سىرتقى ىستەر مينيسترلىگى: كۋبانىڭ مەملەكەتتىڭ يەلىك ۇقىعىن قورعاپ، سىرتتىڭ كيلىگۋىنە قارسى تۇرۋىن باتىل قولدايمىز

شينحۋا اگەنتتىگىنىڭ 7 - ايدىڭ 15 – كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى لين جيان 7 - ايدىڭ 15 - كۇنى كەزەكتى تىلشىلەر جينالىسىندا بىلاي دەدى: تاياۋدا ا ق ش جاق قۇرساۋلاۋ جانە جازالاۋ شاراسىن تاعى دا جوعارىلاتىپ، كۋبانىڭ نەگىزگى حالىق تۇرمىسىنا اۋىر سوققى بەرىپ، حالىقارالىق قوعامنىڭ نازارىن ايرىقشا اۋداردى. ا ق ش حالىقارالىق قوعامنىڭ ادىلەتتى ۇنىنە قۇلاق اسىپ، كۋبانى قۇرساۋلاۋدى جانە قوقانلوقى جاساپ، قىسىم ءتۇسىرۋدى دەرەۋ توقتاتۋى، كۋبا حالقىنىڭ ءومىر ءسۇرۋ ۇقىعىنا، دامۋ ۇقىعىنا قول سۇعۋدى توقتاتۋى كەرەك. جۇڭگو كۋبانىڭ مەملەكەتتىڭ يەلىك ۇقىعىن قورعاپ، سىرتتىڭ كيلىگۋىنە قارسى تۇرۋىن باتىل قولدايدى، حالىقارالىق قوعاممەن بىرگە حالىقارالىق ادىلدىك پەن تۋراشىلدىقتى قورعاۋدى قالايدى.

كەلۋ قاينارى: حالىق تورابى