سىرتقا وڭاي تاراتپايدى، ونىڭ ۇزدىكسىز جينالۋى ءۇرتىس جالعاساتىن جوعارى تەمپەراتۋرالى اۋا رايىن تۋدىرادى. (تيانشان تورابىنىڭ حابارى)